ཀྲུང་གོ་བོད་ཀྱི་དྲ་བའི་འཕྲིན། བལ་བོའི་ཕྱི་འབྲེལ་པུའུ་ཡིས་ཉེ་ལམ་བསྒྲགས་པ་ལྟར་ན།བོད་རང་སྐྱོང་ལྗོངས་སྲིད་གཞུང་གི་ཀྲུའུ་ཞི་བློ་བཟང་རྒྱལ་མཚན་གྱིས་གཟའ་སྔོན་མའི་གཟའ་པ་སངས（སྤྱི་ཟླ4བའི་ཚེས1ཉིན）ཉིན་བོད་ལྗོངས་སུ་འཚམས་འདྲིར་ཕེབས་པའི་བལ་བོའི་སྲིད་འཛིན་ལ་མོ•པ་ལན•ཡ་ཏཱ་ཧྥུ་ལ།མཚོ་བོད་ལྕགས་ལམ་དེ་གཞིས་ཀ་རྩེ་ནས་ལེ་དབར540ཇེ་རིང་དུ་བཏང་སྟེ2020ལོར་རྒྱལ་ཁབ་གཉིས་ཀྱི་མཐའ་མཚམས་སྐྱིད་གྲོང་གི་མཚམས་སུ་བསྲིང་ཐུབ་པ་བྱ་རྒྱུའི་སྐོར་གླེང་འདུགཟླ་གསུམ་པའི་ཟླ་མཇུག་ལ་ཡ་ཏཱ་ཧྥུ་ཀྲུང་གོའི་ཧའེ་ནན་ནས་སྤེལ་བའི་པའོ་ཨའོ་གླིང་ཆེན་ཡེ་ཤ་ཡའི་གླེང་སྟེགས2015ལོའི་ལོ་ཚོགས་སྐབས།ཀྲུང་གོའི་རྒྱུད་གཅིག་ལམ་གཅིག་གི་བླ་མེད་ཇུས་འགོད་ནང་བོད་ལྗོངས་དང་བལ་བོ་སོགས་རྒྱལ་ཁབ་ཀྱི་མཐའ་མཚམས་ཉོ་ཚོང་དང་ཡུལ་སྐོར་རིག་གནས་ཀྱི་མཉམ་ལས་ལ་སྐུལ་འདེད་བྱ་རྒྱུ་ཡིན་ཚུལ་ཤེས་རྟོགས་བྱུང་།དེའི་ཕྱིས་ཀྱི་ཟླ་གསུམ་པའི་ཚེས་ཉེར་དགུ་ཉིན་ནས་ཟླ་བཞི་བའི་ཚེས་གཅིག་ཉིན་བར་ཡ་ཏཱ་ཧྥུ་འཁོར་བཅས་བོད་ལྗོངས་སུ་གཟིགས་ཞིབ་ཏུ་ཕེབས་པ་དང་།དེ་ཡང་ནང་དོན་གཙོ་བོ་ནི་ཀྲུང་གོ་དང་བལ་བོའི་སྐམ་ལམ་དང་མཁའ་ལམ་འཛུགས་སྐྲུན་ལ་སྐུལ་འདེད་བྱ་རྒྱུ་རེད།ཁོང་གིས་རྒྱལ་ཁབ་གཉིས་ཀྱིས་མི་འགྱངས་པར་མཁའ་ལམ་དང་སྐམ་ལམ་འབྲེལ་གཏོང་ཐུབ་པར་རེ་བ་ཡོད་ཅེས་བསྟན་ཡོད།ཡ་ཏཱ་ཧྥུ་ཡིས་བོད་རང་སྐྱོང་ལྗོངས་ནི་ཀྲུང་གོ་དང་བལ་བོ་གཉིས་ཀྱི་སྦྲེལ་ལམ་གལ་ཆེན་ཡིན་ཞིང་།ཕྱོགས་གཉིས་ཀྱིས་མཁའ་ལམ་དང་།གཞུང་ལམ།འགག་སྒོ།ནང་སྒོས་སུ་ལྕགས་ལམ་འབྲེལ་གཏོང་ལ་ཤུགས་སྣོན་བྱས་ཚེ་ཕྱོགས་གཉིས་ཀྱི་གོ་སྐབས་མཉམ་སྤྱོད་དང་།དར་སྤེལ་མཉམ་གཏོད་ལ་དགེ་མཚན་ཆེན་པོ་ལྡན།བལ་བོའི་ཕྱོགས་ཀྱིས་བལ་བོད་ཉོ་ཚོང་མཉམ་ལས་ཀྱི་མི་མངོན་ནུས་ཤུགས་དང་མདུན་ལམ་ཡག་པོ་ལ་ཡིད་ཆེས་ཀྱིས་བརྟས་ཡོད་ལ།བོད་རང་སྐྱོང་ལྗོངས་ཀྱིས་བལ་བོའི་བྱང་བརྒྱུད་མཐའ་མཚམས་སུ་ཆགས་པའི་མི་དམངས་ཀྱི་འཚོ་བ་ལེགས་བཅོས་ཐད་རོགས་སྐྱོར་གནང་བར་དགའ་བསུ་དང་བཅས་ཐུགས་རྗེ་ཞུས་པ་ཡིན།ལྷག་པར་རྒྱུད་གཅིག་ལམ་གཅིག་གི་འཛུགས་སྐྲུན་ལ་མཐའ་གཅིག་ཏུ་རྒྱབ་སྐྱོར་དང་།ཀྲུང་གོའི་བོད་ལྗོངས་ཡུལ་སྐོར་རིག་གནས་རྒྱལ་སྤྱིའི་འགྲེམ་ཚོགས་ཀྱི་སྟེགས་བུར་བརྟེན་ནས་བལ་བོ་དང་ཀྲུང་གོབལ་བོ་དང་བོད་རང་སྐྱོང་ལྗོངས་བར་གྱི་མཉམ་ལས་ཇེ་ཟབ་དང་ཇེ་ལེགས་སུ་གཏོང་བའི་འདུན་པ་ཡོད།བལ་བོས་ཀྲུང་གོ་གཅིག་གི་སྲིད་ཇུས་བརྩི་སྲུང་ནན་མོ་བྱས་ཏེ་སྟོབས་ཤུགས་གང་རུང་གིས་བལ་བོའི་མངའ་ཁོངས་སུ་ཀྲུང་རྒོལ་བྱ་འགུལ་གཏན་ནས་སྤེལ་མི་ཆོག
ཉེ་བའི་ལོ་ཚུན་ལ།བལ་བོ་དང་བོད་རང་སྐྱོང་ལྗོངས་ཀྱི་མཛའ་མཐུན་འབྲེལ་བ་ཇེ་ཟབ་དང་།མཐོ་རིམ་འགོ་གཙོའི་བར་གྱི་འཚམས་འདྲི་རྒྱུན་འབྱམས་སུ་གྱུར་ཡོད་པའི་དུས་མཚུངས་སུ།ཀྲུང་གོ་དང་བལ་བོའི་འབྲེལ་བ་བཙུགས་ནས་ལོ60འཁོར་བའི་མུ་འབྲེལ་བྱེད་སྒོ་འདི་བརྒྱུད་ནས་ཀྲུང་བལ་མཛའ་འབྲེལ་ལ་སྒུལ་ཤུགས་ཆེན་པོ་བསྩལ་ངེས་པས།ཀྲུང་གོ་དང་བལ་བོའི་འབྲེལ་བར་གསོན་ཤུགས་གསར་བ་ཞིག་སྣོན་ངེས་ཞེས་བསྟན།
ཡ་ཏཱ་ཧྥུ་འཁོར་བཅས་མེ་འཁོར་ལ་བསྡད་དེ་ལྷ་གཞིས་ལྕགས་ལམ་དང་གདན་ས་ཆེན་མོ་བཀྲ་ཤིས་ལྷུན་པོ་དགོན་ལ་གཟིགས་སྐོར་དུ་ཕེབས་པ་མ་ཟད།ལྷ་སའི་རྒྱལ་ཁབ་རིམ་པའི་དཔལ་འབྱོར་ལག་རྩལ་ཐོན་སྤེལ་ས་ཁུལ་དང་།རྒྱལ་ཁབ་ཀྱི་ཞིང་ལས་ཚན་རྩལ་གླིང་དང་སྣེའུ་གྲོང་གསར་དུ་ཕེབས་ནས་ནས་ཆང་ཐོན་སྐྱེད་དང་།ས་མཐོའི་ཞིང་ལས་ཚན་རྩལ།འབྲི་གཡག་རྟེན་མཛོད་ཁང་དུ་གཟིགས་སྐོར་གནང་།གཟིགས་སྐོར་ཁྲོད།ཡ་ཏཱ་ཧྥུ་འཁོར་གྱིས་བོད་ཀྱི་རྨང་གཞིའི་སྒྲིག་ཆས་འཛུགས་སྐྲུན་དང་།ཞིང་ལས་ཚན་རྩལ་གསར་གཏོད།ཁྱད་ལྡན་ཐོན་ལས་འཕེལ་རྒྱས།རིག་གནས་སྲུང་སྐྱོབ་རྒྱུད་འཛིན།གྲོང་ཤང་གི་རྣམ་པ་བཅོས་སྒྱུར།སྐྱེ་ཁམས་ཁོར་ཡུག་སྲུང་སྐྱོབ་སོགས་ཐད་གྲུབ་འབྲས་མི་དམན་པ་ལོན་པར་གདེངས་འཇོག་ཚད་མེད་གནང་།ཀྲུང་གོའི་ཕྱོགས་ནས་མཚོ་བོད་ལྕགས་རྒྱུན་བསྲིངས་འཛུགས་བསྐྲུན་གྱི་འཆར་འགོད་དེ་སྔ་ནས་བཀོད་ཡོད་དེ།2012ལོའི་ཟླ4པར།ཀྲུང་གོ་དང་བལ་བོས་ཕྱོགས་གཉིས་ཀས་ཉོ་ཚོང་དང་མཚོ་བོད་ལྕགས་ལམ་བལ་བོའི་ཕྱོགས་སུ་རྒྱུན་བསྲིངས་པར་གྲོས་བསྡུར་མཛད།བོད་རང་སྐྱོང་ལྗོངས་ལྕགས་ལམ་གཞུང་སྒྲུབ་ཁང་གི་ཀྲུའུ་རེན་ཟུར་པ་ཡང་ཡུས་ལེན་གྱི་སྐད་ཆ་དྲངས་ན།གཞིས་ཀ་རྩེ་ནས་འགོ་བཙུགས་ཏེ་རྒྱ་གར་དང་འབྲུག་ཡུལ་གྱི་མཐའ་མཚམས་གྲོ་མོ་དང་།བལ་བོའི་ཕྱོགས་ཀྱི་མཐའ་མཚམས་སྐྱིད་གྲོང་བཅས་སུ་ལྕགས་ལམ་གཉིས་བསྐྲུན་འཆར་ཡོད་རེད།2014ལོའི་ལོ་མཇུག་ཏུ།ཀྲུང་གོའི་ཕྱི་འབྲེལ་བློན་ཆེན་ཝང་དབྱི་བལ་བོར་འཚམས་འདྲི་ཕེབས་དུས།ཕྱོགས་གཉིས་ཀས་མཚོ་བོད་ལྕགས་ལམ་གཞིས་ཀ་རྩེ་ནས་བལ་བོའི་ཕྱོགས་སུ་རྒྱུན་བསྲིངས་པར་གྲོས་འཆམ་བྱུང་།བལ་བོའི་ཕྱོགས་ནས་རྒྱལ་ནང་གི་ཤར་བྱང་རྒྱུད་ཀྱི་ལྕགས་ལམ་འཛུགས་བསྐྲུན་ལ་ལག་བསྟར་བྱེད་འཐུས་ཀྱི་ཞིབ་འཇུག་གནང་ཞིང་།བོད་ལྗོངས་ཀྱིས་བལ་བོའི་ལྕགས་ལམ་ཉོ་ཚོང་ཡུལ་སྐོར་ལམ་ཐིག་དེ་ག་ནས་འཛུགས་བསྐྲུན་འགོ་ཚུགས་རྒྱུ་རེད།ཀྲུང་བལ་ཕྱོགས་གཉིས་ཀས་མཚོ་བོད་ལྕགས་ལམ་བལ་བོའི་མཐའ་མཚམས་སུ་རྒྱུན་བསྲིངས་པ་དེར་རྒྱ་གར་ཕྱོགས་ནས་ཉེན་སོན་ཆེན་པོ་གནང་།ན་ནིང་ལོའི་ཟླ་གསུམ་པར།རྒྱ་གར་གྱི་ཆོས་འཇུག་ཚགས་པར་དྲ་བས་ཟླ3པའི་ཚེས6ཉིན།ལྕགས་ལམ་འདིས་ལྷ་ས་ནས་མཐའ་མཚམས་གྲོང་ཁྱེར་འདིའི་ཡུལ་སྐོར་ལམ་ཐག་ཆུ་ཚོད5ནས2ལ་ཇེ་ཐུང་དུ་བཏང་འདུག་ཅིང་།ཀྲུང་གོས་སྔར་བས་མགྱོགས་མྱུར་སྒོས་བོད་ཀྱི་མཐའ་མཚམས་སུ་ཐོན་ཁུངས་སྐྱེལ་འདྲེན་བྱེད་ཐུབ་རྒྱུ་རེད་ཅེས་བཀོད་འདུགམིག་སྔར།མཚོ་བོད་ལྕགས་ལམ་གྱི་ནུབ་མཚམས་ནས་གཞིས་ཀ་རྩེ་དང་།གཞིས་ཀ་རྩེ་ཀྲུང་བལ་མཐའ་མཚམས་ས་ཁུལ་དུ་དྲང་ཐད་ལམ་ཐག་སྤྱི་ལེ253ཡོད་མོད།ཕྱོགས་གཉིས་ནས་དེ་གར་གཞུང་ལམ་གཉིས་ལས་ལྕགས་ལམ་བཏིང་ཡོད་པ་མ་རེད།ཀྲུང་གོའི་དེང་རབས་རྒྱལ་སྤྱིའི་འབྲེལ་བ་ཞིབ་འཇུག་ཁང་ཨེ་ཤ་ཡ་ལྷོ་མ་དང་རྒྱ་མཚོ་ཆེན་མོ་ཞིབ་འཇུག་ཁང་གི་སའོ་ཀྲང་ཧུའུ་ཧྲི་ཧྲིང་གིས་ཤེས་རབ་ཆེན་མོ་གསར་འཕྲིན་ཁང་དུ།ཕྱིས་འབྱུང་བོད་ལྗོངས་ཀྱིས་གཞིས་ཀ་རྩེ་དང་བལ་བོའི་མཐའ་མཚམས་སུ་ལྕགས་ལམ་གཉིས་འཛུགས་སྐྲུན་གྱི་རེ་བ་ལྡན་ལ།དེ་ནི“རྒྱུད་གཅིག་ལམ་གཅིག”གི་འཐབ་ཇུས་གྲུབ་ཆ་གལ་ཆེན་དུ་གྱུར་ཡོད་ཅེས་བསྟན།ཧུའུ་ཧྲི་ཧྲིང་གིས།བོད་ལྗོངས་ནི་ཀྲུང་གོའི་ལྷོ་ནུབ་ནས་ཨེ་ཤ་ཡ་ལྷོ་མ་སོགས་ས་ཁུལ་གྱི་གཏོང་ལམ་གཙོ་བོར་གྱུར་ཡོད་ཅིང་།ཨེ་ཤ་ཡ་ལྷོ་མ་དང་ལྕགས་ལམ་ཤར་གཏོང་བྱས་པ་ཡིན་ན།བོད་ལྗོངས་ཀྱི་ཡུལ་སྐོར་དང་ཞབས་ཞུའི་ལས་རིགས་ལ་འཕེལ་རྒྱས་ཀྱི་གོ་སྐབས་གསར་པ་བསྐྲུན་ཡོད་ཅིང་།མཆོད་མཇལ་པ་གཅིག་པུའི་མི་གྲངས་ཀྱང་བློས་མི་དཔོག་པ་ཡོད་རེད།མིག་སྔར།ཀྲུང་བལ་བར་གྱི་གཞུང་ལམ་གཉིས་ཀྱི་སྐྱེལ་འདྲེན་ནུས་པ་ལེགས་པོ་མིན་པས།ཀྲུང་བལ་བར་གྱི་ཉོ་ཚོང་ཡོང་འབབ་ཨ་སྒོར་དུང་ཕྱུར10ལས་བརྒལ་མི་ཐུབ་པར་གྱུར་འདུག2013ལོར་ཀྲུང་བལ་གྱི་ཉོ་ཚོང་ཡོང་འབབ་ཐེངས་དང་པོར་ཨ་སྒོར་དུང་ཕྱུར20ལས་བརྒལ་ཞིང་།ཀྲུང་བལ་བར་ལྕགས་ལམ་གཏོང་ཐུབ་པ་བྱུང་ཚེ།ཀྲུང་བལ་བར་གྱི་ཉོ་ཚོང་ཡར་ལ་འཕར་བར་ཐེ་ཚོམ་མི་འདུག་ཅེས་བསྟན་བྱུང་།ཁ་བྱང་ཕྱི་མོ།མཚོ་བོད་ལྕགས་ལམ་དེ་ཕྱིས་འབྱུང་ལོ་ལྔའི་ནང་བལ་བོའི་མཐའ་མཚམས་སུ་བསྲིང་ཐུབ་རྒྱུ་རེད།  །