ཉེ་ལམ་གསར་འགོད་པས་བོད་ལྗོངས་རིག་དངོས་ཅུའུ་ནས་རྒྱུས་ལོན་བྱུང་བ་ལྟར་ན།ད་ལྟ་བོད་ལྗོངས་སུ་གནའ་ཤུལ་དང་།གནའ་བོའི་བཟོ་སྐྲུན།གནའ་རབས་དུར་ཁྲོད་བཅས་འདུས་པའི་སྤོ་སྒྱུར་བྱེད་མི་ཆོག་པའི་རིག་དངོས་སྲུང་སྐྱོབ་ས་ཚིགས་སྟོང་བཞི་ཉིས་བརྒྱ་དོན་བདུན་ཡོད་པ་དང་།དེའི་ཁྲོད་རྒྱལ་ཁབ་རིམ་པའི་གཙོ་གནད་རིག་དངོས་སྲུང་སྐྱོབ་སྡེ་ཁག་ང་ལྔ་ཡོད།བོད་ལྗོངས་རིག་དངོས་ཅུའུ་ཡི་ཅུའུ་ཀྲང་བཟང་པོས་བཤད་རྒྱུར།མིག་སྔར་བོད་ལྗོངས་སུ་ཐོ་འགོད་བྱས་ཡོད་པའི་རིགས་དངོས་སྲུང་སྐྱོབ་ས་ཚིགས་རིགས་སོ་སོ་སྟོང་བཞི་དང་ཉིས་བརྒྱ་དོན་བདུན་ཡོད་པ་དང་།རིམ་པ་སོ་སོའི་རིག་དངོས་སྲུང་སྐྱོབ་སྡེ་ཚན་སྟོང་གཅིག་དང་བཞི་བརྒྱ་ཉེར་བཞི་ཡོད་ལ།དེའི་ཁྲོད་རྒྱལ་ཁབ་རིམ་པའི་གཙོ་གནད་རིག་དངོས་སྲུང་སྐྱོབ་སྡེ་ཁག་ང་ལྔ་དང་།རང་སྐྱོང་ལྗོངས་རིམ་པའི་རིག་དངོས་སྲུང་སྐྱོབ་སྡེ་ཁག་སུམ་བརྒྱ་གོ་གཅིགརྫོང་རིམ་པའི་རིག་དངོས་སྲུང་སྐྱོབ་སྡེ་ཁག་དགུ་བརྒྱ་དོན་བརྒྱད་བཅས་འདུ་ཟེར།