སྤྱི་ཟླ9པའི་ཚེས30ཉིན་ཞི་ཅིན་ཕིང་སོགས་ཏང་དང་རྒྱལ་ཁབ་ཀྱི་འགོ་ཁྲིད་ཀྱིས་པེ་ཅིན་གནམ་བདེ་སྒོ་མོའི་ཐང་ཆེན་ཐོག་མི་དམངས་ཀྱི་སྔོན་གཤེགས་དཔའ་བོར་མེ་ཏོག་སི་ར་འབུལ་བཞིན་པ།

ཞི་ཅིན་ཕིང་གིས་མེ་ཏོག་སི་ར་སྒྲོན་བཞིན་པ།

     ཞིན་ཧྭ་གསར་འགྱུར་ཁང་ནས་འབྱོར་བའི་གློག་འཕྲིན་ལ་གཞིགས་བཟུང་། སྔོན་གཤེགས་དཔའ་བོར་མེ་ཏོག་འབུལ་བ་དང་སྔོན་གཤེགས་དཔའ་བོར་སེམས་སྡུག་ཆེན་པོས་མྱ་ངན་ཞུ། སྔོན་གཤེགས་དཔའ་བོའི་དྲན་གསོའི་ཉིན་མོར་མི་དམངས་དཔའ་བོར་མེ་ཏོག་སི་ར་སྒྲོན་པའི་མཛད་སྒོ་དེ་སྤྱི་ཟླ9པའི་ཚེས30ཉིན་གྱི་སྔ་དྲོ་པེ་ཅིང་གནམ་བདེ་སྒོ་མོའི་ཐང་ཆེན་ཐོག་རྒྱ་ཆེ་གཟབ་རྒྱས་ངང་གཉེར་བ་རེད།  ཏང་དང་རྒྱལ་ཁབ་ཀྱི་འགོ་ཁྲིད་ཞི་ཅིན་ཕིང་དང་ལི་ཁེ་ཆང་། ཀྲང་ཏེ་ཅང་། ཡུས་ཀྲེང་ཧྲེང་། ལིའུ་ཡུན་ཧྲན། ཝང་ཆི་ཧྲན། ཀྲང་ཀའོ་ལི་སོགས་རྒྱལ་སའི་ལས་རིགས་ཁག་གི་འཐུས་མི་དང་མཉམ་དུ་མཛད་སྒོར་ཞུགས་ཡོད་པ་རེད།

　　རྔམ་བརྗིད་ལྡན་པའི་གནམ་བདེ་སྒོ་མོའི་ཐང་ཆེན་ཐོག་དམར་མདངས་བཀྲ་བའི་སྐར་ལྔའི་དར་དམར་ལྷབ་ལྷུབ་ཏུ་གཡོ་བ་དང་མི་དམངས་དཔའ་བོའི་དྲན་གསོའི་རྡོ་རིང་འགྱིང་ངེར་གནས་ཤིང་ཐང་ཆེན་གྱི་དཀྱིལ་ངོས་སུ་མེས་རྒྱལ་ལ་བཀྲ་ཤིས་སྨོན་འདུན་ཞུ་ཞེས་པའི་མེ་ཏོག་སི་ར་ཆེན་པོ་ཞིག་བསྒྲིག་ནས་མེས་རྒྱས་དར་རྒྱས་སྟོབས་འབྱོར་ལྡན་པ་ཡོང་རྒྱུའི་སྨོན་འདུན་བཟང་པོ་ཞུ་ལུགས་མཚོན་པ་བྱས་པ་དང་མེ་ཏོག་སི་རའི་ཐོག་བྲིས་པའི་ཏང་གི་ཚོགས་ཆེན19འཚོག་པར་བསུ་མ་ཞུ་ཞེས་པའི་ཡི་གེ་དམིགས་བསལ་དུ་ཐོན་ཡོད་པ་རེད།

　　སྔ་དྲོའི་ཆུ་ཚོད་བཅུ་པར་སླེབས་རན་པའི་སྐབས་སུ་ཞི་ཅིན་ཕིང་དང་ལི་ཁེ་ཆང་། ཀྲང་ཏེ་ཅང་། ཡུས་ཀྲེང་ཧྲེང་། ལིའུ་ཡུན་ཧྲན། ཝང་ཆི་ཧྲན། ཀྲང་ཀའོ་ལི་སོགས་ཏང་དང་རྒྱལ་ཁབ་ཀྱི་འགོ་ཁྲིད་རྣམ་པ་གནམ་བདེ་སྒོ་མོའི་ཐང་ཆེན་ཐོག་ཕེབས་ནས་མི་དམངས་དཔའ་བོར་མེ་ཏིག་སི་ར་སྒྲོན་པའི་མཛད་སྒོར་ཞུགས་པ་རེད། 

　　ཀྲུང་གོ་མི་དམངས་བཅིངས་འགྲོལ་དམག་གི་དམག་དཔུང་རོལ་དབྱངས་ཚོགས་པའི་འཁྱིལ་དུང་ཆུང་བ་དཀྲོལ་མཁན་གྱིས་སྔོན་གཤེགས་དཔའ་བོའི་ཉིན་མོའི་དུང་བརྡ་བཏང་བ་དང་འགྱུར་ཁུག་རིང་ལ་བརྩེ་བ་ཟབ་པའི་རོལ་དབྱངས་ཐོག་ནས་གསར་བརྗེའི་སྔོན་གཤེགས་དཔའ་བོར་བཅངས་པའི་དྲན་སེམས་མཚོན་པ་བྱས།  གུས་ལུགས་དམག་མི་དེ་གར་འབྱོར་བ་དང་བཀའ་འབེབས་པ་དང་བསྟུན་དམག་གསུམ་གྱི་གཟབ་སྦྲེང་དམག་མི་ཚོས་གོམས་ཞེང་ཆེན་པོས་མདུན་སྐྱོད་ཀྱིས་དྲན་གསོའི་རྡོ་རིང་མདུན་དུ་སླེབས་རྗེས་མེ་མདའ་འཁྱེར་ནས་འགྱིང་ངེར་ལངས་པ་རེད།

　　ཆུ་ཚོད་བཅུ་པ་ཏག་ཏག་ལ་མི་དམངས་དཔའ་བོར་མེ་ཏོག་སི་ར་སྒྲོན་པའི་མཛད་སྒོ་དངོས་སུ་འགོ་ཚུགས་པ་དང་དམག་དཔུང་རོལ་དབྱངས་ཚོགས་པས་བློས་བླངས་དམག་གི་རོལ་དབྱངས་དཀྲོལ་གཏོང་བྱས་པ་དང་ཐང་ཆེན་ཐོག་གི་མི་རྣམས་ཀྱིས་སྐད་གསངས་མཐོན་པོས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་གླུ་བཏང་བ་རེད།

　　རྒྱལ་གླུ་བཏང་རྗེས་ཐང་ཆེན་ཐོག་གི་མི་རྣམས་གུས་སྟབས་ཀྱིས་ཡར་ལངས་ནས་ཀྲུང་གོའི་མི་དམངས་བཅིངས་འགྲོལ་བྱ་གཞག་དང་སྤྱི་མཐུན་རྒྱལ་ཁབ་འཛུགས་སྐྲུན་བྱ་གཞག་ཆེད་དུ་དཔར་ངར་ཆེན་པོས་རང་སྲོག་བློས་གཏོང་བྱས་པའི་སྔོན་གཤེགས་དཔའ་བོར་མྱ་ངན་ཞུས་པ་རེད།

　　མྱ་ངན་མཛད་སྒོ་མཇུག་འགྲིལ་རྗེས་ལག་པར་མེ་ཏོག་འཁྱེར་བའི་ལོ་ཆུང་བྱིས་པ་ཚོས་མི་དམངས་དཔའ་བོའི་དྲན་གསོའི་རྡོ་རིང་ལ་ཁ་ཕྱོགས་ནས་ང་ཚོ་ནི་གུང་ཁྲན་རིང་ལུགས་ཀྱི་རྒྱུན་འཛིན་པ་ཡིན་ཞེས་པ་སྐད་གསངས་མཐོན་པོས་བཏང་བར་མ་ཟད་མཉམ་དུ་ལོ་ཆུང་གདོང་ལེན་རུ་ཁག་གི་གུས་འདུད་ཞུས་པ་རེད།

མང་ཚོགས་ཀྱི་རུ་བསྟར་མདུན་དུ་ཀྲུང་གུང་ཀྲུང་དབྱང་དང་རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་། རྒྱལ་སྲིད་སྤྱི་ཁྱབ་ཁང་། རྒྱལ་ཡོངས་སྲིད་གྲོས། ཀྲུང་དབྱང་དམག་ཨུ། དམངས་གཙོ་ཏང་ཤོག་ཁག  རྒྱལ་ཡོངས་བཟོ་ཚོང་མཉམ་འབྲེལ་ཚོགས་པ། ཏང་ཤོག་གང་ལའང་མི་གཏོགས་པའི་རྒྱལ་གཅེས་མི་སྣ། མི་དམངས་ཚོགས་པ་ཁག་དང་ལས་རིགས་ཁག་གི་མང་ཚོགས། འཐབ་འཛིང་པ་རྒན་གྲས། བློ་མཐུན་རྒན་གྲས། སྔོན་གཤེགས་དཔའ་བོའི་ཁྱིམ་མི། ཀྲུང་གོའི་ལོ་ཆུང་གདོང་ལེན་རུ་ཁག་བཅས་ཀྱི་མིང་ཐོག་ནས་སྒྲོན་པའི་མེ་ཏོག་སི་ར་ཆེན་པོ་དགུ་བསྟར་པ་བསྒྲིགས་ཡོད་པ་དང་མེ་ཏོག་སི་རའི་བཅིངས་རས་དམར་པོའི་ཐོག་མི་དམངས་དཔའ་བོ་མི་ནུབ་པར་གྱུར་ཅིག་ཅེས་པའི་གསེར་མདོག་ཅན་གྱི་ཡི་གེ་བྲིས་ཡོད་པ་རེད།

　　དམག་དཔུང་རོལ་དབྱངས་ཚོགས་པས་མེ་ཏོག་རོལ་དབྱངས་ཞེས་པ་དཀྲོལ་གཏོང་བྱས་པ་དང་གུས་ལུགས་དམག་མི18ཀྱིས་མེ་ཏོག་སི་ར་བརྟན་པོའི་སྒོ་ནས་ཡར་བཏེགས་པ་དང་དལ་པོའི་སྒོ་ནས་མི་དམངས་དཔའ་བོའི་དྲན་གསོའི་རྡོ་རིང་ཕྱོགས་སུ་སྐྱོད་པ་དང་དྲན་གསོའི་རྡོ་རིང་གི་རྡོ་བཀྱག་ཐོག་བཞག་པ་རེད།

ཞི་ཅིང་ཕིང་སོགས་ཏང་དང་རྒྱལ་ཁབ་ཀྱི་འགོ་ཁྲིད་རྣམ་པ་དེའི་རྗེས་སུ་དྲན་གསོའི་རྡོ་རིང་གི་རྡོ་བཀྱག་ཐོག་འཛེགས་གནང་བ་དང་མེ་ཏོག་སི་རའི་མདུན་དུ་འགྲོ་མཚམས་བཞག་ནས་རྡོ་རིང་ལ་ཧུར་རེར་གཟིགས་བཞུགས་པ་དང་གསར་བརྗེའི་དོན་དུ་རང་སྲོག་བློས་གཏོང་བྱེད་མཁན་སྔོན་གཤེགས་དཔའ་བོ་ཚོར་དྲན་གསོ་དང་བླ་ན་མེད་པའི་གུས་འདུད་ཞུས་གནང་བ་རེད།

　　ཞི་ཅིན་ཕིང་གིས་དལ་པོའི་ངང་མདུན་དུ་ཕེབས་ནས་མེ་ཏོག་སི་རའི་བཅིངས་རས་ལེགས་སྒྲིག་གནང་བ་དང་དེའི་རྗེས་ཞི་ཅིན་ཕིང་སོགས་ཏང་དང་རྒྱལ་ཁབ་ཀྱི་འགོ་ཁྲིད་པ་ཚོས་དལ་པོའི་ངང་སྐོར་བ་ཞིག་སྐྱོན་པ་དང་མི་དམངས་དཔའ་བོའི་དྲན་གསོའི་རྡོ་རིང་ལ་གུས་མཇལ་ཞུས་གནང་བ་རེད།

འོད་སྟོང་འཕྲོ་བའི་ཀྲུང་གོའི་སྔོན་གཤེགས་དཔའ་བོར་དྲན་གསོ་ཞུས་པ་དང་སྐྱར་དར་རླབས་ཆེའི་བྱ་གཞག་གིས་རྒྱལ་ཁའི་གླུ་གཞས་དཀྲོལ་གཏོང་བྱས། ཏང་གི་ཚོགས་ཆེན་བཅོ་བརྒྱད་པ་ཚོགས་ཚུན་ཏང་དང་རྒྱལ་ཁབ་ཀྱི་བྱ་གཞག་ལ་ལོ་རྒྱུས་རང་བཞིན་གྱི་འཕོ་འགྱུར་བྱུང་བ་དང་རང་རྒྱལ་གྱི་གོང་འཕེལ་ལོ་རྒྱུས་ཀྱི་འགོ་འཛུགས་ས་གསར་པ་ཞིག་གི་ཐོག་གནས་ཡོད། ཏང་ཡོངས་དང་དམག་ཡོངས། རྒྱལ་ཡོངས་མི་རིགས་ཁག་གི་མི་དམངས་ཀྱིས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་སྟོབས་ཆེའི་འགོ་ཁྲིད་འོག་ཐོག་མའི་བསམ་འདུན་མི་བརྗེད་པར་མུ་མཐུད་མདུན་སྐྱོད་ཀྱིས་འབད་འཐབ་ཆེར་སྐྱེད་ཐོག་ནས་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་བྱ་གཞག་གི་ལེའུ་གསར་པ་གཏོད་རྒྱུ་ཡིན་པ་རེད།

　　ལོ་ཆུང་བྱིས་པ་དང་ལས་རིགས་ཁག་གི་མང་ཚོགས་ཀྱི་འཐུས་མི་ཡང་རིམ་བཞིན་དྲན་གསོའི་རྡོ་རིང་གི་མདུན་དུ་སྐྱོད་ནས་ལག་པའི་ཐོག་གི་མེ་ཏོག་སོས་པ་དྲན་གསོའི་རྡོ་རིང་ལ་ཕུལ་བ་རེད།

　　པེ་ཅིན་དུ་ཡོད་པའི་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན། ཀྲུང་དབྱང་ཧྲུའུ་ཅི་ཁྲུའི་ཧྲུའུ་ཅི། རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ་ཁག་ཅིག  རྒྱལ་དོན་ཨུ་ཡོན་དང་ཆེས་མཐོའི་མི་དམངས་ཁྲིམས་ཁང་གི་འགོ་འཛིན། ཆེས་མཐོའི་མི་དམངས་ཞིབ་དཔྱོད་ཁང་གི་ཞིབ་དཔྱོད་འགོ་འཛིན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་ཀྲུང་དབྱང་དམག་ཨུའི་ཨུ་ཡོན་ཁག་ཅིག་བཅས་མཛད་སྒོར་ཞུགས་ཡོད་པ་རེད།

　　ཀྲུང་དབྱང་ཏང་སྲིད་དམག་དམངས་ཀྱི་འབྲེལ་ཡོད་སྡེ་ཁག་དང་པེ་ཅིང་གྲོང་ཁྱེར་གྱི་འགན་འཁུར་བློ་མཐུན་གཙོ་བོ། དམངས་གཙོ་ཏང་ཤོག་ཁག་ཀྲུང་དབྱང་དང་རྒྱལ་ཡོངས་བཟོ་ཚོང་མཉམ་འབྲེལ་ཚོགས་པའི་འགན་འཁུར་བ། ཏང་ཤོག་གང་ལའང་མ་གཏོགས་པའི་འཐུས་མི། པེ་ཅིང་དུ་ཡོད་པའི་འཐབ་འཛིང་པ་རྒན་གྲས་དང་བློ་མཐུན་རྒན་གྲས། སྔོན་གཤེགས་དཔའ་བོའི་ཁྱིམ་མིའི་འཐུས་མི། པེ་ཅིང་དུ་ཡོད་པའི་བརྒྱད་གཅིག་བྱས་རྗེས་གཟེངས་རྟགས་ཐོབ་མཁན། རྒྱལ་ཡོངས་གྲངས་ཉུང་མི་རིགས་ཀྱི་ལྟ་སྐོར་ཚོགས་པའི་ཁོངས་མི། ཀྲུང་དབྱང་ཏང་གི་སློབ་གྲྭའི་སློབ་དུས་བཅུ་གཉིས་པའི་རྫོང་ཨུའི་ཧྲུའུ་ཅིའི་ཟབ་སྦྱོང་འཛིན་གྲྭའི་སློབ་མ། རྒྱལ་སའི་ལས་རིགས་ཁག་གི་མང་ཚོགས་ཀྱི་འཐུས་མི་སོགས་མེ་ཏོག་སི་ར་སྒྲོན་པའི་མཛད་སྒོར་ཞུགས་ཡོད་པ་རེད།