ཞིན་ཧྭ་གསར་འགྱུར་ཁང་པེ་ཅིན་ནས་གློག་འཕྲིན་འབྱོར་གསལ། ཏང་གི་སྐབས་བཅུ་དགུ་པའི་ཀྲུང་དབྱང་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་དང་པོའི་ཐོག་གསར་དུ་བདམ་ཐོན་བྱུང་བའི་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་རྣམས་ཀྱིས་ཚེས25ཉིན་གྱི་སྔ་དྲོའི་ཆུ་ཚོད11དང་སྐར་མ45ཡི་ཐོག་ལ་ཚོགས་ཆེན་བཅུ་དགུ་པར་བཅར་འདྲི་བྱེད་མཁན་གྱི་རྒྱལ་ཕྱི་ནང་གི་གསར་འགོད་པ་དང་མཇལ་འཕྲད་གནང་རྒྱུ་རེད།

    སྐབས་དེར། ཀྲུང་དབྱང་མི་དམངས་ཀུན་ཁྱབ་རླུང་འཕྲིན་ཁང་གི་ཀྲུང་གོ་འཕྲིན་ལམ་དང་དཔལ་འབྱོར་འཕྲིན་ལམ། ཀྲུང་ཧྭ་འཕྲིན་ལམ། ཧྭ་ཞ་འཕྲིན་ལམ་བཅས་དང་། ཀྲུང་དབྱང་བརྙན་ཁང་གི་ཕྱོགས་འདུས་གཟུགས་ལམ་དང་། ཀྲུང་གོའི་རྒྱལ་སྤྱིའི་གཟུགས་ལམ། གསར་འགྱུར་གཟུགས་ལམ། ཀྲུང་གོའི་རྒྱལ་སྤྱིའི་བརྙན་འཕྲིན་ཁང་གི་ཕྱི་རྒྱལ་སྐད་ཡིག་གི་གཟུགས་ལམ་ཁག་དང་། ཀྲུང་གོའི་རྒྱལ་སྤྱིའི་ཀུན་ཁྱབ་རླུང་འཕྲིན་ཁང་བཅས་ཀྱིས་རྒྱ་ཡིག་སྤྱི་སྐད་དང་དབྱིན་ཡིག  ཨུ་རུ་སུའི་སྐད་བཅས་ནས་ཐད་གཏོང་བྱ་རྒྱུ་དང་། མི་དམངས་དྲ་བ་དང་ཞིན་ཧྭ་དྲ་བ། ཀྲུང་གོའི་དྲ་བ་བརྙན་འཕྲིན་ཁང་། ཀྲུང་གོའི་དྲ་བ། མི་དམངས་ཉིན་རེའི་ཚགས་པར་གྱི་བཀོལ་བདག་ཕྱོགས་ཀྱི་བསྒྲིགས་རིམ་དང་། ཞིན་ཧྭ་གསར་འགྱུར་ཁང་གི་བཀོལ་བདག་སྣེ་ཆས། ཀྲུང་དབྱང་བརྙན་འཕྲིན་ཁང་གི་གསར་འགྱུར་བཀོལ་བདག་སྣེ་ཆས་བཅས་ནས་ཐད་གཏོང་བྱ་རྒྱུ་རེད།

    དེ་མིན་རྒྱལ་ཡོངས་དང་ཞིང་ཆེན་ཁག་གི་བརྙན་འཕྲིན་ཁང་དང་ཀུན་ཁྱབ་རླུང་འཕྲིན་ཁང་གིས་ཀྱང་དུས་མཉམ་ཀྲུང་དབྱང་བརྙན་འཕྲིན་ཁང་དང་ཀྲུང་དབྱང་མི་དམངས་ཀུན་ཁྱབ་རླུང་འཕྲིན་ཁང་གི་ཡུལ་དངོས་ཐད་གཏོང་ལེ་ཚན་བརྒྱུད་བཏང་བྱ་རྒྱུ་རེད།