ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ9བའི་ཚེས6ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཁི་ཆང་གིས་མགོ་འཛིན་མཛད་དེ་རྒྱུན་ལས་གྲོས་ཚོགས་བསྡུས་ཏེ། ཁྱབ་ཁོངས་ཆེན་པོ་ནས་ཆོག་མཆན་ཡི་གེ་དང་ལས་གཉེར་དཔང་ཡིག་སོ་སོར་བགར་བའི་བཅོས་སྒྱུར་ཚོད་ལྟ་ལག་བསྟར་བྱེད་པར་མ་ཟད་སྲིད་འཛིན་ཆོག་མཆན་གྱི་ལས་དོན་སྐོར་ཞིག་མེད་པར་བཏང་ནས། ཚོང་གཉེར་ཁོར་ཡུག་སྔར་ལས་འདྲ་མཉམ་དང་དྲང་བདེན་དུ་གཏོང་བར་བཀོད་སྒྲིག་བྱས་པ་དང་། སྤུས་ཚད་ཁས་ལེན་དཔང་ཡིག་མ་ལག་འཛུགས་སྐྲུན་གྱི་བྱེད་ཐབས་ལག་བསྟར་བྱེད་པ་དང་ལས་དོན་སྔ་གཞུག་གི་ལྟ་སྐུལ་དོ་དམ་ལ་ཤུགས་བསྣན་ནས། ཀྲུང་གོའི་གསར་བཟོའི་སྤུས་ཚད་ཇེ་མཐོར་གཏོང་རྒྱུ་གཏན་འཁེལ་བྱས།

ཚོགས་ཐོག་ནས་བསྟན་དོན། ཆོག་མཆན་ཡི་གེ་དང་ལས་གཉེར་དཔང་ཡིག་སོ་སོར་བགར་བའི་བཅོས་སྒྱུར་ལག་བསྟར་བྱེད་པ་ནི་དབང་གཏོང་དོ་དམ་དང་ཞབས་ཕྱིའི་བཅོས་སྒྱུར་ཟབ་སྤེལ་བྱེད་པ་དང་། ཚོང་གཉེར་ཁོར་ཡུག་གི་འགྲན་རྩོད་ནུས་ཤུགས་ཇེ་ཆེར་གཏོང་བ། ལས་སྤེལ་གསར་སྐྲུན་གསོན་ཤུགས་ཇེ་ཆེར་གཏོང་བའི་བྱེད་ཐབས་གལ་ཆེན་ཞིག་ཡིན་ཟེར།

ཚོགས་ཐོག་ནས་བལྟས་ན། སྤུས་ཚད་ཁས་ལེན་དཔང་ཡིག་ལག་བསྟར་བྱས་ན་སྤུས་ཚད་ཀྱི་ལྟ་སྐུལ་དོ་དམ་ལ་ཤུགས་སྣོན་པ་དང་། འདྲ་མཉམ་འགྲན་རྩོད་ཁོར་ཡུག་གསར་སྐྲུན་བྱས་ནས། ཀྲུང་གོའི་གསར་བཟོའི་སྤུས་ཚད་ཇེ་མཐོར་གཏོང་བར་ཕན་པ་ཡོད་པར་སྙམ།  །