ཞིན་ཧྭ་གསར་འགྱུར་ཁང་ལྷ་ས་ནས་འབྱོར་བའི་གཏམ་གསར།  རང་རྒྱལ་སློབ་གསོ་པུའུ་ཡིས་ཆོག་མཆན་ཐོབ་པའི་གཞུང་འཛུགས་བོད་ལུགས་གསོ་རིག་མཐོ་རིམ་སློབ་གྲྭ་བོད་ལྗོངས་ཀྱི་བོད་ལུགས་གསོ་རིག་སློབ་གྲྭ་ཆེན་མོས་གོང་ཚེས་ཉིན་མཐའ་ཕྱིན་མཛད་སྒོ་སྤེལ་ནས་རབ་འབྱམས་པའི་ཞིབ་འཇུག་སློབ་མ24ལ་སློབ་ཐོན་ལག་ཁྱེར་སྤྲད་པ་རེད། དུས་དེར་སླེབས་དུས་བོད་ལྗོངས་བོད་ལུགས་གསོ་རིག་སློབ་གྲྭ་ཆེན་མོས་གསོ་སྐྱོང་བྱས་པའི་རབ་འབྱམས་པ་མི200ལས་བརྒལ་ནས212ལ་ཟིན་པ་རེད།

     1999ལོར་བོད་ལྗོངས་བོད་ལུགས་གསོ་རིག་སློབ་གྲྭ་ཆེན་མོ་མི་རིགས་ཀྱི་གསོ་རིག（བོད་ལུགས་གསོ་རིག）གི་རབ་འབྱམས་པའི་ཡོན་ཚད་སྤྲོད་སའི་བྱ་རྒྱུའི་ཆོག་མཆན་སྤྲད་ཡོད་པ་རེད།  ཤེས་རྟོགས་བྱུང་བར་གཞིགས་ན།  སློབ་གྲྭ་ཆེན་མོས་ཞིབ་འཇུག་སློབ་མའི་སློབ་གསོ་བྱེད་སྟངས་ནི་གསར་གཏོད་ཀྱི་སྙིང་སྟོབས་དང་ཚན་རིག་ཞིབ་འཇུག    སློབ་གསོ།  ནད་ཐོག  དོ་དམ་བཅས་ཀྱི་ལས་ཀའི་འཇོན་ནུས་ལྡན་པའི་རིམ་པ་མཐོ་བའི་རིག་གཞུང་ཅན་གྱི་ཆེད་ལས་མཁས་པ་གསོ་སྐྱོང་བྱ་རྒྱུས་དམིགས་འབེན་བྱས་པ་རེད།   སློབ་གྲྭ་ཆེན་མོས་བོད་ལྗོངས་དང་སི་ཁྲོན།  མཚོ་སྔོན།   ཀན་ལྷོ།  ཡུན་ནན་སོགས་བོད་ཁུལ་ལ་ཁ་ཕྱོགས་ཏེ་སློབ་མ་བསྡུས་པ་རེད།

      བོད་ལུགས་གསོ་རིག་ནི་བོད་མི་རིགས་ཀྱི་ཕུལ་བྱུང་གི་སྲོལ་རྒྱུན་རིག་གནས་ཞིག་ཡིན་ལ། རང་རྒྱལ་གྱི་མི་རིགས་གསོ་རིག་ནོར་མཛོད་ནང་གི་མཆོག་ནོར་ཞིག་ཀྱང་ཡིན་པ་རེད།   བོད་ལྗོངས་ཀྱི་བོད་ལུགས་གསོ་རིག་སློབ་གྲྭ་ཆེན་མོའི་སློབ་གཙོ་ཉི་མ་ཚེ་རིང་གིས་སློབ་གྲྭ་ཆེན་མོ་ནི་བོད་ལུགས་གསོ་རིག་དང་བོད་སྨན་གྱི་ཆེད་ལས་ཀྱི་ཤེས་ལྡན་མི་སྣ་གསོ་སྐྱོང་བྱེད་སའི་མཐོ་རིམ་གྱི་སློབ་གྲྭ་ཆེན་མོ་ཡིན་པར་མཚོན་ན།  ལོ28རིང་ལ་སློབ་གཉེར་ལག་ལེན་ནང་དངོས་གཞི་ཚན་ཁག་གི་སློབ་གསོ་གཙོ་བོར་འཛིན་པ་དང་ཞིབ་འཇུག་སློབ་མའི་སློབ་གསོ། རྒྱུན་མཐུད་སློབ་གསོ་བཅས་མཐུན་སྦྱོར་ངང་གོང་འཕེལ་གཏོང་བར་རིམ་པ་མང་བའི་སློབ་གསོའི་མ་ལག་ཆགས་ཡོད་པ་རེད་ཅེས་བཤད་པ་རེད།