ཟླ3ཚེས31ཉིན་གྱི་ཆུ་ཚོད23དང་སྐར་མ51གི་ཐོག་རང་རྒྱལ་གྱིས་ཤིས་ཁྲང་སྲུང་སྐར་འཕེན་གཏོང་ལྟེ་གནས་ནས་རྒྱང་སྐྱོད་ཨང་གསུམ་པའི་སྐྱེལ་འདྲེན་མེ་ཤུགས་འཕུར་མདའ་ཁ་པ་སྤྱད་དེ་ཐེན་ལེན་ཨང་གཉིས་པའི་སྲུང་སྐར01བར་སྣང་དུ་འཕེན་གཏོང་བྱས་པ་དང་སྦྲགས་སྲུང་སྐར་སའི་གོ་ལའི་མཉམ་བགྲོད་འཁོར་ལམ་དུ་བདེ་བླག་ངང་འབྱོར་ཡོད་པ་རེད།
     ཐེན་ལེན་ཨང་གཉིས་པའི་སྲུང་སྐར་01ནི་རང་རྒྱལ་གྱི་རབས་གཉིས་པའི་གྲངས་གཞིའི་བར་མཐུད་སྲུང་སྐར་མ་ལག་གི་སྲུང་སྐར་ཐོག་མ་དེ་ཡིན་པ་དང་།　དེས་མི་བཞུགས་འཇིག་རྟེན་འཕུར་སྐྱོད་འཕྲུལ་ཆས་དང་།　སྲུང་སྐར།　སྐྱེལ་འདྲེན་མེ་ཤུགས་འཕུར་མདའ་དང་དེ་བཞིན་འཇིག་རྟེན་འཕུར་སྐྱོད་འཕྲུལ་ཆས་མིན་པའི་སྤྱོད་མཁན་བཅས་ལ་གྲངས་གཞིའི་བར་མཐུད་དང་།　ཚད་ལེན་ཚོད་འཛིན།　བརྒྱུད་སྐྱེལ་སོགས་ཀྱི་ཞབས་འདེགས་ཞུ་རྒྱུ་རེད།     
     ཤེས་རྟོགས་བྱུང་བར་གཞིགས་ན།　ལས་འགན་འཆར་འགོད་དང་།　མ་ལག་དོ་དམ།　ལས་སྒོ་འཁོར་སྐྱོད་བཅས་ཀྱི་ཐད་ཐེན་ལེན་ཨང་དང་པོའི་བར་མཐུད་སྲུང་སྐར་མ་ལག་དང་བསྡུར་ན་ཐེན་ལེན་ཨང་གཉིས་པའི་བར་མཐུད་སྲུང་སྐར་མ་ལག་ལ་ཡར་རྒྱས་མངོན་གསལ་དོད་པོ་ཕྱིན་ཡོད་པ་རེད།