《ཐར་ལོ》གློག་བརྙན་གྱི་བརྡ་ཁྱབ།

          ཟླ3པའི་ཚེས19ཉིན་ན་གཞོན་གློག་བརྙན་ལག་དེབ་ཀྱི2016ལོའི་ཀྲུང་གོའི་རྩེ་གྲས་བཅུ་དང་སྐབས་བརྒྱད་པའི་ཀྲུང་གོ་གློག་བརྙན་གསེར་གྱི་ཕྱགས་མའི་བྱ་དགའ་སྟེར་བའི་མཛད་སྒོ་པེ་ཅིང་པོ་ནཱ་ཞིང་ཧུའེ་གློག་བརྙན་ཁང་དུ་བསྡུས། ཤེས་གསལ་ལྟར་ན། ཀྲུང་གོའི་གློག་བརྙན་རྩེ་གྲས་བཅུའི་ནང་དུ་བསྡོམས་པས་གློག་བརྙན་བཅུ་དྲུག་ཚུད་ཡོད་ལ། དེ་ལས《ཐར་ལོ》ལ་མིང་བཏགས་ལྔ་ཐོབ་ཡོད་ཅིང་། འཁྲབ་སྟོན་པ་ཞི་བདེ་ཉི་མར་ལོ་འཁོར་འཁྲབ་སྟོན་པ་ཕོ་དང་འཁྲབ་སྟོན་པ་གསར་བའི་མིང་བཏགས། གཡང་ཕྱུག་འཚོ་ལ་ཐོག་དང་པོར་ལོ་འཁོར་འཁྲབ་སྟོན་པ་མོའི་མིང་བཏགས། པདྨ་ཚེ་བརྟན་ལ《ཐར་ལོ》གློག་བརྙན་གྱི་ལོ་འཁོར་འཁྲབ་ཁྲིད་པ་ལས་གཞན་ད་དུང《ཐར་ལོ》གློག་བརྙན་གྱི་ལོ་འཁོར་འཁྲབ་གཞུང་རྩོམ་པོའི་མིང་བཅས་གྲས་སུ་ཚུད་འདུག

འཁྲབ་ཁྲིད་པ་པདྨ་ཚེ་བརྟན་དང་འཁྲབ་སྟོན་པ་གཡང་ཕྱུག་འཚོ།           

དཔྱད་འདེམས་པ་དག་གི་ཞིབ་བསྡུར་བརྒྱུད། མཇུག་མཐར་བོད་སྐད་གློག་བརྙན《ཐར་ལོ》ལ་ཀྲུང་གོའི་གློག་བརྙན་རྩེ་གྲས་བཅུ་ལས་ལོ་འཁོར་གློག་བརྙན་དང་། པདྨ་མ་ཚེ་བརྟན་ལ་ལོ་འཁོར་འཁྲབ་ཁྲིད་པ་དང་གཡང་ཕྱུག་འཚོ་ལ་ལོ་འཁོར་འཁྲབ་སྟོན་པ་མོ་བཅས་མིང་བཏགས་གསུམ་ཐོབ་རྐྱེན་ཐེངས་འདིའི་གློག་བརྙན་བྱ་དགའི་ཡང་རྩེ་བཟུང་འདུག