ཀྲུང་གོ་བོད་ཀྱི་དྲ་བའི་འཕྲིན། བོད་ལྗོངས་ཀྱི་བསྐལ་ལ་རི་བོའི་ཕུག་ལམ་དང་ཡར་ཀླུང་གཙང་བོའི་ཟམ་ཆེན་ཉེ་སྔོན་ཡོངས་སུ་ཤར་གཏོང་བྱས་ཤིང་། བོད་ལྗོངས་ཀྱི་འགྲིམ་འགྲུལ་འཛུགས་སྐྲུན་རྣམ་གྲངས་གཙོ་བོ་སྟེ་ལྷ་ས་ནས་ཉིང་ཁྲི་བར་གྱི་མཐོ་རིམ་གཞུང་ལམ་གྱི་ལས་གཞི་ཟླ་འདིའི་ཟླ་མཇུག་ཏུ་རླངས་འཁོར་གཏོང་རྩིས་ཡོད། འགྲིམ་འགྲུལ་གཞུང་ལམ་གཙོ་བོ་དག་རིམ་བཞིན་འཛུགས་བསྐྲུན་ལེགས་འགྲུབ་བྱུང་བ་དང་བསྟུན་ནས། བོད་ལྗོངས་ཀྱི་གཞུང་ལམ་འགྲིམ་འགྲུལ་དྲ་རྒྱ་མུ་མཐུད་དུ་རྒྱ་བསྐྱེད་བཞིན་ཡོད་དེ། ད་གནས་དེའི་མང་ཚོགས་རྣམས་ཕྱིར་བསྐྱོད་པ་དང་དཔལ་འབྱོར་སྤྱི་ཚོགས་འཕེལ་རྒྱས་བྱུང་བར་སྐུལ་འདེད་བྱེད་པའི་ནུས་བ་ཆེན་པོ་བཏོན།

ན་ནིང་ལོ་མཇུག་བར་དུ། བོད་ལྗོངས་ཀྱི་གཞུང་ལམ་སྟེང་རླངས་འཁོར་ཤར་གཏོང་བྱས་ཡོད་པའི་ལམ་ཐག་སྤྱི་ལེ་ཁྲི7.5ཡོད་པ་དང་། མཐོ་རིམ་ཡན་གྱི་གཞུང་ལམ་ལམ་ཐག་སྤྱི་ལེ8891ཡོད། རྫོང74ཁྲོད་རྫོང65ལ་སྣུམ་ལམ་བཏང་བ་དང་། གྲོང་རྡལ690ལ་གཞུང་ལམ་བཏང་ནས། གཞུང་ལམ་གཏོང་ཚད99.7%ཟིན། དེ་མིན་སྲིད་འཛིན་གྲོང་ཚོ5408ལ་གཞུང་ལམ་བཏང་བ་དང་། གཞུང་ལམ་གཏོང་ཚད99.2%ཟིན་ཡོད་པས། ས་གནས་དེར་ཕྱོགས་བསྡུས་འགྲིམ་འགྲུལ་སྐྱེལ་འདྲེན་མ་ལག་མུ་མཐུད་དུ་ལེགས་བཅོས་བྱུང་བའི་འགྲིམ་འགྲུལ་གྱི་གནས་བབ་ཆེན་པོ་གྲུབ་ཡོད་པ་རེད།  །