ཀྲུང་གོ་བོད་ཀྱི་དྲ་བའི་འཕྲིན། ཟླ7པའི་ཚེས11ཉིན་ནས་ཚེས12ཉིན་བར། “སློབ་གསོ་ནི་ལམ་སྟོན་གྱི་སྒྲོན་མེ”ཞེས་བརྗོད་དོན་ཡིན་པའི་རྒྱལ་ཡོངས་སློབ་འབྲིང་གི་སློབ་གཙོའི་སློབ་གསོ་བསམ་བློ་བགྲོ་གླེང་ཚོགས་འདུ་མཚོ་སྔོན་དགེ་ཐོན་སློབ་ཆེན་གྱི་ཁོངས་གཏོགས་སློབ་འབྲིང་དུ་བསྡུས། ཞིང་ཆེན་ཕྱི་ནང་ནས་ཐོན་པའི་སློབ་འབྲིང་གི་སློབ་གཙོ་དང་དགེ་རྒན་དག་ཐེངས་འདིའི་བགྲོ་གླེང་ཚོགས་འདུར་ཞུགས་པ་དང་། མཉམ་གཅིག་ཏུ་སློབ་གསོ་བསམ་བློ་ལ་བགྲོ་གླེང་བྱས།

ཉིན་གཉིས་རིང་གི་བགྲོ་གླེང་ཚོགས་འདུའི་སྟེང་། ཕུལ་བྱུང་སློབ་གཙོ་མང་པོ་ཞིག་གིས་གསོན་ཉམས་ལྡན་པའི་ཆེད་དོན་སྙན་ཞུ་ཕུལ་བ་དང་། ཁོ་ཚོ་སློབ་གསོ་ཐད་ཀྱི་ངེས་ཤེས་འགྲེལ་བཤད་བྱས་པ་མ་ཟད། བྱ་བའི་ཉམས་མྱོང་བརྒྱུད་ནས་དེང་སྐབས་ཀྱི་སློབ་ཁྲིད་ལ་དབྱེ་ཞིབ་བྱས། དེའི་རྗེས་འབྲེལ་ཡོད་མཁས་པ་དང་ཆེད་མཁས་ཚོས་སྙན་ཞུ་ལ་རང་ཉིད་ཀྱི་ལྟ་ཚུལ་བརྗོད་པ་དང་། ཐུན་མོང་མ་ཡིན་པའི་སློབ་ཁྲིད་ཀྱི་འདུ་ཤེས་སྤྱད་དེ་ཚོགས་ཞུགས་སློབ་གཙོ་དང་དགེ་རྒན་རྣམས་དང་བསམ་བློ་བརྗེ་རེས་བྱས།

བྱང་ཚད་མཐོ་བའི་ཆེད་ལས་ཅན་གྱི་སློབ་གཙོའི་དཔུང་སྡེ་ཞིག་འཛུགས་སྐྲུན་བྱེད་ཆེད། སློབ་གསོ་པུའུ་མི་དོན་ཟི་ཡིས་སློབ་གསོ་པུའུ་ཡི་སློབ་གྲྭ་ཆུང་འབྲིང་གི་སློབ་གཙོ་གསོ་སྦྱོང་ལྟེ་གནས་ལ་བསྟུན་ནས་བསྟུད་མར་ལོ་མང་པོ་ལ་རྒྱལ་ཡོངས་ནས་སློབ་གཙོ་ཕུལ་བྱུང་ཅན་སྐོར་ཞིག་བདམས་པ་དང་། སློབ་གསོ་བསམ་བློ་བགྲོ་གླེང་ཚོགས་འདུ་བསྡུ་བཞིན་ཡོད།  །