ཀྲུང་གོ་བོད་ཀྱི་དྲ་བའི་འཕྲིན། མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་གིས་ཞིང་ཆེན་རིམ་པའི་དཔལ་ཡོན་གྲོང་ཁྱེར་དང་ཁྲིམས་སྐྱོང་གྲོང་ཁྱེར། སྐྱེད་ཚལ་གྲོང་ཁྱེར། རྒྱལ་ཁབ་ཀྱི་ནགས་ཚལ་གྲོང་ཁྱེར། རྒྱལ་ཁབ་ཀྱི་འཕྲོད་བསྟེན་གྲོང་ཁྱེར་སོགས་མཉམ་འཛུགས་བྱེད་པའི་བྱ་བའི་དམིགས་འབེན་གཞིར་བཟུང་ནས་ཁོར་ཡུག་སྲུང་སྐྱོབ་དང་ཁོར་ཡུག་སྤུས་ཚད་མཐོར་འདེགས་གཏོང་བ། སྒྲིག་གཞི་ལེགས་སྒྲིག་བྱེད་པ། དམངས་ལ་ཕན་བདེ་སྐྲུན་པ། འཆམ་མཐུན་ལ་སྐུལ་འདེད་གཏོང་བ་དམ་འཛིན་བྱས་ཏེ་ཤུགས་ཆེན་པོས་སྐྱེ་ཁམས་ཞིང་ཕྱུགས་ལས་དང་སྐྱེ་ཁམས་བཟོ་ལས། སྐྱེ་ཁམས་སྲུང་སྐྱོབ། སྐྱེ་ཁམས་གྲོང་ཁྱེར་འཛུགས་སྐྲུན་བྱེད་པའི་བཟོ་སྐྲུན་བཞི་ལག་བསྟར་བྱས་ཏེ་སྐྱེ་ཁམས་སྟོབས་ལྡན་གྱི་རྫོང་མཁར་འཛུགས་སྐྲུན་བྱེད་པར་སྐུལ་འདེད་བཏང་།

སྐྱེ་ཁམས་ཞིང་ཕྱུགས་ལས་བཟོ་སྐྲུན་ལག་བསྟར་བྱས་ཏེ་ཆུ་གྲོན་ཆུང་གིས་ཞིང་སར་ཆུ་གཏོང་བ་དང་། ཁྱད་ལྡན་འདེབས་འཛུགས་ལས་རིགས་དང་ཕན་ནུས་མཐོ་བའི་གསོ་སྤེལ་ལས་རིགས། གཟན་རྩྭ་འདེབས་འཛུགས་ཐོན་ལས་ལ་རྒྱབ་སྐྱོར་བྱས་ཏེ་ཞིང་ཕྱུགས་ལས་དེ་གཞི་ཁྱོན་ཅན་དང་ལེགས་བསྡུས་ཅན། ཚད་ལྡན་ཅན་གྱི་ཕྱོགས་སུ་འཕེལ་རྒྱས་འགྲོ་བར་སྐུལ་འདེད་བཏང་།

སྐྱེ་ཁམས་བཟོ་སྐྲུན་ལས་རིགས་ལག་བསྟར་བྱས་ཏེ་རྒྱལ་ཁབ་ཀྱི་ཐོན་ལས་སྲིད་ཇུས་དང་ཐོན་ཁུངས་གྲོན་ཆུང་བྱེད་པའི་བླང་བྱ་དོན་འཁྱོལ་བྱས་པ་དང་གནད་འགག་དུས་རིམ་དམ་འཛིན་བྱས་ཏེ་དོན་དངོས་དང་མཐུན་པའི་སྒོ་ནས་སྲོལ་རྒྱུན་ཁེ་ལས་ཀྱི་བསྒྱུར་བཀོད་གོམས་སྟབས་ཇེ་མགྱོགས་སུ་བཏང་།

སྐྱེ་ཁམས་སྲུང་སྐྱོབ་བཟོ་སྐྲུན་ལག་བསྟར་བྱས་ཏེ་ཆུ་དྭངས་རི་ལྗང་ནི་གསེར་རི་དངུལ་རི་ཡིན་པའི་འདུ་ཤེས་བརྟན་པོར་བཙུགས་ཏེ་ལུགས་མཐུན་གྱིས་སྐྱེ་ཁམས་བྱེད་ལས་ཁུལ་གཙོ་བོ་དང་ཁོར་ཡུག་ཞན་ས། ཞང་གྲོང་གི་འཐུང་ཆུའི་ཐོན་ཁུངས་སྲུང་སྐྱོབ་ཁུལ་སོགས་ཀྱི་སྲུང་སྐྱོབ་ལ་འཆར་འགོད་བྱས་ཏེ་ནུས་ཡོད་སྒོས་སྐྱེ་ཁམས་མ་ལག་གི་བརྟན་འཇགས་རང་བཞིན་དང་བདེ་འཇགས་རང་བཞིན་མཐོར་འདེགས་བཏང་།

སྐྱེ་ཁམས་གྲོང་ཁྱེར་འཛུགས་སྐྲུན་ལག་བསྟར་བྱས་ཏེ་ཞིང་ཆེན་རིམ་པའི་དཔལ་ཡོན་གྲོང་ཁྱེར་དང་ཁྲིམས་སྐྱོང་གྲོང་ཁྱེར། སྐྱེད་ཚལ་གྲོང་ཁྱེར། རྒྱལ་ཁབ་ཀྱི་ནགས་ཚལ་གྲོང་ཁྱེར། རྒྱལ་ཁབ་ཀྱི་འཕྲོད་བསྟེན་གྲོང་ཁྱེར་སོགས་མཉམ་འཛུགས་བྱེད་པའི་བྱ་བ་དམ་འཛིན་བྱས་ཏེ་གཞུང་ལམ་སྤྱི་ལེ་ཉེར་བཞི་ལྷག་གསར་འཛུགས་དང་སྒྱུར་བཀོད་བྱས་པ་དང་། མཁར་ཁུལ་གྱི་ལྗང་འགྱུར་ཁེབས་ཚད་བརྒྱ་ཆའི་ཉེར་དྲུག་ལ་སླེབས།   །