པེར་ཀྲེམ་དུ་བཅའ་སྡོད་ཀྲུང་གོའི་གཞུང་ཚབ་ཁང་དང་པེར་ཀྲེམ་ལེ་རི་ཞིང་ཆེན་ཡུས་དབྱི་གྲོང་ཁྱེར་སྲིང་གཞུང་གིས་མཉམ་དུ་གཉེར་བའི“ཀྲུང་གོའི་རིག་གནས་གཟའ་འཁོར”གྱི་བྱེད་སྒོ་ས་གནས་འདི་གའི་དུས་ཚོད་ཚེས་8ཉིན་གྱི་ཕྱི་དྲོ་གཟབ་རྒྱས་ངང་གཉེར་འགོ་ཚུགས་ཡོད། ཉིན་དེར་ཡུས་དབྱི་གྲོང་ཁྱེར་གྲོང་སྲིད་ཐིང་དང་། བྱིས་པའི་ཕོ་བྲང་། གྲོང་ཁྱེར་སྲིད་གཞུང་གི་རྟེན་རྫས་བཤམས་མཛོད་ཁང་སོགས་སུ་འཁྲབ་སྟོན་བྱེད་སྒོ་སྣ་ཚོགས་སྤེལ་བའི་ནང་ཀྲུང་གོའི་པར་རྒྱག་པར་རིས་འགྲེམས་སྟོན་དང་། ཨ་ལད་པད་གོག་གི་ཟློས་གར་འཁྲབ་སྟོན། ཀྲུང་གོའི་མ་བྱན་གྱི་ལག་རྩལ་འགྲེམས་སྟོན། ཀྲུང་གོའི་སྲོལ་རྒྱུན་རོལ་ཆ་དཀྲོལ་བ་སོགས་ཚུད་ཡོད་ཅིང་།

འདི་ནི་པེར་ཀྲེམ་ལེ་རི་ཞིང་ཆེན་ཡུས་དབྱི་གྲོང་ཁྱེར་དུ་ཧྲང་ཧའེ་ཡི་ཨ་ལད་པད་གོག་གི་ཟློས་གར་ཚོགས་པའི་འཁྲབ་སྟོན་པས“ཀྲུང་གོའི་རིག་གནས་གཟའ་འཁོར”གྱི་བྱེད་སྒོའི་ཐོག་ཨ་ལད་པད་གོག་གི་ཟློས་གར་འཁྲབ་སྟོན་བྱེད་བཞིན་པ།