རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཚེས་ཉེར་དྲུགི་ཉིན་གྱི་ཕྱི་དྲོར་ཀྲུང་ནན་ཧེ་ནས་པེ་ཅིན་ལ་ལས་འགན་སྒྲུབ་ཚུལ་ཡར་ཞུ་བྱེད་དུ་ཡོང་བའི་ཨོ་མིན་དམིགས་བསལ་སྲིད་འཛིན་ས་ཁུལ་གྱི་སྲིད་འཛིན་དཔོན་པོ་ཚོས་ཧྲི་ཨན་ལ་མཇལ་འཕྲད་གནང་།
 

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཚེས་ཉེར་དྲུག་ཉིན་གྱི་ཕྱི་དྲོར་ཀྲུང་ནན་ཧེ་ནས་པེ་ཅིན་ལ་ལས་འགན་སྒྲུབ་ཚུལ་ཡར་ཞུ་བྱེད་དུ་ཡོང་བའི་ཨོ་མིན་དམིགས་བསལ་སྲིད་འཛིན་ས་ཁུལ་གྱི་སྲིད་འཛིན་དཔོན་པོ་ཚོས་ཧྲི་ཨན་ལ་མཇལ་འཕྲད་གནང་བར་མ་ཟད་ཁོས་ཨོ་མིན་གྱི་དེང་སྐབས་གནས་བབ་དང་དམིགས་བསལ་སྲིད་འཛིན་ས་ཁུལ་སྲིད་གཞུང་གི་བྱ་བའི་གནས་ཚུལ་ཡར་ཞུ་བྱས་པར་ཉན།
ཞི་ཅིན་ཕིང་གིས་གསུངས་རྒྱུར།འདས་པའི་ལོ་གཅིག་གི་ནང་དུ་ཨོ་མིན་གྱིས་དཔལ་འབྱོར་དང་སྤྱི་ཚོགས་བརྟན་བརླིང་སྒོས་འཕེལ་རྒྱས་སུ་འགྲོ་བ་སྲུང་འཛིན་བྱས་པ་དང་མཉམ་དུ་དམིགས་བསལ་སྲིད་འཛིན་ས་ཁུལ་སྲིད་གཞུང་གི་སྐབས་བརྗེ་བདེ་བླག་ངང་མངོན་འགྱུར་བྱས་པ་དང་།ཨོ་མིན་མེས་རྒྱལ་གྱི་པང་དུ་ལོག་ནས་ལོ་འཁོར་བཅོ་ལྔ་ལོན་པར་རྟེན་འབྲེལ་ཞུ་བའི་བྱ་འགུལ་སྣ་ཚོགས་བདེ་བླག་ངང་སྤེལ།ཀྲུང་དབྱང་གིས་ཁྱེད་དང་དམིགས་བསལ་སྲིད་འཛིན་ས་ཁུལ་སྲིད་གཞུང་གི་བྱ་བར་ཁས་ལེན་གང་ལེགས་བྱས་པ་ཡིན་ཟེར།
ཞི་ཅིན་ཕིང་གིས་གསུངས་རྒྱུར།ཀྲུང་དབྱང་གིས་ཁྱེད་དང་སྐབས་བཞི་བའི་དམིགས་བསལ་སྲིད་འཛིན་ས་ཁུལ་སྲིད་གཞུང་ལ་རེ་བ་ཆེན་པོ་བཅངས་ཡོད་པ་དང་ཨོ་མིན་སྤྱི་ཚོགས་ཀྱིས་ཀྱང་ཁྱེད་རྣམས་ལ་རེ་སྒུག་བྱེད་བཞིན་ཡོད།ཁྱེད་ཚོས་སྤོབས་པ་ཆེན་པོས་འགན་འཁྲི་ལག་བསྟར་བྱེད་པ་དང་།ཁྲིམས་ལྟར་སྲིད་གཞུང་ལག་བསྟར་དང་ཁྲིམས་ལྟར་ཨོ་མིན་སྐྱོང་བའི་ནུས་པ་ཇེ་ཆེར་བཏང་ནས།སྐབས་གསར་བའི་སྲིད་གཞུང་གིས་གསར་གཏོད་བརྩོན་ལེན་གྱི་རྣམ་པ་གསར་བ་གསར་སྐྲུན་བྱེད་དགོས་པར་མ་ཟད་རྒྱལ་ཁབ་གཅིག་ལ་ལམ་ལུགས་གཉིས་ཡོད་པ་དེ་ཨོ་མིན་ནས་ལག་བསྟར་བཟང་བོ་བྱེད་པར་སྐུལ་འདེད་གཏོང་དགོས་ཟེར།  །