བོད་ལྗོངས་ལྷ་ཉིང་ལྕགས་ལམ་ནི་ཁྲོན་བོད་ལྕགས་ལམ་ལྷ་ས་ནས་ཉིང་ཁྲིའི་དུམ་བུ་བར་ཡིན་པ་དང་། མ་ལམ་ཧྲིལ་པོའི་རིང་ཚད་ལ་སྤྱི་ལེ་435.48ཡོད་པ་དང་འཆར་འགོད་བྱས་པའི་ཆུ་ཚོད་རེའི་མྱུར་ཚད་སྤྱི་ལེ་160ཟིན་ཞིང་། བོད་ཀྱི་གློག་རླངས་ཅན་གྱི་ལྕགས་ལམ་ཐོག་མ་དེ་རེད། 
    ཀྲུང་གོ་ལྕགས་ལམ་གློག་རླངས་ཅན་ཅུས་ཚོགས་པས་ལམ་ཐིག་ཧྲིལ་པོའི་གློག་རླངས་ཅན་གྱི་ཨར་སྐྲུན་ལས་འགན་འཁུར་བ་དང་། མིག་སྔར་ལམ་ཐིག་ཧྲིལ་པོའི་གློག་རླངས་ཅན་གྱི་ཨར་སྐྲུན་ལ་མགྱོགས་མྱུར་སྐུལ་འདེད་གཏོང་བཞིན་ཡོད་པ་དང་། གློག་རླངས་ཅན་གྱི་གློག་ཤིང་དང་ལྕགས་སྒྲོམ་འདིང་ཚད་75%ཡན་ལེགས་གྲུབ་ཟིན་ཡོད།