ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ༤པའི་ཚེས༢༨ཉིན་འབྱོར་བའི་གཏམ་གསར། བོད་ལྗོངས་ཀྱི་འགུལ་འགོག་གནོད་སེལ་གྱི་དགོས་མཁོ་དང་རྒྱལ་སྲིད་སྤྱི་ཁྱབ་ཁང་གི་རྒུད་སྐྱོབ་ལས་སྒྲུབ་ཚོ་ཆུང་གི་གྲོས་གཞི་ལྟར། ཚེས༢༨ཉིན། དམངས་སྲིད་པུའུ་ཡིས་བོད་ལྗོངས་ཀྱི་འགུལ་སྐྱོན་ཐེབས་ཁུལ་ལ་སྔོན་མར་རྒུད་སྐྱོབ་དངོས་རྫས་བཏང་བའི་རྨང་གཞིའི་ཐོག་སླར་ཡང་བོད་ལྗོངས་ཀྱི་འགུལ་སྐྱོན་ཐེབས་ཁུལ་ལ་ཉལ་ཆས་ཁྲི༢དང་དགུན་ཆས་ཁྲི༢བཏང་ཡོད། དེ་དུས། དམངས་སྲིད་པུའུ་ཡིས་སྔོན་རྗེས་སུ་ཐེངས་མ་གསུམ་བགོས་ཏེ་ཁྱོན་བསྡོམས་བོད་ལྗོངས་ཀྱི་འགུལ་སྐྱོན་ཐེབས་ཁུལ་ལ་རྒུད་སྐྱོབ་གུར་ཁྲི༢དང་། དགུན་ཆས་ཁྲི༥ཉལ་ཆས་ཁྲི༥ལྟེབ་པའི་ཉལ་ཁྲི་ཁྲི༡.༥ ཉལ་ཁུག་ཁྲི༡.༥སོགས་ཀྲུང་དབྱང་གི་རྒུད་སྐྱོབ་གསོག་འཇོག་དངོས་རྫས་བཏང་ཡོད།