ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  རྒྱལ་སྲིད་སྤྱི་ཁྱབ་ཁང་གི་ལྟ་ཞིབ་ཆེན་པོ་ཐེངས་བཞི་བའི་སྤྱིའི་བཀོད་སྒྲིག་ལྟར། ས་གནས་སོ་སོས་ཁྱོན་ཡོངས་ནས་རང་བཤེར་བྱེད་པའི་རྨང་གཞིའི་སྟེང་། ཟླ་བདུན་པའི་ཚེས་བཅུ་དྲུག་ཉིན་རྒྱལ་སྲིད་སྤྱི་ཁྱབ་ཁང་གིས་ལྟ་ཞིབ་ཚན་ཆུང་བཅོ་བརྒྱད་ཐེན་ཅིན་དང་ཧི་པེ། ཧྲན་ཞི། ནང་སོག ཅི་ལིན། ཧེ་ལུང་ཅང་། ཅང་སུའུ། ཀྲེ་ཅང་། ཧྲན་ཏུང་། ཧི་ནན། ཧུའུ་པེ། ཧུའུ་ནན། ཀོང་ཏུང་། ཁྲུང་ཆིན། ཀོས་ཀྲིག ཡུན་ནན། ཧྲན་ཞི། ཀན་སུའུ་སོགས་ཞིང་ཆེན་དང་རང་སྐྱོང་ལྗོངས། གྲོང་ཁྱེར་བཅོ་བརྒྱད་ལ་མངགས་ཏེ། ཏང་ཀྲུང་དབྱང་དང་རྒྱལ་སྲིད་སྤྱི་ཁང་གི་ཐབས་ཇུས་དང་བཀོད་སྒྲིག་ལག་བསྟར་དང་དངོས་འབེབས་བྱས་པའི་གནས་ཚུལ་ལ་ལྟ་ཞིབ་བྱས།

ལྟ་ཞིབ་བྱེད་སྐབས། རྒྱལ་སྲིད་སྤྱི་ཁྱབ་ཁང་གི་ལྟ་ཞིབ་ཚན་ཆུང་སོ་སོས་གཅིག་གྱུར་སྒོས་ལྟ་ཞིབ་ས་ཁུལ་དུ་ལྟ་ཞིབ་ཁ་པར་གཏན་འཁེལ་བྱས་ཏེ། རྒྱ་ཆེའི་མང་ཚོགས་ཀྱིས་ཁ་པར་བརྒྱུད་དེ་གནད་དོན་ཡར་ཞུ་དང་གནས་ཚུལ་འདོན་སྤྲོད་བྱེད་པར་མ་ཟད་གྲོས་གཞི་འདོན་པར་ཆ་རྐྱེན་བསྐྲུན།