ཉེ་ཆར། རྒྱལ་ཁབ་ཡུལ་སྐོར་ཅུས་དང་ཁོར་ཡུག་སྲུང་སྐྱོང་པུའུ་ཡིས2014ལོའི་རྒྱལ་ཁབ་སྐྱེ་ཁམས་ཡུལ་སྐོར་དཔེ་སྟོན་ཁུལ་ནང་ཚུད་པའི་མིང་ཐོ་ཁྱབ་བསྒྲགས་བྱས་ནས། དུང་དཀར་ལུང་པའི་མཛེས་ཁུལ་ལ་རྒྱལ་ཁབ་སྐྱེ་ཁམས་ཡུལ་སྐོར་དཔེ་སྟོན་ཁུལ་གྱི་མཚན་སྙན་ཐོབ་པ་རེད། 《རྒྱལ་ཁབ་སྐྱེ་ཁམས་ཡུལ་སྐོར་དཔེ་སྟོན་ཁུལ་འཛུགས་སྐྲུན་དང་འཁོར་སྐྱོད་ཚད་ལྡན》དང་《རྒྱལ་ཁབ་སྐྱེ་ཁམས་ཡུལ་སྐོར་དཔེ་སྟོན་ཁུལ་གྱི་དོ་དམ་སྒྲིག་སྲོལ》།《རྒྱལ་ཁབ་སྐྱེ་ཁམས་ཡུལ་སྐོར་དཔེ་སྟོན་ཁུལ་འཛུགས་སྐྲུན་དང་འཁོར་སྐྱོད་ཚད་ལྡན་གྱི་ལག་བསྟར་ཞིབ་ཕྲ》བཅས་ལ་གཞིགས་ནས། ཞིང་ཆེན་རིམ་པའི་ཡུལ་སྐོར་དང་ཁོར་ཡུག་སྲུང་སྐྱོང་སྡེ་ཁག་གཉིས་ཀྱིས་མཉམ་དུ་ངོ་སྤྲོད་བྱས་ཤིང་ཆེད་རམས་པས་ཞིབ་དཔྱད་བྱས་པར་བརྒྱུད། རྒྱལ་ཡོངས་ཀྱི་ཡུལ་སྐོར་མཛེས་ཁུལ37དེ་2014ལོའི་རྒྱལ་ཁབ་སྐྱེ་ཁམས་ཡུལ་སྐོར་དཔེ་སྟོན་ཁུལ་ནང་ཚུད་པ་རེད། 2014ལོར་སི་ཁྲོན་ཞིང་ཆེན་གྱི་དུང་དཀར་ལུང་པའི་མཛེས་ཁུལ་དང་ཀོང་ཡོན་གྲོང་ཁྱེར་གྱི་ཐང་ཅ་ཧོ་སྐྱེ་ཁམས་ཡུལ་སྐོར་མཛེས་ཁུལ2མ་གཏོགས་བདམས་ཐོན་བྱུང་མེད་པ་རེད།།