ཀྲུང་གོ་བོད་ཀྱི་དྲ་བའི་འཕྲིན། ཉེ་ལམ་གསར་འགོད་པས་ནག་ཆུ་ས་ཁུལ་གྱི་འཕྲོད་བསྟེན་ཅུའུ་ནས་རྒྱུས་ལོན་བྱུང་བ་ལྟར་ན།2014ལོར་ནག་ཆུ་ས་ཁུལ་འཕྲོད་བསྟེན་ཅུའུ་ཡིས་གཞི་རིམ་གྱི་འཕྲོད་བསྟེན་མི་སྣས་གནས་བབ་དང་སྦྲགས་ཏེ།ཞིང་སྡེའི་སྨན་པར་གསོ་སྦྱོང་སྤེལ་བའི་ཇུས་གཞི་དུས་ཐོག་ཏུ་གཏན་འབེབས་བྱས་ནས།བྱེད་ཐབས་ནུས་ལྡན་བེད་སྤྱད་དེ་དངོས་འབེབས་བྱ་བ་གཙོར་བཟུང་བས།ཞིང་སྡེའི་སྨན་པ1136ལ་གསོ་སྦྱོང་སྤེལ་བའི་ལས་འགན་ཡོངས་སུ་ལེགས་འགྲུབ་བྱུང་།རྒྱུས་ལོན་ལྟར་ན།འཕྲོད་བསྟེན་མི་སྣས་དཔུང་ཁག་འཛུགས་སྐྲུན་བྱ་བར་ཤུགས་སྣོན་བྱ་ཆེད།ནག་ཆུ་ས་ཁུལ་འཕྲོད་བསྟེན་ཅུའུ་ཡིས་ས་གནས་སྲིད་གཞུང་གཞུང་སྒྲུབ་ཁང་གིས་འགྲེམ་གཏོང་བྱས་པའི《ནག་ཆུ་ས་ཁུལ་གྱི2014ལོའི་དོན་དངོས་བཅུ（ཇུས་གཞི་ཞིབ་མོ）ཡར་ཞུ་བྱེད་པའི་འབྲེལ་ཡོད་བརྡ་སྦྱོར》གྱི་བླང་བྱ་ལྟར།མངག་བཅོལ་གསོ་སྦྱོང་ལས་ཁུངས་ཀྱིས་གསོ་སྦྱོང་སྤེལ་བ་དང་།རྫོང་རིམ་པའི་ལས་ཁུངས་ཀྱིས་གཅིག་བསྡུས་ངང་གསོ་སྦྱོང་སྤེལ་བ།གྲོང་རྡལ་གྱིས་རྗེས་སུ་འབྲང་སྟེ་གསོ་སྦྱོང་སྤེལ་བའི་བྱེད་ཐབས་མང་པོ་བེད་སྤྱད་དེ།ཞིང་སྡེའི་སྨན་པའི་སྨན་བཅོས་ལག་རྩལ་ཇེ་མཐོར་གཏོང་བར་ཤུགས་བསྣན་པ་རེད།  །