སྤྱི་ཟླ7པའི་ཚེས1ཉིན་གྱི་སྔ་དྲོར། ཀྲུང་གོ་གུང་ཁྲན་ཏང་བཙུགས་ནས་ལོ་བརྒྱ་འཁོར་བར་རྟེན་འབྲེལ་ཞུ་བའི་ཚོགས་ཆེན་པེ་ཅིང་གནམ་བདེ་སྒོ་མོའི་ཐང་ཆེན་དུ་གཟབ་རྒྱས་ངང་འཚོགས། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་གསུང་བཤད་གལ་ཆེན་གནང་།

སྤྱི་ཟླ7པའི་ཚེས1ཉིན་གྱི་སྔ་དྲོར། ཀྲུང་གོ་གུང་ཁྲན་ཏང་བཙུགས་ནས་ལོ་བརྒྱ་འཁོར་བར་རྟེན་འབྲེལ་ཞུ་བའི་ཚོགས་ཆེན་པེ་ཅིང་གནམ་བདེ་སྒོ་མོའི་ཐང་ཆེན་དུ་གཟབ་རྒྱས་ངང་འཚོགས།

ཞི་ཅིན་ཕིང་གིས་གསུང་བཤད་གལ་ཆེན་གནང་ནས་བསྟན་དོན།

ལོ་བརྒྱའི་སྔོན་ལ། ཀྲུང་གོ་གུང་ཁྲན་ཏང་གི་སྔོན་བྱོན་པ་ཚོས་ཀྲུང་གོ་གུང་ཁྲན་ཏང་བཙུགས་ཏེ། བདེན་ལུགས་རྒྱུན་འཁྱོངས་དང་ཕུགས་བསམ་བརྟན་སྲུང་། བསམ་འདུན་ལག་བསྟར། འགན་འཁྲི་ཁག་ཁུར། རང་སྲོག་བློས་གཏོང་ཕོད་པ་དང་དཔའ་ངར་ཆེན་པོས་འཐབ་རྩོད། ཏང་ལ་བློ་དཀར་བ་དང་མི་དམངས་ཀྱི་རེ་བ་སྟོང་ཟད་དུ་མི་གཏོང་བའི་རླབས་ཆེ་བའི་ཏང་འཛུགས་སྙིང་སྟོབས་གྲུབ་པར་བྱས་པ་དེ་ནི། ཀྲུང་གོ་གུང་ཁྲན་ཏང་གི་སྙིང་སྟོབས་ཀྱི་འབྱུང་ཁུངས་ཡིན། ལོ་བརྒྱའི་རིང་ལ། ཀྲུང་གོ་གུང་ཁྲན་ཏང་གིས་རླབས་ཆེ་བའི་ཏང་འཛུགས་སྙིང་སྟོབས་དར་སྤེལ་བྱས་པ་དང་། ཡུན་རིང་གི་འབད་འཐབ་ཁྲོད་ཀྲུང་གོ་གུང་ཁྲན་ཏང་མིའི་སྙིང་སྟོབས་ཀྱི་མ་ལག་བསྐྱངས་པ་དང་། མངོན་པར་གསལ་བའི་ཆབ་སྲིད་ཀྱི་

རང་གཤིས་སྦྱོང་བརྡར་བྱས། ལོ་རྒྱུས་ཀྱི་ཆུ་རྒྱུན་ལ་ཆད་པ་མེད་པ་བཞིན་སྙིང་སྟོབས་ཀྱང་མི་རབས་མི་རབས་བར་དུ་རྒྱུན་འཛིན་བྱ་དགོས་པར་བརྟེན། ང་ཚོས་གཟི་བརྗིད་ཀྱི་གོམས་སྲོལ་མུ་མཐུད་དུ་དར་སྤེལ་དང་དམར་པོའི་

ཁྲག་རྒྱུན་གྱི་རྗེས་བསྐྱངས་ཏེ་དུས་གཏན་དུ་རླབས་ཆེ་བའི་ཏང་བཙུགས་སྙིང་སྟོབས་རྒྱུན་འཛིན་དང་དར་སྤེལ་བྱ་དགོས།

ལི་ཁེ་ཆང་གིས་གཙོ་སྐྱོང་གནང་། ལི་ཀྲན་ཧྲུའུ།ཝང་དབྱང་། ཝང་ཧུའུ་ཉིང་། ཀྲའོ་ལེ་ཅི། ཧན་ཀྲེང་། ཝང་ཆི་ཧྲན། ཧུའུ་ཅིན་ཐའོ་སོགས་ཚོགས་ཆེན་ལ་ཞུགས།

ལོ་བརྒྱའི་བཞུད་ལམ་ཟིལ་ཤུགས་རྔམ་བརྗིད་ལྡན། ། ལོ་བརྒྱའི་ཀུན་སློང་འགྱུར་མེད་རྟག་ཏུ་བརྟན། །སྤྱི་ཟླ7པའི་ཚེས1ཉིན་གྱི་སྔ་དྲོར། ཀྲུང་གོ་གུང་ཁྲན་ཏང་བཙུགས་ནས་ལོ་བརྒྱ་འཁོར་བར་རྟེན་འབྲེལ་ཞུ་བའི་ཚོགས་ཆེན་པེ་ཅིང་གནམ་བདེ་སྒོ་མོའི་ཐང་ཆེན་དུ་ནང་གཟབ་རྒྱས་ངང་འཚོགས་ཤིང་། ལས་རིགས་སོ་སོའི་འཐུས་ཚབ་པ་ཁྲི7ལྷག་མཛད་སྒོ་རྒྱ་ཆེན་པོར་ཞུགས་ནས་ཀྲུང་གོ་གུང་ཁྲན་ཏང་གི་ལོ་བརྒྱའི་འཁྲུངས་སྐར་ལ་དགའ་སྟོན་རྟེན་འབྲེལ་ཞུས། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་གསུང་བཤད་གལ་ཆེན་གནང་། ཁོང་གིས་ནན་གསུང་གནང་དོན། འདས་པའི་ལོ་བརྒྱའི་རིང་ལ་ཀྲུང་གོ་གུང་ཁྲན་ཏང་གིས་མི་དམངས་དང་ལོ་རྒྱུས་ལ་ཁྱད་དུ་འཕགས་པའི་རྒྱུགས་ལན་སྤྲད་ཡོད། ད་ལྟ། ཀྲུང་གོ་གུང་ཁྲན་ཏང་གིས་ཀྲུང་གོ་མི་དམངས་ལ་མཐུན་སྒྲིལ་དང་སྣེ་ཁྲིད་བྱས་ཏེ་ལོ་བརྒྱ་གཉིས་པའི་འབད་འཐབ་དམིགས་ཡུལ་མངོན་འགྱུར་བྱེད་པའི་རྒྱུགས་སྤྲོད་ཀྱི་ལམ་དུ་ཡང་བསྐྱར་ཞུགས་དགོས། ཀྲུང་གོ་གུང་ཁྲན་ཏང་གིས་ཀྲུང་ཧྭ་མི་རིགས་ཀྱི་དུས་གཏན་གྱི་རླབས་ཆེན་བྱ་གཞག་གཉེར་རྒྱུའི་སེམས་ཐག་བཅད་ཡོད་ལ། ལོ་བརྒྱ་ཐམ་པ་ནི་ལང་ཚོའི་དུས་སྐབས་ཡིན། འདས་སོང་ལ་ཕྱིར་ལྟ་དང་མ་འོངས་པར་རྒྱང་ལྟ་བྱས་ཚེ། ཀྲུང་གོ་གུང་ཁྲན་ཏང་གི་མགོ་ཁྲིད་སྟོབས་ལྡན་ཡོད་པ་དང་། རྒྱལ་ཡོངས་རིགས་སོ་སོའི་མི་དམངས་ཀྱི་མཐུན་སྒྲིལ་དམ་པོ་ཡོད་ན། སྤྱི་ཚོགས་རིང་ལུགས་དེང་རབས་ཅན་གྱི་སྟོབས་ལྡན་རྒྱལ་ཁབ་ཕྱོགས་ཡོངས་ནས་འཛུགས་སྐྱོང་བྱེད་པའི་དམིགས་ཡུལ་་མངོན་འགྱུར་བྱ་ཐུབ་ངེས་ཡིན་པ་དང་། ཀྲུང་ཧྭ་མི་རིགས་བསྐྱར་དར་རླབས་ཆེན་གྱི་ཀྲུང་གོའི་ཕུགས་འདུན་མངོན་འགྱུར་བྱ་ཐུབ་ངེས་ཡིན་པ་རེད།

ཞི་ཅིན་ཕིང་གིས་ཏང་དང་མི་དམངས་ཀྱི་ཚབ་མཛད་དེ། ཏང་ཡོངས་དང་རྒྱལ་ཡོངས་རིགས་སོ་སོའི་མི་དམངས་ཀྱིས་བསྟུད་མར་འབད་འཐབ་བྱས་པ་བརྒྱུད་ནས། ང་ཚོས་ལོ་བརྒྱ་དང་པོའི་འབད་འཐབ་དམིགས་ཡུལ་མངོན་འགྱུར་བྱས་ཏེ། ཀྲུང་ཧྭའི་ས་གཞི་ཆེན་མོ་རུ་འབྱོར་འབྲིང་སྤྱི་ཚོགས་ཕྱོགས་ཡོངས་ནས་འགྲུབ་པར་བྱས་པ་དང་། རྩ་བ་རང་བཞིན་གྱི་དབུལ་ཕོངས་གནད་དོན་ལོ་རྒྱུས་རང་བཞིན་གྱིས་ཐག་བཅད་ནས། སྤོབས་པ་ཆེར་སྐྱེད་ཀྱིས་སྤྱི་ཚོགས་རིང་ལུགས་དེང་རབས་ཅན་གྱི་སྟོབས་ལྡན་རྒྱལ་ཁབ་ཕྱོགས་ཡོངས་ནས་འཛུགས་སྐྱོང་བྱེད་པའི་ལོ་བརྒྱ་ལོ་གཉིས་པའི་འབད་འཐབ་དམིགས་ཡུལ་ཕྱོགས་སུ་མདུན་སྐྱོད་བྱེད་བཞིན་ཡོད། འདི་ནི་ཀྲུང་ཧྭ་མི་རིགས་ཀྱི་རླབས་ཆེ་བའི་གཟི་བརྗིད་ཡིན་པ་དང་། འདི་ནི་ཀྲུང་གོ་མི་དམངས་ཀྱི་རླབས་ཆེ་བའི་གཟི་བརྗིད་ཡིན་ལ། འདི་ནི་ཀྲུང་གོ་གུང་ཁྲན་ཏང་གི་རླབས་ཆེ་བའི་གཟི་བརྗིད་ཡིན་ཞེས་བརྗིད་ཉམས་ཆེན་པོས་བསྒྲགས་པ་རེད།

ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན་ལི་ཁེ་ཆང་གིས་རྟེན་འབྲེལ་ཞུ་བའི་ཚོགས་ཆེན་གཙོ་སྐྱོང་གནང་། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན་ལི་ཀྲན་ཧྲུའུ་དང་། ཝང་དབྱང་། ཝང་ཧུའུ་ཉིང་། ཀྲའོ་ལེ་ཅི། ཧན་ཀྲེང་། རྒྱལ་ཁབ་ཀྱི་ཀྲུའུ་ཞི་གཞོན་པ་ཝང་ཆི་ཧྲན་སོགས་ཚོགས་འདུར་ཞུགས།

ཀྲུང་ཧྭའི་ནོར་འཛིན་ཡངས་པོར་དགའ་བའི་དཔལ་གྱིས་ཁེངས་ཤིང་བཀྲ་ཤིས་དགེ་མཚན་རྒྱས། རྒྱལ་ས་པེ་ཅིང་དུ་མེ་ཏོག་གི་ཚོམ་བུ་བཀྲ་ཞིང་དར་ཆ་ལྷབ་ལྷུབ་སྐྱོད། རླབས་ཆེ་བའི་ཀྲུང་གོ་གུང་ཁྲན་ཏང་གི་མགོ་ཁྲིད་འོག་ཏུ། ཉེ་རབས་ཀྱི་རྗེས་སུ་དཀའ་སྡུག་ཡུན་རིང་མྱངས་པའི་ཀྲུང་ཧྭ་མི་རིགས་ཀྱིས་ཡར་ལངས་པ་ནས་ཕྱུག་པོར་གྱུར་པ་དང་། དེ་ནས་སྟོབས་ལྡན་དུ་འགྱུར་བའི་རླབས་ཆེན་མཆོང་སྐྱོད་བསུས་ཡོད་ལ། ཀྲུང་གོ་མི་དམངས་དུང་ཕྱུར་བཅུ་བཞི་ལྷག་སྤོབས་པ་ཆེར་སྐྱེད་ཀྱིས་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དུས་རབས་གསར་པའི་བརྗིད་ཆགས་མཛེས་སྡུག་ལྡན་པའི་མདུན་སྐྱོད་ཀྱི་ལམ་དུ་བགྲོད་བཞིན་ཡོད་པ་རེད།

གནམ་བདེ་སྒོ་མོ་ཆེའི་མཁར་སྒོའི་ལྕོག་ཁང་རྔམ་ཞིང་བརྗིད་ལ། མཁར་གྱང་དམར་པོའི་དཀྱིལ་དུ་མའོ་ཙེ་ཏུང་གི་ཚོན་ལྡན་སྐུ་པར་ཆེན་པོ་བཀལ་ཡོད། གནམ་བདེ་སྒོ་མོ་ཆེའི་ཐང་ཆེན་དུ། མི་དམངས་དཔའ་བོའི་རྗེས་དྲན་རྡོ་རིང་བརྗིད་ཆགས་ཀྲོང་ངེར་འགྱིང་ཡོད། དྲན་གསོའི་རྡོ་རིང་གི་བྱང་ལོགས་སུ། དཔངས་ལ་སྨི་བདུན་དང་གྲངས་ཆུང་གཅིག་དང་ཞེང་ལ་སྨི་བདུན་དང་གྲངས་ཆུང་གཅིག་ཅན་གྱི་ཀྲུང་གོ་གུང་ཁྲན་ཏང་གི་ཏང་རྟགས་དང“1921”དང“2021”ཅེས་པའི་ཨང་ཀི་མིག་ལམ་དུ་གསལ་པོར་མཐོང་འོང་། ཐང་ཆེན་གྱི་ཤར་ནུབ་ལོགས་གཉིས་སུ། དར་དམར་བརྒྱ་ཐམ་པ་ལྷབ་ལྷུབ་ཏུ་སྐྱོད་བཞིན་ཡོད་པ་རེད།

བར་སྣང་ནས་མར་བལྟས་ཚེ། གནམ་བདེ་སྒོ་མོ་ཆེའི་ཐང་ཆེན་གྱི“གྲུ་གཟིངས་ཆེན་མོའི་འགྲུལ་བཞུད”ཅེས་པའི་བཟོ་དབྱིབས་དེ་རྔམ་བརྗིད་ཤིན་ཏུ་ཆེ་ལ། རྦ་རླབས་ཤུགས་ཀྱིས་བརྒལ་ཞིང་རླུང་གཡོར་མཐོ་རུ་བསྒྲེངས་ནས་ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་འོད་སྟོང་འབར་བའི་མ་འོངས་པའི་ཕྱོགས་སུ་འབད་པས་སྐྱོད་བཞིན་ཡོད།

རྟེན་འབྲེལ་ཞུ་བའི་ཚོགས་ཆེན་མགོ་མ་ཚུགས་གོང་། ཚོགས་ར་ཡོངས་སུ《བསྟོད་གླུ་ཏང་ལ་འབུལ》ཞེས་པ་དང《ང་ཚོ་ལམ་ཆེན་དུ་སྐྱོད》ཅེས་པ། 《གནམ་ས་གསར་པ》ཞེས་པ། 《གུང་ཁྲན་ཏང་མེད་ན་ཀྲུང་གོ་གསར་པ་མེད》ཅེས་པ་སོགས་ཀྱི་གླུ་སྐད་སྙན་མོ་སྐད་གསེང་མཐོན་པོས་བླངས་ནས། ཏང་ལ་བཅངས་པའི་དགའ་ཞེན་དང་སྨོན་འདུན་མཚོན་པར་བྱས།

སྔ་དྲོའི་ཆུ་ཚོད7དང་སྐར་མ53སྟེང་། དགའ་སྤྲོའི་རོལ་དབྱངས་ཁྲོད་དུ། ཞི་ཅིན་ཕིང་སོགས་ཏང་དང་རྒྱལ་ཁབ་ཀྱི་མགོ་ཁྲིད་པ་གནམ་བདེ་སྒོ་མོ་ཆེའི་མཁར་སྒོའི་ལྕོག་ཁང་གི་ཀྲུའུ་ཞི་སྟེགས་བུར་ཕེབས་པ་ན། ཚོགས་ར་ཡོངས་སུ་སྤྲོ་སེམས་འཁོལ་བའི་ཐལ་མོ་རྡེབ་སྒྲས་ཁེངས།

བྱ་རྒོད་གཤོག་ཟུང་ནམ་མཁའི་དབྱིངས་སུ་བརྐྱངས། ། སྟོང་བའི་དབྱིངས་སུ་འཕུར་སྐྱོད་ལྡིང་སྐོར་བྱས། ། ཆུ་ཚོད7དང་སྐར་མ55སྟེང་། ཀྲུང་གོ་མི་དམངས་བཅིངས་འགྲོལ་དམག་གི་འཐབ་འཛིང་གནམ་གྲུ་བདུན་ཅུ་དོན་གཅིག་བར་སྣང་ནས་གནམ་བདེ་སྒོ་མོ་ཆེའི་ཐང་ཆེན་ཕྱོགས་སུ་འཕུར་ནས། ཏང་ལ་གུས་འདུད་ཞུས་པ་དང་། མེས་རྒྱལ་ལ་གུས་འདུས་ཞུས་ཤིང་། མི་དམངས་ལ་གུས་འདུད་ཞུས།

བར་སྣང་དར་སྲུང་གནམ་གྲུ་རུ་ཁག་གིས་འཕུར་སྐྱོད་བྱས་ཏེ་རྟེན་འབྲེལ་འཁྲབ་སྟོན་གྱི་སྒོ་འཕར་ཕྱེས། གྱེན་འཕུར་གནམ་གྲུ་ལྔ་ཡི་སྟེང་དུ་སོ་སོར་ཀྲུང་གོ་གུང་ཁྲན་ཏང་གི་ཏང་དར་དང“རླབས་ཆེ་བའི་ཀྲུང་གོ་གུང་ཁྲན་ཏང་ཁྲི་ལོར་བརྟན་པར་ཤོག” “རླབས་ཆེ་བའི་ཀྲུང་གོ་མི་དམངས་ཁྲི་ལོར་བརྟན་པར་ཤོག” “རླབས་ཆེ་བའི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཁྲི་ལོར་བརྟན་པར་ཤོག” “རྒྱལ་ཡོངས་རིགས་སོ་སོའི་མི་དམངས་ཀྱི་མཐུན་སྒྲིལ་ཆེན་མོ་ཁྲི་ལོར་བརྟན་པར་ཤོག”ཅེས་བྲིས་པའི་འཕྲེད་ཡིག་བཀལ་ནས་མདུན་དུ་འཕུར། དེའི་རྗེས་སུ་གྱེན་འཕུར་གནམ་གྲུ་དང་འཐབ་འཛིང་གནམ་གྲུས་སོ་སོར“100”དང“71”གི་ཨང་ཀིའི་དབྱིབས་སུ་བསྡེབས་ཏེ་བར་སྣང་ནས་འཕུར་ལ། ཚར་གཅོད-20རྟགས་ཅན་གྱི་གནམ་གྲུ་བཅོ་ལྔ་ལས་གྲུབ་པའི་སྐས་རིམ་གསུམ་ལྟ་བུའི་རུ་ཁག་ཤར་མར་འཕུར་བ་དང་། ཁྲིད་སྟོན་གནམ་གྲུས་ཚོན་མདོག་གི་དུ་ལམ་རིང་མོ་ཕྱེས་པས། ལྟད་མོ་ཆེ་བའི་འཁྲབ་སྟོན་དེ་དག་ལ་མི་རྣམས་ཀྱིས་དགའ་འབོད་ཡང་ཡང་བྱས།

གནམ་བདེ་སྒོ་མོ་ཆེའི་ཐང་ཆེན་གྱི་གློག་རྡུལ་བརྙན་ཡོལ་སྟེང་དུ“1921”དང་། “1931” “1941” སོགས་ནས“2021”བར་གྱི་ལོ་ཚིགས་རིམ་བཞིན་ཤར། དུས་ཚོད་བརྒྱད་ཀྱི་སྟེང་། གྲུ་གཟིངས་ཆེན་མོའི་འགྲུལ་བཞུད་མཚོན་པའི་དུང་སྒྲ་གྲགས་པ་དང་བསྟུན་ནས། རྟེན་འབྲེལ་ཞུ་བའི་ཚོགས་ཆེན་མགོ་ཚུགས་པ་རེད།

ཚང་མ་གཟབ་ནན་ངང་ཀྲོང་ངེར་ལངས་ཤིང་། གུས་ལུགས་སྒྱོགས་མདེལ་བརྒྱ་ཐམ་པས་སྤྲིན་གྱི་བང་རིམ་བརྟོལ་བ་དང་རྒྱལ་དར་སྲུང་སྐྱོང་རུ་ཁག་གི་དཔོན་དམག་གིས་སྐར་ལྔའི་དར་དམར་བསྲུངས་ཏེ་གོམ་སྟབས་བརྟན་པོས་མི་དམངས་དཔའ་བོའི་རྗེས་དྲན་རྡོ་རིང་གི་མདུན་ནས་ཐང་ཆེན་བྱང་ལོགས་ཀྱི་དར་དམར་སྒྲེང་ཁུལ་དུ་བསྐྱོད། ཀྲུང་གོ་མི་དམངས་བཅིངས་འགྲོལ་དམག་མཉམ་འབྲེལ་དམག་དཔུང་རོལ་མོ་ཚོགས་པས་རྔམ་བརྗིད་ལྡན་པའི《བློས་བླངས་དམག་གི་མདུན་སྐྱོད་གླུ་གཞས》དཀྲོལ་བ་དང་། ཚོགས་ར་ཡོངས་ཀྱིས་མཉམ་དུ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་གླུ་བླངས་ཤིང་། མིག་དབང་འཕྲོག་པའི་སྐར་ལྔའི་དར་དམར་དལ་གྱིས་ཡར་བསྒྲེངས་པས་གནམ་བདེ་སྒོ་མོ་ཆེའི་ཐང་ཆེན་གྱི་མཁའ་དབྱིངས་སུ་ལྷབ་ལྷུབ་ཏུ་སྐྱོད།

དམངས་གཙོའི་ཏང་ཤོག་ཁག་དང་བཟོ་ཚོང་མཉམ་འབྲེལ་ལྷན་ཚོགས། ཏང་ཤོག་གང་ལའང་མི་གཏོགས་པའི་མི་སྣས་མཉམ་འབྲེལ་སྒོས་ཤིས་ཚིག་བསྐུར་བ་དང་། ཀྲུང་གོ་གོ་མིང་ཏང་གསར་བརྗེ་ཨུ་ཡོན་ལྷན་ཁང་ཀྲུང་དབྱང་གི་ཀྲུའུ་ཞི་ཝན་ཨི་ཞང་གིས་ཤིས་ཚིག་སྒྲོག་འདོན་བྱས་ཏེ། ཀྲུང་གོའི་གསར་བརྗེ་དང་འཛུགས་སྐྲུན། བཅོས་བསྒྱུར་ལས་དོན་གྱི་སྟོབས་ལྡན་མགོ་ཁྲིད་སྲོག་ཤིང་སྟེ་རླབས་ཆེ་བའི་ཀྲུང་གོ་གུང་ཁྲན་ཏང་ལ་བླ་ན་མེད་པའི་གུས་འདུད་ཞུས་པ་དང་ལྷག་བསམ་རྣམ་དག་གིས་རྟེན་འབྲེལ་ཞུས་པར་མ་ཟད། བློ་མཐུན་ཞི་ཅིན་ཕིང་སྲོག་ཤིང་གནང་བའི་ཀྲུང་གུང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་སྔར་ལས་དམ་པོ་བྱས་ཏེ། སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཕྱོགས་ཡོངས་ནས་འཛུགས་སྐྱོང་བྱེད་པའི་ཐད་རྒྱལ་ཁ་གསར་པ་ལེན་པ་དང་ཀྲུང་ཧྭ་མི་རིགས་བསྐྱར་དར་རླབས་ཆེན་གྱི་ཀྲུང་གོའི་ཕུགས་འདུན་མངོན་འགྱུར་བྱེད་པར་བྱས་རྗེས་སྔར་ལས་ཆེན་པོ་འཇོག་ངེས་ཡིན་ཞེས་གསུངས་པ་རེད།

གུང་གཞོན་ཚོགས་མི་དང་ལོ་ཆུང་གདོང་ལེན་རུ་མིའི་འཐུས་མིས་མཉམ་དུ་ཤིས་ཚིག་ཕུལ་ཏེ། ཏང་ལ་ལང་ཚོའི་ལེགས་སྐྱེས་ཕུལ་བ་དང“ཏང་སེམས་བདེ་བར་བྱོས་དང་རྒྱལ་ཁབ་སྟོབས་ལྡན་དུ་གཏོང་བར་ང་ཡོད”ཅེས་པའི་དམ་བཅའ་བརྟན་པོ་བཞག

སྤྲོ་སེམས་འཁོལ་བའི་ཐལ་མོ་རྡེབ་སྒྲའི་ཁྲོད་དུ་ཞི་ཅིན་ཕིང་གིས་གསུང་བཤད་གལ་ཆེན་གནང་། ཁོང་གིས་བསྟན་དོན། དེ་རིང་ནི་ཀྲུང་གོ་གུང་ཁྲན་ཏང་གི་ལོ་རྒྱུས་སྟེང་དང་ཀྲུང་ཧྭ་མི་རིགས་ཀྱི་ལོ་རྒྱུས་སྟེང་དུ་ཆེས་གལ་ཆེ་ཞིང་རྔམ་བརྗིད་ལྡན་པའི་ཉིན་མོ་ཞིག་ཡིན། ང་ཚོས་འདི་ནས་གཟབ་རྒྱས་ཆེ་བའི་འདུ་ཚོགས་བྱས་ཏེ་ཏང་ཡོངས་དང་རྒྱལ་ཡོངས་རིགས་སོ་སོའི་མི་དམངས་དང་ལྷན་དུ་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་བརྒྱ་འཁོར་བར་རྟེན་འབྲེལ་ཞུས་ནས། ཀྲུང་གོ་གུང་ཁྲན་ཏང་གིས་ལོ་བརྒྱར་འབད་འཐབ་བྱས་པའི་འོད་སྟོང་འབར་བའི་ལོ་རྒྱུས་བརྒྱུད་རིམ་ལ་ཕྱིར་དྲན་དང་། ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་འོད་སྟོང་འབར་བའི་མདུན་ལྗོངས་ལ་རྒྱང་ལྟ་བྱེད། ཞི་ཅིན་ཕིང་གིས་ཏང་ཀྲུང་དབྱང་གི་ཚབ་མཛད་དེ་ཀྲུང་གོ་གུང་ཁྲན་ཏང་མི་ཡོངས་ལ་དུས་ཆེན་གྱི་རྟེན་འབྲེལ་ཞུས།

ཞི་ཅིན་ཕིང་གིས་བསྟན་དོན། ཀྲུང་གོ་རུ་གུང་ཁྲན་ཏང་བྱུང་བ་ནི་གནམ་ས་བླ་འོག་བརྗེས་བ་ལྟ་བུའི་བསྒྱུར་བཅོས་ཆེན་པོ་ཞིག་རེད། ཉེ་རབས་ཀྱི་རྗེས་སུ་ཀྲུང་ཧྭ་མི་རིགས་འཕེལ་རྒྱས་འབྱུང་བའི་ཁ་ཕྱོགས་དང་འཕེལ་རིམ་ལ་བསྒྱུར་བཅོས་ཆེན་པོ་བྱས་པ་དང་། ཀྲུང་གོ་མི་དམངས་དང་ཀྲུང་ཧྭ་མི་རིགས་ཀྱི་མདུན་ལམ་དང་ལས་དབང་ལ་བསྒྱུར་བཅོས་ཆེན་པོ་བྱས་ལ། འཛམ་གླིང་འཕེལ་རྒྱས་ཀྱི་གནས་བབ་དང་ཆགས་སྟངས་ལ་བསྒྱུར་བཅོས་ཆེན་པོ་བྱས། ཀྲུང་གོ་གུང་ཁྲན་ཏང་དབུ་བརྙེས་པ་ནས་བཟུང་ཀྲུང་གོ་མི་དམངས་ལ་བདེ་སྐྱིད་བསྐྲུན་པ་དང་ཀྲུང་ཧྭ་མི་རིགས་ཀྱི་བསྐྱར་དར་བརྩོན་ལེན་བྱེད་པ་དེ་རང་ཉིད་ཀྱི་ཐོག་མའི་བསམ་འདུན་དང་འགན་འཁྲི་ལ་གཏན་འཁེལ་བྱས། ལོ་བརྒྱའི་རིང་ལ། ཀྲུང་གོ་གུང་ཁྲན་ཏང་གིས་ཀྲུང་གོ་མི་དམངས་ལ་མཐུན་སྒྲིལ་དང་སྣེ་ཁྲིད་བྱས་པའི་འབད་འཐབ་ཡོད་ཚད་དང་བློས་གཏོང་ཡོད་ཚད། གསར་གཏོད་ཡོད་ཚད་ནི་མདོར་བསྡུས་ན་བརྗོད་དོན་གཅིག་ཡིན་ཏེ། ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་མངོན་འགྱུར་བྱ་རྒྱུ་དེ་ཡིན་པ་རེད།

ཞི་ཅིན་ཕིང་གིས་ནན་གསུང་གནང་དོན། ཀྲུང་ཧྭ་མི་རིགས་བསྐྱར་དར་རླབས་ཆེན་གྱི་ཀྲུང་གོའི་ཕུགས་འདུན་མངོན་འགྱུར་བྱེད་ཆེད། ཀྲུང་གོ་གུང་ཁྲན་ཏང་གིས་ཀྲུང་གོ་མི་དམངས་ལ་མཐུན་སྒྲིལ་དང་སྣེ་ཁྲིད་བྱས་ཏེ་ཁྲག་བཏོན་དམར་འཛིང་དང་སྤོབས་པ་ཞུམ་མེད་ཀྱིས་དམངས་གཙོ་རིང་ལུགས་གསར་པའི་གསར་བརྗེའི་རླབས་ཆེན་གྲུབ་འབྲས་གསར་སྐྲུན་བྱས་པ་དང་། རང་སྟོབས་རང་སྤེལ་དང་འབད་བརྩོན་ལྷོད་མེད་བྱས་ཏེ། སྤྱི་ཚོགས་རིང་ལུགས་གསར་བརྗེ་དང་འཛུགས་སྐྲུན་བྱེད་པའི་རླབས་ཆེན་གྲུབ་འབྲས་གསར་སྐྲུན་བྱས་ལ། བསམ་བློ་བཅིངས་འགྲོལ་དང་ཡར་བརྩོན་ལྷོད་མེད་བྱས་ཏེ། བཅོས་བསྒྱུར་སྒོ་འབྱེད་དང་སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་བྱེད་པའི་རླབས་ཆེན་གྲུབ་འབྲས་གསར་སྐྲུན་བྱས་པར་མ་ཟད། རང་རྟོན་རང་འབད་དང་དག་སྲུང་གསར་གཏོད་བྱས་ཏེ་རླབས་ཆེན་འཐབ་རྩོད་དང་རླབས་ཆེན་བཟོ་སྐྲུན། རླབས་ཆེན་ལས་དོན། རླབས་ཆེན་ཕུགས་འདུན་བཅས་གཅིག་འདོམས་བྱས་ཏེ། དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་རླབས་ཆེན་གྲུབ་འབྲས་གསར་སྐྲུན་བྱས། ཀྲུང་གོ་གུང་ཁྲན་ཏང་དང་ཀྲུང་གོ་མི་དམངས་ཀྱིས་དཔའ་ངར་ཞུམ་མེད་ཀྱིས་འབད་འཐབ་ལ་བརྟེན་ནས་འཛམ་གླིང་ལ་ཀྲུང་ཧྭ་མི་རིགས་ཡར་ལངས་པ་ནས་འབྱོར་ཕྱུག་ཏུ་གྱུར་པ་དང་། དེ་ནས་སྟོབས་ལྡན་དུ་འགྱུར་བའི་རླབས་ཆེན་མཆོང་བསྐྱོད་བསུས་ཡོང་བ་དང་། ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་ཀྲུང་གོའི་ཕུགས་འདུན་མངོན་འགྱུར་བྱེད་པ་དེ་ལྡོག་ཐབས་མེད་པའི་ལོ་རྒྱུས་ཀྱི་འཕེལ་རིམ་དུ་སླེབས་པ་བརྗིད་ཉམས་ཆེན་པོས་ཁྱབ་བསྒྲགས་བྱས།

ཞི་ཅིན་ཕིང་གིས་བསྟན་དོན། ལོ་བརྒྱའི་རིང་ལ། ཀྲུང་གོ་གུང་ཁྲན་ཏང་གིས་ཀྲུང་གོ་མི་དམངས་ལ་མཐུན་སྒྲིལ་དང་སྣེ་ཁྲིད་བྱས་ཏེ།“རང་སྲོག་ཕངས་མེད་འདོར་བའི་བློ་སྟོབས་ལས ། ། སྐལ་བཟང་དུས་ཀྱི་འཇིག་རྟེན་གསར་བ་བསྐྲུན།།”ཞེས་པའི་ཞུམ་མེད་ཀྱི་སྙིང་སྟོབས་ལ་བརྟེན་ནས་ཀྲུང་ཧྭ་མི་རིགས་ཀྱི་ལོ་ངོ་སྟོང་ཕྲག་གི་ལོ་རྒྱུས་སྟེང་ཆེས་རྔམ་བརྗིད་ཆེ་བའི་ལོ་རྒྱུས་སྙན་རྩོམ་ཞིག་བརྩམས་ཡོད། ལོ་བརྒྱའི་རིང་བཏོད་པའི་རླབས་ཆེན་བགྲོད་ལམ་དང་། བསྐྲུན་པའི་རླབས་ཆེན་བྱ་གཞག བླངས་པའི་རླབས་ཆེན་གྲུབ་འབྲས་བཅས་ནི་ཀྲུང་ཧྭ་མི་རིགས་འཕེལ་རྒྱས་ཀྱི་ལོ་རྒྱུས་དེབ་ཐེར་དང་འགྲོ་བ་མིའི་དཔལ་ཡོན་གོང་འཕེལ་གྱི་ལོ་རྒྱུས་དེབ་ཐེར་དུ་འགོད་ངེས་ཡིན་པ་རེད།

ཞི་ཅིན་ཕིང་གིས་བསྟན་དོན། ལོ་བརྒྱའི་རིང་ལ་ང་ཚོས་བླངས་པའི་གྲུབ་འབྲས་མཐའ་དག་ནི་ཀྲུང་གོ་གུང་ཁྲན་ཏང་མི་དང་ཀྲུང་གོ་མི་དམངས། ཀྲུང་ཧྭ་མི་རིགས་བཅས་ཀྱིས་མཐུན་སྒྲིལ་འབད་འཐབ་བྱས་པའི་འབྲས་བུ་ཡིན། བློ་མཐུན་མའོ་ཙེ་ཏུང་དང་། བློ་མཐུན་ཏིན་ཞའོ་ཕིང་། བློ་མཐུན་ཅང་ཙེ་མིང་། བློ་མཐུན་ཧུའུ་ཅིན་ཐའོ་བཅས་འཐུས་ཚབ་གཙོ་བོ་ཡིན་པའི་ཀྲུང་གོ་གུང་ཁྲན་ཏང་མིས་ཀྲུང་ཧྭ་མི་རིགས་རླབས་ཆེན་བསྐྱར་དར་ཀྱི་ཆེད་དུ་ལོ་རྒྱུས་དེབ་ཐེར་དུ་བཀོད་་པའི་མཛད་རྗེས་རླབས་ཆེན་བསྐྲུན་ཡོད་པས། ང་ཚོས་ཁོང་ཚོར་བླ་ན་མེད་པའི་གུས་འདུད་ཞུ།

ཞི་ཅིན་ཕིང་གིས་བསྟན་དོན། སྐབས་འདིར་ང་ཚོས་ཀྲུང་གོའི་གསར་བརྗེ་དང་། འཛུགས་སྐྲུན། བཅོས་བསྒྱུར་བཅས་ཀྱི་ཆེད་དང་། ཀྲུང་གོ་གུང་ཁྲན་ཏང་འཛུགས་པ་དང་སྲ་བརྟན་དུ་གཏོང་བ། འཕེལ་རྒྱས་གཏོང་བའི་ཆེད་དུ་བྱས་རྗེས་གལ་ཆེན་བཞག་པའི་བློ་མཐུན་མའོ་ཙེ་ཏུང་དང་། ཀྲོའུ་ཨེན་ལའེ། ལིའུ་ཧྲའོ་ཆི། ཀྲུའོ་ཏེ། ཏེང་ཞའོ་ཕིང་། ཁྲེང་ཡུན་སོགས་གསར་བརྗེའི་རྒན་རབས་པ་རྣམས་སྙིང་ནས་དྲན་ཞིང་། ཀྲུང་གོ་གསར་པ་འཛུགས་པ་དང་སྲུང་སྐྱོང་། འཛུགས་སྐྲུན་བཅས་ཀྱི་ཆེད་དུ་དཔའ་ངར་ཆེན་པོས་རང་སྲོག་བློས་བཏང་བའི་གསར་བརྗེའི་སྔོན་གཤེགས་དཔའ་བོ་དང་། བཅོས་བསྒྱུར་སྒོ་འབྱེད་དང་སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་བྱེད་ཆེད་དཔའ་ངར་ཆེན་པོས་རང་སྲོག་ཕུལ་བའི་གསར་བརྗེའི་སྔོན་གཤེགས་དཔའ་བོ་རྣམས་སྙིང་ནས་དྲན་ལ། ཉེ་རབས་ནས་བཟུང་མི་རིགས་རང་བཙན་དང་མི་དམངས་བཅིངས་འགྲོལ་འཐོབ་ཆེད་དཀའ་སྤྱད་འབད་འཐབ་བྱས་པའི་སྤྱོད་བཟང་འདུན་ཆེའི་མི་སྣ་ཡོངས་སྙིང་ནས་དྲན། ཁོང་ཚོས་མེས་རྒྱལ་དང་མི་རིགས་ཀྱི་ཆེད་དུ་བཞག་པའི་རླབས་ཆེན་མཛད་རྗེས་དག་དུས་ནམ་ཡང་ལོ་རྒྱུས་ཀྱི་དེབ་ཐེར་དུ་འགོད་སྲིད་པ་དང་། ཁོང་ཚོའི་བླ་ན་མེད་པའི་སྙིང་སྟོབས་དེ་ནམ་ཡང་མི་དམངས་ཀྱི་སེམས་སུ་བརྟན་པོར་འཛིན་ངེས།

ཞི་ཅིན་ཕིང་གིས་བསྟན་དོན། མི་དམངས་ནི་ལོ་རྒྱུས་གསར་གཏོད་བྱེད་མཁན་དང་དཔའ་བོ་ངོ་མ་ཡིན། ངས་ཏང་ཀྲུང་དབྱང་གི་ཚབ་བྱས་ཏེ་རྒྱལ་ཡོངས་ཀྱི་རྒྱ་ཆེའི་བཟོ་པ་དང་། ཞིང་པ། ཤེས་ལྡན་མི་སྣ་བཅས་དང་། དམངས་གཙོའི་ཏང་ཤོག་ཁག་དང་ཏང་ཤོག་གང་ལའང་མི་གཏོགས་པའི་མི་སྣ། མི་དམངས་ཚོགས་པ་སོ་སོ་དང་ལས་རིགས་ཁག་གི་རྒྱལ་གཅེས་མི་སྣ། མི་དམངས་བཅིངས་འགྲོལ་དམག་གི་བཀོད་འཐབ་པ། དྲག་ཆས་ཉེན་རྟོག་དམག་དཔུང་གི་དཔོན་དམག སྤྱི་བདེ་ལས་བྱེད་པ་དང་ཉེན་རྟོག་པ། ཉེན་སེལ་མྱུར་སྐྱོབ་དཔུང་སྡེའི་བཀོད་འཐབ་པ་བཅས་དང་། སྤྱི་ཚོགས་རིང་ལུགས་ཀྱི་ངལ་རྩོལ་པ་ཡོངས་དང་འཐབ་ཕྱོགས་གཅིག་གྱུར་གྱི་རྒྱ་ཆེའི་ཁོངས་མི་བཅས་ལ་བླ་ན་མེད་པའི་གུས་འདུད་ཞུས་པ་ཡིན། ཞང་ཀང་དམིགས་བསལ་སྲིད་འཛིན་ཁུལ་གྱི་སྤུན་ཟླ་དང་། ཨོ་མེན་དམིགས་བསལ་སྲིད་འཛིན་ཁུལ་གྱི་སྤུན་ཟླ། ཐའེ་ཝན་སྤུན་ཟླ། དེ་བཞིན་རྒྱ་ཆེའི་ཕྱིར་སྡོད་རང་མི་བཅས་ལ་སྙིང་ཐག་པ་ནས་འཚམས་འདྲི་ཞུས་པ་ཡིན། ཀྲུང་གོའི་མི་དམངས་དང་མཛའ་མཐུན་མཉམ་གནས་དང་། ཀྲུང་གོའི་གསར་བརྗེ། འཛུགས་སྐྲུན། བཅོས་བསྒྱུར་བཅས་ཀྱི་བྱ་གཞག་ལ་སེམས་ཁུར་དང་རྒྱབ་སྐྱོར་གནང་བའི་རྒྱལ་ཁབ་ཁག་གི་མི་དམངས་དང་གྲོགས་པོ་ཚོར་སྙིང་ཐག་པ་ནས་ཐུགས་རྗེ་ཆེ་ཞུས་པ་ཡིན།

ཞི་ཅིན་ཕིང་གིས་ནན་གསུང་གནང་དོན། ཐོག་མའི་བསམ་འདུན་ནི་ཐོབ་སླ་ཡང་། ཐོག་མཐའ་བར་གསུམ་དུ་བསྲུང་དཀའ། ལོ་རྒྱུས་མེ་ལོང་དུ་བཟུང་ན་དར་རྒུད་ཤེས་ཐུབ་པས་ང་ཚོས་ལོ་རྒྱུས་ལ་བརྟེན་ནས་དོན་དངོས་དང་རྒྱང་རིང་གི་འབྱུང་འགྱུར་ལ་ལྟ་བ་དང་། ཀྲུང་གོ་གུང་ཁྲན་ཏང་གི་ལོ་བརྒྱའི་འབད་འཐབ་ཁྲོད་ནས་སྔོན་ཆད་ང་ཚོས་རྒྱལ་ཁ་ལེན་ཐུབ་དོན་གང་ཡིན་པ་གསལ་བོར་ཤེས་པ་དང་། འབྱུང་འགྱུར་ང་ཚོས་ཇི་ལྟར་བྱས་ན་མུ་མཐུད་དུ་རྒྱལ་ཁ་ལེན་ཐུབ་པ་གསལ་པོར་ཤེས་པར་བྱས་ཏེ། རྒྱང་སྐྱོད་ཀྱི་ལམ་གསར་སྟེང་སྔར་ལས་འགྱུར་མེད་དང་སྔར་ལས་རང་རྟོགས་ཀྱིས་ཐོག་མའི་བསམ་འདུན་དང་འགན་འཁྲི་བློ་ལ་བརྟན་པོར་བཅངས་ནས་མཛེས་སྡུག་ལྡན་པའི་འབྱུང་འགྱུར་གསར་གཏོད་བྱ་དགོས། ལོ་རྒྱུས་མེ་ལོང་དུ་འཛིན་པ་དང་འབྱུང་འགྱུར་གསར་གཏོད་བྱེད་པར་ངེས་པར་དུ་ཀྲུང་གོ་གུང་ཁྲན་ཏང་གི་འགྱུར་མེད་སྟོབས་ལྡན་གྱི་མགོ་ཁྲིད་རྒྱུན་འཁྱོངས་བྱེད་པ་དང་། ཏང་གི་ཁྱོན་ཡོངས་ཀྱི་མགོ་ཁྲིད་རྒྱུན་འཁྱོངས་བྱེད་པ། ཏང་གི་འགོ་ཁྲིད་རྒྱུན་མི་ཆད་པར་འཐུས་ཚང་དུ་བཏང་སྟེ། ཏང་གིས་སྤྱི་ཡོངས་ལ་མགོ་འཁྲིད་པ་དང་ཕྱོགས་སོ་སོར་མཐུན་སྦྱོར་བྱེད་པའི་མགོ་ཁྲིད་སྲོག་ཤིང་གི་ནུས་པ་འདོན་སྤེལ་གང་ལེགས་བྱ་དགོས། ངེས་པར་དུ་ཀྲུང་གོ་གུང་ཁྲན་ཏང་ལ་མཐུན་སྒྲིལ་སྣེ་ཁྲིད་བྱས་ནས་མཛེས་སྡུག་གི་འཚོ་བའི་ཆེད་དུ་འབད་འཐབ་བྱེད་པ་དང་། མི་དམངས་ལ་རྒྱབ་བརྟེན་ནས་ལོ་རྒྱུས་གསར་སྐྲུན་བྱེད་པ། མི་དམངས་ལྟེ་བར་འཛིན་པའི་འཕེལ་རྒྱས་ཀྱི་དགོངས་པ་ལག་བསྟར་བྱེད་པ། གོ་རིམ་ཧྲིལ་བོའི་མི་དམངས་དམངས་གཙོ་འཕེལ་རྒྱས་སུ་བཏང་ནས། མིའི་ཁྱོན་ཡོངས་འཕེལ་རྒྱས་དང་མི་དམངས་ཡོངས་མཉམ་དུ་ཕྱུག་པོར་བསྒྱུར་བའི་ཐད་གྲུབ་འབྲས་མངོན་གསལ་ལེན་པར་སྐུལ་འདེད་གཏང་དགོས།

       ངེས་པར་དུ་མར་ཁེ་སི་རིང་ལུགས་ཀྲུང་གོ་ཅན་དུ་བསྒྱུར་བ་དང་། མར་ཁེ་སི་རིང་ལུགས་ཀྱི་གཞི་རྩའི་རིགས་པའི་གཞུང་ལུགས་དང་ཀྲུང་གོའི་གནས་ཚུལ་དངོས་དང་ཟུང་འབྲེལ་བྱེད་པ། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་དང་ཟུང་འབྲེལ་བྱ་རྒྱུ་རྒྱུན་འཁྱོངས་བྱེད་པ། མར་ཁེ་སི་རིང་ལུགས་སྤྱད་དེ་དུས་རབས་ལ་ལྟ་ཞིབ་བྱེད་པ་དང་དུས་རབས་ལ་རྒྱུས་ལོན་བྱེད་པ། དུས་རབས་ལ་སྣེ་ཁྲིད་བྱས་ཏེ། མུ་མཐུད་དུ་དེང་རབས་མར་ཁེ་སི་རིང་ལུགས་དང་དུས་རབས་ཉེར་གཅིག་པའི་མར་ཁེ་སི་རིང་ལུགས་འཕེལ་རྒྱས་གཏང་དགོས། ངེས་པར་དུ་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་རྒྱུན་འཁྱོངས་དང་འཕེལ་རྒྱས་གཏོང་བ་དང་། ཏང་གི་གཞི་རྩའི་གཞུང་ལུགས་དང་གཞི་རྩའི་ལམ་ཕྱོགས། གཞི་རྩའི་ཇུས་ཆོད་རྒྱུན་འཁྱོངས་བྱེད་པ། རང་ཉིད་ཀྱིས་བདམས་པའི་བགྲོད་ལམ་སྟེང་མགོ་བོ་ཡར་དགྱེས་ནས་གོམ་སྟབས་ཆེན་པོས་བསྐྱོད་དེ། ཀྲུང་གོ་དར་རྒྱས་གོང་འཕེལ་གཏོང་བའི་ལས་དབང་རང་ཉིད་ཀྱི་ལག་ཏུ་དམ་པོར་འཛིན་དགོས། ངེས་པར་དུ་རྒྱལ་སྲུང་དང་དམག་དཔུང་མགྱོགས་མྱུར་སྒོས་དེང་རབས་ཅན་དུ་བསྒྱུར་བ་དང་། དུས་རབས་གསར་པའི་ཏང་གི་དམག་སྤེལ་དགོངས་པ་ཁྱོན་ཡོངས་ནས་ལག་བསྟར་བྱེད་པ། ཏང་གི་མི་དམངས་དམག་དཔུང་ཐད་ཀྱི་འགྱུར་མེད་མགོ་ཁྲིད་རྒྱུན་འཁྱོངས་བྱེད་པ། མི་དམངས་དམག་དཔུང་དེ་འཛམ་གླིང་གི་སྤུས་ལེགས་དམག་དཔུང་དུ་འཛུགས་སྐྱོང་བྱས་ཏེ། ནུས་པ་སྔར་ལས་ཆེན་པོ་དང་བྱེད་ཐབས་སྔར་ལས་བརྟན་པོས་རྒྱལ་ཁབ་ཀྱི་བདག་དབང་དང་བདེ་འཇགས། འཕེལ་རྒྱས་ཀྱི་ཁེ་ཕན་སྲུང་སྐྱོབ་བྱ་དགོས།  ངེས་པར་དུ་ཞི་བདེ་དང་འཕེལ་རྒྱས། མཉམ་ལས། གཉིས་རྒྱལ་བཅས་ཀྱི་དར་ཆ་མཐོན་པོར་སྒྲེང་བ་དང་། རང་བཙན་རང་བདག་གི་ཞི་བདེའི་ཕྱི་འབྲེལ་སྲིད་ཇུས་ལག་བསྟར་བྱེད་པ། རྣམ་པ་གསར་པའི་རྒྱལ་སྤྱིའི་འབྲེལ་བ་བསྐྲུན་པར་སྐུལ་འདེད་གཏོང་བ། འགྲོ་མིའི་ལས་སྐལ་ཐུན་མོང་ཚོགས་པ་བསྐྲུན་པར་སྐུལ་འདེད་གཏོང་བ། རྒྱུད་གཅིག་ལམ་གཅིག་མཉམ་སྐྲུན་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་ནས། ལོ་རྒྱུས་ཀྱི་རྩིབས་སྟོང་འོད་སྟོང་ལྡན་པའི་དམིགས་ཡུལ་གྱི་ཕྱོགས་སུ་འཁོར་བར་བྱ་དགོས། ངེས་པར་དུ་ལོ་རྒྱུས་ཀྱི་ཁྱད་ཆོས་གསར་པ་མང་པོ་ལྡན་པའི་རླབས་ཆེན་འཐབ་རྩོད་སྤེལ་ཏེ། ཉེན་ཚབས་ཀྱི་འདུ་ཤེས་ཇེ་དྲག་ཏུ་གཏང་རྒྱུ་དང་དུས་རྣམ་ཀུན་ཏུ་བདེ་དུས་ཉེན་བསམ་བྱེད་པ། སྤྱི་ཡོངས་ཀྱི་རྒྱལ་ཁབ་བདེ་འཇགས་འདུ་ཤེས་ལག་བསྟར་བྱེད་པ། འཕེལ་རྒྱས་དང་བདེ་འཇགས་ལ་གཅིག་གྱུར་གྱིས་བཀོད་འདོམས་བྱེད་པ། རི་ལ་འཕྲད་ན་ལམ་སྐྲུན་པ་དང་ཆུ་དང་འཕྲད་ན་ཟམ་པ་སྐྲུན་པ། ཉེན་ཁའི་འགྲན་རྩོད་ཅི་རིགས་ལས་རྒྱལ་ཕོད་པར་བྱ་དགོས། ངེས་པར་དུ་ཀྲུང་ཧྭའི་བུ་བུ་མོའི་མཐུན་སྒྲིལ་ཆེན་པོར་ཤུགས་བསྣན་ནས། ཀྲུང་ཧྭའི་བུ་དང་བུ་མོས་སེམས་ཕྱོགས་གཅིག་ཏུ་སྒྲིལ་བ་དང་ཤུགས་ཕྱོགས་གཅིག་ཏུ་འདོན་པའི་གསོན་ཉམས་ལྡན་པའི་རྣམ་པ་གྲུབ་པར་བྱས་ཏེ། མི་རིགས་བསྐྱར་དར་གྱི་སྟོབས་ཤུགས་ཆེན་པོ་གཅིག་ཏུ་བསྡུས་དགོས། ངེས་པར་དུ་ཏང་འཛུགས་སྐྲུན་གྱི་རླབས་ཆེན་བཟོ་སྐྲུན་གསར་པར་སྐུལ་འདེད་བར་མེད་དུ་གཏོང་བ་དང་། ལྕགས་རྡུང་བར་ལུས་ལ་ཤུགས་དགོས་པའི་གནས་ལུགས་ཡིད་ལ་ངེས་པར་བྱེད་པ། ཁྱོན་ཡོངས་ནས་ཏང་བཅོས་སྐྱོང་ནན་མོ་བྱེད་པའི་ལས་དོན་དུས་ནམ་ཡང་དམ་དུ་འཛིན་པའི་ཆབ་སྲིད་རང་རྟོགས་ཇེ་དྲག་ཏུ་བཏང་ནས། དུས་རབས་གསར་པར་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་རྒྱུན་འཁྱོངས་དང་འཕེལ་རྒྱས་གཏོང་བའི་ལོ་རྒྱུས་འཕེལ་རིམ་ཁྲོད་ཏང་འདི་ཉིད་མགོ་ཁྲིད་སྲོག་ཤིང་བརྟན་པོ་རུ་འགྱུར་བར་ཁག་ཐེག་བྱ་དགོས།

       ཞི་ཅིན་ཕིང་གིས་བསྟན་དོན། ང་ཚོས་རྒྱལ་ཁབ་གཅིག་ལ་ལམ་ལུགས་གཉིས་དང་ཞང་ཀང་བས་ཞང་ཀང་སྐྱོང་བ། ཨོ་མེན་བས་ཨོ་མིན་སྐྱོང་བ། ཚད་མཐོའི་རང་སྐྱོང་བྱེད་ཕྱོགས་བཅས་ཆ་ཚང་ཞིང་ཡང་དག་པར་དོན་འཁྱོལ་བྱེད་པ་དང་། ཀྲུང་དབྱང་གིས་ཞང་ཀང་དང་ཨོ་མེན་དམིགས་བསལ་སྲིད་འཛིན་ཁུལ་གྱི་ཁྱོན་ཡོངས་ཀྱི་བདག་སྐྱོང་དོ་དམ་དབང་ཆ་དོན་འཁྱོལ་བྱས་ཏེ། ཞང་ཀང་དང་ཨོ་མེན་གྱི་དུས་ཡུན་རིང་བོའི་དར་རྒྱས་བརྟན་འཇགས་སྲུང་འཛིན་བྱ་དགོས། ཀྲུང་གོ་གཅིག་གི་རྩ་དོན་དང་དགུ་གཉིས་ཐུན་མོང་ལྟ་བ་རྒྱུན་འཁྱོངས་བྱས་ཏེ། མེས་རྒྱལ་ཞི་བའི་གཅིག་གྱུར་གྱི་འཕེལ་རིམ་ལ་སྐུལ་འདེད་གཏང་དགོས། མཚོ་འགག་ངོགས་གཉིས་ཀྱི་སྤུན་ཟླ་དང་བཅས་པའི་ཀྲུང་ཧྭའི་བུ་བུ་མོ་ཡོངས་ཀྱིས་ཕྱར་བ་གྲུ་འདེགས་དང་མཐུན་སྒྲིལ་མདུན་སྐྱོད་བྱས་ཏེ། ཐེ་ཝན་རང་བཙན་གྱི་ལྐོག་ཇུས་རྩ་གཏོར་རྦད་ཆོད་བཏང་ནས། མི་རིགས་བསྐྱར་དར་གྱི་མཛེས་པའི་མ་འོངས་པ་མཉམ་སྐྱོང་བྱ་དགོས། མི་སུ་ཡིན་ཡང་ཀྲུང་གོ་མི་དམངས་ཀྱིས་རྒྱལ་ཁབ་ཀྱི་བདག་དབང་དང་མངའ་ཁོངས་ཆ་ཚང་བར་སྲུང་སྐྱོང་བྱེད་པའི་ཆོད་སེམས་བརྟན་པོ་དང་བློ་རྩ་བརྟན་པོ། ནུས་སྟོབས་ཆེན་པོ་བཅས་ལ་མཐོང་ཆུང་བྱེད་མི་རུང་།

ཞི་ཅིན་ཕིང་གིས་བསྟན་དོན། མ་འོངས་པ་ནི་ན་གཞོན་ཚོར་དབང་ལ་རེ་བའང་ན་གཞོན་ཚོར་བཅོལ་དགོས། དུས་རབས་གསར་པའི་ཀྲུང་གོའི་ན་གཞོན་གྱིས་ཀྲུང་ཧྭ་མི་རིགས་ཀྱི་བསྐྱར་དར་རླབས་ཆེན་མངོན་འགྱུར་བྱ་རྒྱུ་འདི་རང་ཉིད་ཀྱི་འགན་འཁྲིར་བརྩིས་ཏེ། ཀྲུང་གོ་བ་ཞིག་བྱེད་པའི་བློ་རྩ་དང་ལ་རྒྱ། གཏིང་ཤུགས་བཅས་ཇེ་དྲག་ཏུ་གཏོང་བ་དང་། དུས་རབས་ལ་ངོ་མི་གནོང་མི་དགོས་པ། ལང་ཚོ་སྟོང་ཟད་དུ་མི་གཏོང་བ། ཏང་དང་མི་དམངས་ཀྱི་རེ་ལྟོས་སྟོང་ཟད་དུ་མི་གཏོང་བ་བཅས་བྱ་དགོས།

       ཞི་ཅིན་ཕིང་གིས་བསྟན་དོན། འདས་པའི་ལོ་བརྒྱའི་རིང་ལ། ཀྲུང་གོ་གུང་ཁྲན་ཏང་གིས་མི་དམངས་དང་ལོ་རྒྱུས་ལ་ཁྱད་དུ་འཕགས་པའི་རྒྱུགས་ལན་སྤྲད་ཡོད། ད་ལྟ། ཀྲུང་གོ་གུང་ཁྲན་ཏང་གིས་ཀྲུང་གོ་མི་དམངས་ལ་མཐུན་སྒྲིལ་དང་སྣེ་ཁྲིད་བྱས་ཏེ་ལོ་བརྒྱ་གཉིས་པའི་འབད་འཐབ་དམིགས་ཡུལ་མངོན་འགྱུར་བྱེད་པའི་རྒྱུགས་སྤྲོད་ཀྱི་ལམ་དུ་ཡང་བསྐྱར་ཞུགས་དགོས།

       ཞི་ཅིན་ཕིང་གིས་ནན་གསུང་གནང་དོན། ཏང་ཀྲུང་དབྱང་གི་ཚབ་མཛད་དེ་ཀྲུང་གོ་གུང་ཁྲན་ཏང་མི་ཡོངས་ཀྱིས་ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་དམ་པོར་བཅངས་ནས་ཕུགས་བསམ་ཡིད་ཆེས་ཇེ་བརྟན་དུ་གཏོང་བ་དང་། ཏང་གི་དགོངས་དོན་ལག་བསྟར་བྱེད་པ། ཐོག་མཐའ་བར་གསུམ་དུ་མི་དམངས་མང་ཚོགས་བར་གྱི་ཤ་ཁྲག་གི་འབྲེལ་བ་རྒྱུན་འཁྱོངས་བྱེད་པ། ཐོག་མཐའ་བར་གསུམ་དུ་མི་དམངས་དང་མཉམ་དུ་བསམ་པ་དང་མི་དམངས་དང་མཉམ་དུ་སྒྲུབ་པ། དཀའ་ངལ་མཉམ་སེལ་དང་སྐྱིད་སྡུག་མཉམ་མྱོང་བྱེད་པ། མུ་མཐུད་དུ་མི་དམངས་ཀྱིས་བདེ་སྐྱིད་འཚོ་བར་བཅངས་པའི་རེ་སྙེག་མངོན་འགྱུར་ཡོང་བར་འབད་པ་ལྷོད་མེད་བྱས་ཏེ། ཏང་དང་མི་དམངས་ལ་གཟི་བརྗིད་སྔར་ལས་ཆེན་པོ་བརྩོན་ལེན་བྱ་དགོས།

       ཞི་ཅིན་ཕིང་གི་གསུང་བཤད་མཇུག་སྒྲིལ་སྐབས། ཚང་མ་ཡར་ལངས་པ་དང་། ཚོགས་ར་ཡོངས་སུ་དུས་ཡུན་རིང་པོར་ཐལ་མོ་རྡེབ་སྒྲས་ཁེངས། ཚོགས་ཆེན་རྔམ་བརྗིད་ལྡན་པའི་རྒྱལ་སྤྱིའི་གླུ་སྒྲའི་ཁྲོད་མཇུག་སྒྲིལ་བ་རེད།

       སེམས་ཤུགས་ཆེ་རུ་བསྐྱེད་པའི་རོལ་དབྱངས་དང་བསྡོངས་ནས་ཚོགས་ར་ཡོངས་ཀྱིས《མེས་རྒྱལ་ལ་བསྟོད་གླུ་འབུལ》ཞེས་པའི་གླུ་དབྱངས་སྐད་གསེང་མཐོན་པོས་བླངས། ཞི་བདེའི་ཕུག་རོན་དཀར་མོ་འབུམ་གཅིག་བར་སྣང་དུ་འཕུར་བ་དང་ཚོན་མདོག་རྣམ་པར་བཀྲ་བའི་དབུགས་ལྒང་འབུམ་གཅིག་བར་སྣང་དུ་བཏང་། གནམ་བདེ་སྒོ་མོ་ཆེའི་ཐང་ཆེན་དུ་མི་རིགས་སོ་སོའི་མང་ཚོགས་ཀྱིས་གནམ་བདེ་སྒོ་མོ་ཆེའི་མཁར་སྒོའི་ལྕོག་ཁང་གི་ཕྱོགས་སུ་དགའ་འབོད་དང་གུས་འདུད་ཞུས། ཞི་ཅིན་ཕིང་སོགས་ཀྱིས་དེར་ཡོད་ཚང་མར་ཕྱག་བརྡ་བཏང་ནས་གུས་འདུད་ཞུས། ལྕོག་ཁང་གི་གོང་འོག་བར་གསུམ་དུ་མཛའ་བརྩེའི་འོ་ཆུ་གཅིག་འདྲེས་ཀྱི་གསེར་ཟམ་ཞིག་ངང་གིས་གྲུབ་ལ། ཐང་ཆེན་ཕྱི་ནང་ཀུན་ཏུ་དགའ་བ་འབུམ་གྱི་མཚོ་མོ་བསྐྱིལ་ནས། མཉམ་དུ་ཀྲུང་གོ་གུང་ཁྲན་ཏང་གི་ལོ་བརྒྱའི་འཁྲུངས་སྐར་ལ་རྟེན་འབྲེལ་ཞུས་པ་དང་མེས་རྒྱལ་དང་འཛམ་གླིང་གི་སང་ཉིན་སྔར་ལས་མཛེས་སྡུག་ལྡན་པའི་སྨོན་འདུན་ཞུས།

       རྟེན་འབྲེལ་ཞུ་བའི་ཚོགས་ཆེན་དུ་ཞུགས་མཁན་ལ་ད་དུང་། ཏེན་ཞུའེ་ཞང་དང་ཝང་ཁྲིན། ལིའུ་ཧི། ཞུའུ་ཆི་ལེང་། སུན་ཁྲུན་ལན། ལི་ཆཱང་། ལི་ཧུང་ཀྲུང་། དབྱང་ཅེ་ཁྲི། དབྱང་ཞའོ་ཏུའུ། ཀྲང་ཡུག་ཞཱ། ཁྲིན་ཞི། ཁྲིན་ཆོན་གོ། ཁྲིན་མེན་ཨར། ཧུའུ་ཁྲུན་ཧྭ། གོ་ཧྲིན་ཁུན། ཧོང་ཁུན་མེན། ཚའེ་ཆི། ཧུའུ་ཅིན་ཐའོ། ལིས་རོས་དཔན། ཝུའུ་པང་གོ ཝུན་ཅ་པའོ། ཅ་ཆིན་ལིན། ཀྲང་ཏི་ཅང་། ཡུས་ཀྲིན་ཧྲིན། སུང་ཕིང་། ལིས་ལན་ཆིན།  ཙིན་ཆིན་ཧུང་། ཝུའུ་ཀོན་ཀྲིན། ལིས་ཁྲང་ཁྲུན། ཧི་གོ་ཆཱང་། ལིའུ་ཡུན་ཧྲན། ཀྲང་ཀའོ་ལིས། ཡུས་ཆོན། ཚའོ་ཅན་མེན། ཀྲང་ཁྲུན་ཞན། ཧྲིན་ཡེའོ་ཡེའོ། ཅི་པེན་ཞོན། ཨེ་ལི་ཀིན་དབྱི་མེན་པ་ཧེ། ཁྲིན་ཀྲུའུ། ཝང་ཏུང་མེན། པདྨ་འཕྲིན་ལས། ཏེན་ཀྲུང་ལིས། ཧའོ་མེན་ཅིན། ཚའེ་ཏ་ཧྥིན། ཝུའུ་ཝེ་ཧྭ། ཝེ་ཧྥིན་ཧི། ཝང་ཡུང་། ཝང་དབྱི། ཞའོ་ཅེ། ཀྲའོ་ཁི་ཀྲི། ཀྲིག་ཆཱང་། ཀྲང་ཅུན། ཀྲང་ཆིན་ལིས། ལིའུ་ཆི་པའོ། འཕགས་པ་ལྷ་དགེ་ལེགས་རྣམ་རྒྱལ། ཏུང་ཅིན་ཧྭ། ཝན་ཀང་། ཧི་ཧུ་ཧྭ། ལུའུ་ཀྲན་གུང་། མཱ་པེའོ། ཁྲིན་ཞའོ་ཀོང་། ལེང་ཀྲིན་དབྱིན། ཞཱ་པའོ་ལུང་། ལིས་པེན། པ་ཐིར། ཝང་ཡུང་ཆིན། ཧི་ལིས་ཧྥིན། སུའུ་ཧོས། ཀྲིན་ཅན་པང་། ཀུའུ་ཧྲིན་ཙུའུ། ལིའུ་ཞིན་ཁྲིན། ཧི་ཝེ། ཧྲའོ་ཧུང་། ཀའོ་ཡུན་ལུང་དང་ཁྲི་ཧའོ་ཐེན། ཅང་ཁྲུན་ཡུན། ཝང་ལི་ཆོན། ཝང་ཀྲའོ་གོ། ཧོས་ལེང་ཡུས། ལིའུ་ཆི། ཝུའུ་དབྱི། ཚའོ་ཀང་ཁྲོན། ཙིན་ཕེ་ཡན། ཝང་ཀང་། ལིའུ་ཡན་ཏུང་། ལིས་ཡོན་ཁྲོ། མཱ་ཁའེ། ལིས་ཅན་གོ། ཧྥན་ཁྲང་ལུང་། མིན་ཅན་ཀྲུའུ། གོ་ཅིན་ལུང་། ཝང་ཧན་པེན། ཧི་ཡུང་། ཏུའུ་ཆིན་ལིན། ཀྲའོ་ཧུང་ཀྲུའུ། ཕིན་ཕེ་ཡུན། ལིས་ཐེ་དབྱིན། ཧི་ལུའུ་ལི། ཅང་ཀྲིན་ཧྭ། ཀུའུ་ཞིའུ་ལེན། རགས་སྡིས། ཝུའུ་ཡུན་ཆི་མུའུ་ཀི། ཁྲིན་ཀྲི་ལིས། ཀྲིག་ཐེ་ནོང་། ཅང་ཧྲུའུ་ཧྲིན། སང་གོ་ཝེ། ཝང་ཧྲིན་ཅུན། ཁྲིན་ཁྲང་ཀྲི། ཡན་ཅོན་ཆི། ཀྲང་ཕིང་། བྱམས་པ་ཕུན་ཚོགས། ཏའེ་པེན་གོ། ཁྲང་ཝན་ཆོན། ཧན་ཀྲུའུ་པེན། ཅ་ཁྲུན་ཝང་། སུང་ཅན། ཧུའུ་ཆི་ལི། ཝང་ཀྲུང་ཡུས། ཧའོ་ཅན་ཞིག ཞུའུ་ཁོང་ཏིས། ཀྲང་ཧོད་ཞི། ལིས་མིན། ལེའོ་ཧོས། པའེ་ལིས་ཁྲིན། ཁྲིན་ཁོས་ཡོན། ཨ་པུའུ་ལའེ་ཐིས་ཨ་པུའུ་ཏུའུ་རེ་ཞི་ཐིས། ལིས་ཀྲའོ་ཀྲོ། ཧོང་མིན་ཧྥུའུ། ཀྲང་མེ་དབྱིན། ཀྲང་རོང་མེན། ཆན་ཡུན་ལུའུ། སུན་ཅ་ཀྲིན། ལིས་ཅིན་ཧྭ། ཀྲིན་ཝན་ཐུང་། ཏིན་ཕུའུ་ཧྥང་། ཁྲིན་ཙུང་ཞིན། ཝང་ཀྲི་ཀྲིན། ཧན་ཆི་ཏི། ལོ་ཧྥུའུ་ཧི། ལིས་ཧེ་ཧྥིན། ཁྲིན་ཡོན། ཀྲིག་ཞའོ་ཁྲོན། ཝང་ཅ་རོས། ཆི་ཞུའུ་ཁྲུན། མཱ་ཕེ་ཧྭ། ལིའུ་ཞའོ་ཧྥིན། ཝང་ཆིན་མེན། ད་དུང་ལིས་ཙོ་ཁྲིན། མེའོ་ཧྭ། ཀྲང་ཧྲིན་མེན་དང་ཧྥུའུ་ཆོན་ཡུག ཡུས་ཡུང་པའོ། ཝང་ཁི། ཁྲིན་པེན་ཏི། ལིས་ཅི་ནའེ། ཆའོ་ཆིན་ཁྲིན། ཅིན་ཀྲི་ཡོན། ཀྲའོ་ཁི་ཧྲི། ཝུའུ་ཧྲིན་ལིས། མཱ་ཞའོ་ཐེན། ཞང་ཀང་དམིགས་བསལ་སྲིད་འཛིན་ཁུལ་གྱི་སྲིད་འཛིན་དཔོན་པོ་ལིན་ཀྲིན་ཡེའོ་ཨི། ཨོ་མེན་དམིགས་བསལ་སྲིད་འཛིན་ཁུལ་གྱི་སྲིད་འཛིན་དཔོན་པོ་ཧི་དབྱི་ཁྲིན་བཅས་ཡོད།

       པེ་ཅིང་དུ་ཡོད་པའི་ཀྲུང་དབྱང་ཏང་སྲིད་དམག་དམངས་ཀྱི་སྡེ་ཁག་སོ་སོའི་འགན་ཁུར་བློ་མཐུན་དང་། བློ་མཐུན་རྒན་པའི་འཐུས་མི། པེ་ཅིང་དུ་ཡོད་པའི་ཀྲུང་དབྱང་གིས་དོ་དམ་བྱེད་པའི་དངུལ་རྩའི་ལས་ཁུངས་དང་། ཁེ་ལས། མཐོ་རིམ་སློབ་གྲྭ། ཚན་རིག་ཞིབ་འཇུག་ལས་ཁུངས་སོགས་ལས་ཁུངས་ཀྱི་འགན་ཁུར་བློ་མཐུན་གཙོ་བོ། པེ་ཅིང་དུ་ཡོད་པའི་ཀྲུང་དབྱང་ཨུ་ཡོན་དང་། རྗེས་སྣོན་ཀྲུང་དབྱང་ཨུ་ཡོན། ཏང་གི་ཚོགས་ཆེན་ཐེངས་བཅུ་དགུ་པའི་འཐུས་མི། ཀྲུང་དབྱང་སྒྲིག་ཨུའི་ཨུ་ཡོན། རྒྱལ་ཁབ་ལྟ་སྐུལ་ཨུ་ལྷན་གྱི་ཨུ་ཡོན། རྒྱལ་ཡོངས་དམངས་ཆེན་གྱི་འཐུས་མི། རྒྱལ་ཡོངས་སྲིད་གྲོས་ཀྱི་ཨུ་ཡོན། ཞང་ཀང་དང་ཨོ་མིན། ཐེ་ཝན་བཅས་ཀྱི་སྤུན་ཟླ། ཕྱིར་སྡོད་རང་མིའི་འཐུས་མི། དམངས་གཙོ་ཏང་ཁག་སོ་སོའི་ཀྲུང་དབྱང་གི་པེ་ཅིང་དུ་ཡོད་པའི་ཨུ་ཡོན། རྒྱལ་ཡོངས་བཟོ་ཚོང་མཉམ་འབྲེལ་ལྷན་ཚོགས་ཀྱི་པེ་ཅིང་དུ་ཡོད་པའི་ལག་བསྟར་ཨུ་ཡོན་དང་ཏང་ཁག་གང་ལའང་མི་གཏོགས་པའི་མི་སྣའི་འཐུས་མི། པེ་ཅིང་གྲོང་ཁྱེར་གྱི་འབྲེལ་ཡོད་འགན་ཁུར་བློ་མཐུན། རྒྱལ་ཁབ་ཀྱི་གཟེངས་རྟགས་དང་རྒྱལ་ཁབ་ཀྱི་གཟི་བརྗིད་མཚན་སྙན་ཐོབ་མཁན། རྒྱལ་ཡོངས་དབུལ་ཐར་མཁྲེགས་གཏོར་གྱི་དཔེ་ལེགས་གཟི་བརྗིད་མཚན་སྙན་ཐོབ་མཁན། རྒྱལ་ཁབ་ཀྱི་ཆེས་མཐོའི་ཚན་རིག་ལག་རྩལ་བྱ་དགའ་ཐོབ་མཁན། མཁའ་འགྲུལ་དཔའ་བོ་དང་དཔའ་མཛངས་ལྡན་པའི་མཁའ་འགྲུལ་བའི་མཚན་སྙན་ཐོབ་མཁན།  རྒྱལ་ཡོངས་ཀྱི་སྔོན་ཐོན་དཔེ་བཟང་མི་སྣའི་འཐུས་མི། པཎ་ཆེན་སྐུ་ཕྲེང་བཅུ་གཅིག་པ་ཆོས་ཀྱི་རྒྱལ་པོ། རྒྱལ་ཡོངས་རང་བཞིན་གྱི་ཆོས་ལུགས་ཚོགས་པའི་འགན་ཁུར་བ་གཙོ་བོ། པེ་ཅིང་དུ་ཡོད་པའི་ཀྲུང་གོ་ཚན་རིག་གླིང་གི་ཡོན་ཧྲི་དང་ཀྲུང་གོ་བཟོ་སྐྲུན་གླིང་གི་ཡོན་ཧྲི། རྒྱལ་ནང་དུ་ལོག་པའི་ཕྱི་འགྲིམས་སློབ་མའི་འཇོན་མིའི་འཐུས་མི་ཕུལ་བྱུང་ཅན། ཚེ་འདས་བློ་མཐུན་རྒན་པ་ཁ་ཤས་ཀྱི་ཁྱིམ་མི། སྔོན་གཤེགས་དཔའ་བོ་དང་གཞུང་དོན་དུ་སྐུ་གཤེགས་པའི་མི་སྣའི་ཁྱིམ་མི། གཟི་བརྗིད་ངང་ཏང་ནང་དུ་ཞུགས་ནས་ལོ་ལྔ་བཅུ་འགོར་བའི་རྗེས་དྲན་གཟེངས་རྟགས་ཐོབ་མཁན་གྱི་འཐུས་མི། ཉིས་སྟོང་ཉེར་གཅིག་ལོར་ཏང་ནང་དུ་ཞུགས་པའི་ཏང་ཡོན་གསར་བའི་འཐུས་མི། རྒྱལ་ཡོངས་གྲངས་ཉུང་མི་རིགས་ཀྱི་འཐུས་མི། རྒྱལ་ཡོངས་ཀྱི་གཟིགས་སྐྱོང་བྱེད་ཡུལ་གཙོ་བོ། རྒྱལ་སའི་ལས་རིགས་སོ་སོའི་མང་ཚོགས་ཀྱི་འཐུས་མི། པེ་ཅིང་བཅའ་སྡོད་དམག་དཔུང་གི་དཔོན་དམག་གི་འཐུས་མི་བཅས་ཚོགས་ཆེན་ལ་ཞུགས།

       པེ་ཅིང་དུ་ཡོད་པའི་རྒྱལ་ཁབ་སོ་སོའི་གཞུང་ཚབ་ཆེན་མོ་དང་རྒྱལ་སྤྱིའི་རྩ་འཛུགས་ཀྱི་འཐུས་མི། ཕྱི་རྒྱལ་གྱི་ཆེད་མཁས་པ་བཅས་གདན་དྲངས་པ་ལྟར་ཚོགས་ཆེན་ལ་ཞུགས།།