ཀྲུང་གོའི་བོད་ཀྱི་དྲ་བའི་འཕྲིན། ཁྱད་འཕགས་ཀྱི་ས་ཁམས་ཁོར་ཡུག་དང་དམངས་སྲོལ་ལ་སོགས་ཀྱིས་མཚོ་སྔོན་ཞིང་ཆེན་གྱི་ཁྱད་ཆོས་ཅན་གྱི་གནས་སྐོར་ཕུན་སུམ་ཇེ་ཚོགས་སུ་བཏང་སྟེ།ཡོང་ཁུངས་མི་འདྲ་བའི་འགྲུལ་བའི་ཚོང་རའི་དགོས་མཁོ་བསྐངས་པ་དང་།མཚོ་སྔོན་བོད་ཁུལ་གྱི་གནས་སྐོར་ཐོན་ལས་གཏིང་ཟབ་ཏུ་འཕེལ་རྒྱས་སུ་བཏང་།གནས་སྐོར་ལས་རིགས་གོང་འཕེལ་དུ་གཏོང་བ་དེ་མི་ཚོའི་ཡོང་སྒོ་ཇེ་མཐོར་གཏོང་བ་དང་།སྤྱི་ཚོགས་དཔལ་འབྱོར་འཕེལ་རྒྱས་སུ་གཏོང་བ་དང་མཐུན་སྒྲིལ་གཏན་འཇགས་ལ་སྐུལ་འདེད་བྱེད་པའི་ཕན་ཡོད་བྱེད་ཐབས་སུ་གྱུར་ཡོད།2000ལོར།མཚོ་སྔོན་གྱིས་རྒྱལ་ཁབ་ཕྱི་ནང་གི་གནས་སྐོར་བ་མི་ཐེངས་ཁྲི320.96སྣེ་ལེན་བྱས་ནས།གནས་སྐོར་ཡོང་སྒོ་སྒོར་ཁྲི10.55བསླེབས།2010ལོར།མཚོ་སྔོན་གྱིས་རྒྱལ་ཁབ་ཕྱི་ནང་གི་གནས་སྐོར་བ་ཁྲི1226.17སྣེ་ལེན་བྱས་པ་དང་།གནས་སྐོར་ཡོང་སྒོ་སྒོར་དུང་ཕྱུར71.02བསླེབས་ཡོད་པ་དང་།2014ལོར་རྒྱལ་ཁབ་ཕྱི་ནང་གི་གནས་སྐོར་བ་ཁྲི2005.78སྣེ་ལེན་བྱས་ནས།གནས་སྐོར་ཡོང་སྒོ་སྒོར་དུང་ཕྱུར201.9ལ་བསླེབས།2014ལོར།མཚོ་བྱང་བོད་རིགས་རང་སྐྱོང་ཁུལ་གྱིས་གནས་སྐོར་བ་མི་ཐེངས་ཁྲི563.82སྣེ་ལེན་བྱས་པ་དང་།གནས་སྐོར་སྤྱིའི་ཡོང་སྒོ་སྒོར་དུང་ཕྱུར12.74མངོན་འགྱུར་བྱུང་ལ།མཚོ་ལྷོ་བོད་རིགས་རང་སྐྱོང་ཁུལ་གྱིས་གནས་སྐོར་བ་མི་ཐེངས་ཁྲི322.4སྣེ་ལེན་བྱས་ནས།གནས་སྐོར་སྤྱིའི་ཡོང་སྒོ་སྒོར་དུང་ཕྱུར8.64ལ་བསླེབས།རྨ་ལྷོ་བོད་རིགས་རང་སྐྱོང་ཁུལ་གྱིས་གནས་སྐོར་བ་མི་ཐེངས་ཁྲི301.96སྣེ་ལེན་བྱས་པ་དང་།གནས་སྐོར་ཡོང་སྒོ་སྒོར་8.69ལ་བསླེབས།ཡུས་ཧྲུའུ་བོད་རིགས་རང་སྐྱོང་ཁུལ་གྱིས་གནས་སྐོར་བ་མི་ཐེངས་ཁྲི30.17སྣེ་ལེན་བྱས་པ་དང་།གནས་སྐོར་ཡོང་སྒོ་སྒོར་དུང་ཕྱུར1.6བཅས་མངོན་འགྱུར་བྱུང་། གཞི་གྲངས་ལས་མངོན་པ་ལྟར་ན།མཚོ་སྔོན་བོད་ཁུལ་གྱི་ཡུལ་སྐོར་ལས་རིགས་ཡུན་རིང་བོར་འཕེལ་རྒྱས་བྱུང་བ་དང་།ཡུལ་སྐོར་བ་སྣེ་ལེན་བྱེད་ཐེངས་དང་ཡུལ་སྐོར་བའི་ཡོང་འབབ་མངོན་གསལ་སྒོས་མཐོར་འདེགས་བྱུང་ཡོད།  །