ཀྲུང་གོ་བོད་ཀྱི་དྲ་བའི་འཕྲིན།  ཉེ་ལམ། མཚོ་ལྷོ་བོད་རིགས་རང་སྐྱོང་ཁུལ་ཐུན་ཏེ་རྫོང་གིས་སྐབས་བཞི་བའི་ས་རྐོ་འཕྲུལ་ཆས་བསྐོར་བ་དང་ཁང་བར་མཛེས་བཟོ་བྱེད་པའི་རྩལ་ནུས་གསོ་སྦྱོང་འཛིན་གྲྭ་བསྡུས་ཏེ་ཞང་གྲོང་ལྔའི་རོང་འབྲོག་མང་ཚོགས་ཉིས་བརྒྱའི་ཡོང་སྒོ་སྤར་བའི་ཐབས་ལམ་རྒྱ་བསྐྱེད།

གསོ་སྦྱོང་གི་སྤུས་ཚད་ལ་ཁག་ཐེག་བྱེད་ཆེད། ཐུན་ཏེ་རྫོང་ལས་ཞུགས་ཅུའུ་ཡིས་རོང་འབྲོག་ཁུལ་གྱི་དངོས་ཡོད་གནས་ཚུལ་ལ་དམིགས་ནས། གསོ་སྦྱོང་འཛིན་གྲྭ་མ་བསྡུས་པའི་སྔོན་ལ་ཐུན་ཏེ་གསར་འགྱུར་དང་སྐད་འཕྲིན་སོགས་སུ་བོད་རྒྱ་སྐད་རིགས་གཉིས་ཀྱིས་དྲིལ་སྒྲོག་བྱས་པ་དང་རྫོང་ཡོངས་ཀྱི་ཞང་གྲོང་ལྔའི་ཁྲོད་ལག་ལེན་གྱི་རྨང་གཞི་ངེས་ཅན་ཡོད་པའི་རོང་འབྲོག་མང་ཚོགས་གསོ་སྦྱོང་ལ་ཞུགས་པར་སྐུལ་སློང་བྱས་པ་མ་ཟད་གཞུང་ལུགས་ཤེས་བྱ་དང་བཀོལ་སྤྱོད་རྩལ་ནུས། ལག་ལེན་དངོས་ཀྱི་ཁྲོད་བཀོལ་སྤྱོད་བྱེད་ཐབས་སོགས་སློབ་ཁྲིད་བྱེད་པའི་བྱེད་ཐབས་བརྒྱུད་དེ་དུས་ཡུན་ཉིན་དགུ་བཅུའི་ནང་གསོ་སྦྱོང་བྱས་ཏེ། རོང་འབྲོག་མང་ཚོགས་ཀྱིས་ངལ་རྩོལ་རྩལ་ནུས་ལ་རྒྱུས་ལོན་བྱས་ཏེ་ལས་ཞུགས་ཐབས་ལམ་རྒྱ་བསྐྱེད་པར་རྩལ་ནུས་སློབ་སྦྱོང་གི་གོ་སྐབས་བཟང་བོ་འདོན་སྤྲོད་བྱས། །