ཀྲུང་གོ་བོད་ཀྱི་དྲ་བའི་འཕྲིན། 《མི་རིགས་ཀྱི་གསོ་རིག་དཔེ་རྙིང་ཡིག་ཆ་ལེགས་སྒྲིག་དང་ཞིབ་འཇུག》རྣམ་གྲངས་ཀྱི་ནང་གསེས་ཤིག་ཡིན་པའི་ཆ་ནས།《བོད་ཀྱི་གསོ་རིག་སྨན་གཞུང་དང་རྩིས་གཞུང་དཔེ་རྙིང21ཕྱོགས་བསྒྲིགས》ཞེས་པ་ཉེ་ཆར་ལྷ་ས་གྲོང་ཁྱེར་ནས་དངོས་སུ་དཔེ་སྐྲུན་དང་འགྲེམ་སྤེལ་བྱས།《མི་རིགས་ཀྱི་གསོ་རིག་དཔེ་རྙིང་ཡིག་ཆ་ལེགས་སྒྲིག་དང་ཞིབ་འཇུག》ཅེས་པའི་རྣམ་གྲངས་ནི2010ལོའི་ཟླ6པར་དངོས་སུ་སྤེལ་མགོ་བརྩམས་ཤིང་།ནང་སོག་དང་།བོད་ལྗོངས།མཚོ་སྔོན།ཉིན་ཞ།ཞིན་ཅང་སོགས་ཞིང་ཆེན་དང་རང་སྐྱོང་ལྗོངས11ལ་ཁྱབ་ཡོད་ཅིང་།གྲངས་ཉུང་མི་རིགས29དང་འབྲེལ་བ་ཡོད་དེ།དེ་ནི་ཀྲུང་གོ་གསར་བ་དབུ་བརྙེས་རྗེས།རྒྱལ་ཁབ་ཀྱིས་མི་རིགས་ཀྱི་གསོ་རིག་ཡིག་ཆའི་ལེགས་སྒྲིག་བྱ་བར་ནུས་ཤུགས་གཏོང་ཚད་ཆེས་ཆེ་བ་དང་གཞི་ཁྱོན་ཆེས་ཆེ་བའི་བྱ་བཞག་ཅིག་ཡིན།བོད་ལྗོངས་བོད་སྨན་ཁང་གིས་འགན་འཁུར་བའི《བོད་ཀྱི་གསོ་རིག་སྨན་གཞུང་དང་རྩིས་གཞུང་དཔེ་རྙིང21ཕྱོགས་བསྒྲིགས》ཞེས་པ་དེ་ལོ4ལྷག་གི་དུས་ཡུན་བེད་སྤྱད་དེ་ད་གཟོད་ལེགས་འགྲུབ་བྱུང་བ་རེད།བོད་ལྗོངས་བོད་སྨན་ཁང་གི་ཡོན་ཀྲང་ཡེ་ཤེས་གཡང་འཛོམས་ཀྱིས་བཤད་རྒྱུར།《བོད་ཀྱི་གསོ་རིག་སྨན་གཞུང་དང་རྩིས་གཞུང་དཔེ་རྙིང21ཕྱོགས་བསྒྲིགས》ཁྲོད་ཀྱི་ཚད་ལྡན་ཡིག་ཆ་མང་ཆེ་བ་ནི་དཔེ་རྙིང་རྩ་ཆེན་དག་ཡིན་ཟེར།  །