ཉེ་ཆར། སི་ཁྲོན་གྱི་ཞིང་ཆེན་རིམ་པའི་གཞུང་ལམ་ཉེན་མེད་འགན་སྲུང་སྒྲིག་ཆས་གཞུང་ལམ་འགྲམ་གཉིས་ཀྱི་སྐྱོར་ར་ཞིབ་བཤེར་ཚོ་ཆུང་གིས་དར་མདོ་གྲོང་ཁྱེར་གྱི2013ནས2014ལོའི་བར་གྱི་གཞུང་ལམ་འགྲམ་གཉིས་ཀྱི་སྐྱོར་ར་འཛུགས་སྐྲུན་བྱས་པའི་གནས་ཚུལ་ལ་ཞིབ་བཤེར་བྱས་པ་རེད།

　ཞིབ་བཤེར་ཚོ་ཆུང་གིས་སྐྱིད་ཐང་ནས་ཆུ་གཉིས་མདོའི་གཞུང་ལམ་དང་གནམ་གྲུ་ཐང་ནས་ལྷ་སྒང་གི་ཡུལ་སྐོར་གཞུང་ལམ། དཔའ་སྲེག་རོང་ཤང་། ཅུ་དཀྱིལ་ཤང་བཅས་ཀྱི་ཤང་བགྲོད་གཞུང་ལམ5ལ་སྐབས་བསྟུན་ཟུར་བཤེར་རྩིས་ལེན་བྱས་ཤིང་། ཕྱི་ལས་དངོས་སུ་ཐིག་ལེན་ཚོད་ལྟ་དང་ནང་ལས་དཔྱད་གཞིའི་ཡིག་རིགས་ལ་ཞིབ་བཤེར་བྱེད་པ་དང་ཟུང་དུ་འབྲེལ་བར་བརྒྱུད། གོང་གི་གཞུང་ལམ་འགྲམ་གཉིས་ཀྱི་སྐྱོར་རར་ཁྱོན་ཡོངས་ནས་ཞིབ་བཤེར་བྱས་རྗེས། གྲོང་ཁྱེར་དེའི2013ནས2014ལོའི་བར་གྱི་གཞུང་ལམ་འགྲམ་གཉིས་ཀྱི་སྐྱོར་རར་ཞིང་ཆེན་རིམ་པའི་ཟུར་བཤེར་རྩིས་ལེན་ཐོབ་པ་གྲོས་མཐུན་མགྲིན་གཅིག་ཏུ་བྱས་པ་རེད།།