ཀྲུང་གོ་བོད་ཀྱི་དྲ་བའི་འཕྲིན། གསར་འགོད་པས་ཚེས21ཉིན་བོད་རང་སྐྱོང་ལྗོངས་ཀྱི་ཚན་རྩལ་ཐིན་ནས་རྒྱུས་ལོན་བྱུང་བ་ལྟར་ན།མིག་སྔའི་བར་དུ།རྒྱལ་ཁབ་ཀྱིས་བསྡོམས་པས་མ་དངུལ་སྒོར་དུང་ཕྱུར40ལྷག་བཏང་སྟེ།བོད་ལྗོངས་ནས་གློག་འདོན་འཕྲུལ་འཁོར་གྱི་གློག་འདོན་ཚད་ཀྲའོ་ཝ200ཙམ་གྱི་འོད་གློག་རྣམ་གྲངས་ལག་བསྟར་བྱས་ཏེ།ཐད་ཀར་གློག་མེད་པའི་ས་ཁུལ་གྱི་མི་ཁྲི60ལྷག་གིས་གློག་སྤྱོད་པའི་གནད་དོན་ཐག་གཅོད་བྱས།བོད་ལྗོངས་ཀྱི་ཉི་ནུས་ཐོན་ཁུངས་རྒྱལ་ཡོངས་ཀྱི་ཨང་དང་པོ་ཡིན་པ་དང་།དེ་ནི་འཛམ་གླིང་སྟེང་ཉི་ནུས་ཐོན་ཁུངས་ཆེས་ཕུན་སུམ་ཚོགས་པའི་ས་ཁུལ་ཡང་ཡིན།ལྗོངས་ཡོངས་ཀྱི་ས་ཁུལ་མང་ཆེ་བར་ཉི་ནུས་ཀྱིས་འགྱེད་འཕྲོ་བྱེད་ཚད་ལོ་རེར་ཆ་སྙོམས་སུ་སྨི་གྲུ་བཞི་མ་རེ་ཀྲའོ་ཅོ་ཨེར6000ནས8000བར་ཟིན་ཡོད་པ་དང་།འཕྲེད་ཐིག་གི་ཏུའུ་གྲངས་གཅིག་མཚུངས་ཡིན་པའི་བདེ་ཐང་ས་ཁུལ་ལས་ལྡབ་གཅིག་ལྷག་གིས་བརྒལ་ཡོད་པ་རེད།གཞི་གྲངས་ལྟར་ན།བོད་ལྗོངས་ཀྱི་ཉོ་འོད་ཕོག་ཡུན་རིང་ཐུང་ནི་རྒྱལ་ཡོངས་ཀྱི་གྲངས་ཚད་ཆེས་མཐོ་བའི་ས་ཁུལ་ཡིན།ལོ་ཧྲིལ་བོའི་ཆ་སྙོམས་ཀྱི་ཉོ་འོད་ཕོག་ཡུན་རིང་ཐུང་ཆུ་ཚོད3000ཡས་མས་ཟིན་ཡོད་པ་རེད།  །