ཀྲུང་གོ་བོད་ཀྱི་དྲ་བའི་འཕྲིན། ཉེ་ལམ། གསར་འགོད་པས་འབྲེལ་ཡོད་སྡེ་ཁག་ནས་ཤེས་གསལ་ལྟར་ན། རེབ་གོང་གི་ཁྱད་ཆོས་ལྡན་པའི་རེབ་གོང་སྒྱུ་རྩལ་ཁང་རྒྱལ་ས་པེ་ཅིན་དུ་བཙུགས།

སྒྱུ་རྩལ་ཁང་གིས་དུས་ཡུན་རིང་བོ་ནང་རྒྱལ་ས་པེ་ཅིན་གྱི་རྒྱ་ཆེའི་མང་ཚོགས་ལ་འཛམ་གླིང་རིམ་པའི་མིའི་རིགས་དངོས་མིན་རིག་དངོས་དང་རྒྱལ་ཁབ་རིམ་པའི་དངོས་མིན་རིག་དངོས་རྣམ་གྲངས་དྲུག་འགྲེམ་སྟོན་བྱེད་པ་ལས་གཞན། འཛམ་གླིང་རྒྱན་གཅིག་ཏུ་གྱུར་བའི《པཎ་ཆེན་རིམ་བྱོན་གྱི་ཐང་ག》དང་། རྒྱལ་ཁབ་རིམ་པའི་ཆིན་རྒྱལ་རབས་སྐབས་ཀྱི་ལྡེབས་རིས་དང་ཐང་ག《དུས་འཁོར》དང《དུས་གསུམ་སངས་རྒྱས》སོགས་དངོས་རྫས་རྩ་ཆེན་ཉར་ཚགས་བྱས་ཡོད།

རེབ་གོང་སྒྱུ་རྩལ་ཁང་པེ་ཅིན་དུ་བཙུགས་པ་དེས་པེ་ཅིན་གྱི་ལས་རིགས་སོ་སོའི་མི་སྣར་རེབ་གོང་གི་རིག་གནས་རྒྱུས་ལོན་བྱེད་པའི་སྒེའུ་ཁུང་ཞིག་འདོན་སྤྲོད་བྱས་པ་དང་། ཐུན་མོང་མ་ཡིན་པའི་མི་རིགས་ཀྱི་ཕུལ་བྱུང་དངོས་རྫས་འགྲེམ་སྟོན་བྱས་པ་བརྒྱུད། མི་མང་པོར་རེབ་གོང་སྒྱུ་རྩལ་གྱི་ཉིང་བཅུད་རོལ་མྱོང་བྱེད་དུ་འཇུག་པ་དང་མི་རིགས་ཀྱི་ཕུལ་བྱུང་སྒྱུ་རྩལ་འདི་སྔར་ལས་དར་སྤེལ་དུ་གཏོང་རྒྱུ་རེད།

དུས་མཚུངས་སུ་སྒྱུ་རྩལ་ཁང་བཙུགས་པ་དང་བསྟུན། རྨ་ལྷོ་ཁུལ་གྱི་མཚན་སྙན་གྲགས་རྒྱས་པར་མཐོར་འདེགས་སུ་གཏོང་བ་དང་། ཡུལ་གྲུ་འདིའི་རིག་གནས་གནས་སྐོར་སྔར་ལས་དར་སྤེལ་བྱེད་པར་སྐུལ་འདེད་ཐོབ་ངེས།  །