རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཁི་ཆང་གིས་ཚེས་གཅིག་ཉིན་མགོ་འཛིན་མཛད་དེ་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་གྲོས་ཚོགས་བསྡུས་ནས།  ནོར་སྲིད་མ་དངུལ་གྱི་གསོག་དངུལ་བཀོལ་སྤྱོད་བྱེད་པར་གཅིག་གྱུར་འཆར་འགོད་དང་དཔལ་འབྱོར་འཕར་སྣོན་ལ་ནུས་ཡོད་སྒོས་རྒྱབ་སྐྱོར་བྱེད་པ།གློག་རྡུལ་ཚོང་དོན་གྱི་བྱེད་ཐབས་མགྱོགས་མྱུར་སྒོས་འཕེལ་རྒྱས་སུ་གཏོང་བར་ཁག་ཐེག་བྱས་ཏེ།དཔལ་འབྱོར་གྱི་སྒུལ་ཤུགས་གསར་བ་སྐྱེད་སྲིང་བྱེད་པ་དང་རྒྱལ་ཡོངས་ཀྱི་སྤྱི་ཚོགས་ཉེན་སྲུང་མ་དངུལ་བཀོལ་སྤྱོད་བྱེད་པའི་ཁྱབ་ཁོངས་འོས་འཚམས་ཀྱིས་ཇེ་ཆེར་བཏང་ནས།སྔར་ལས་ལེགས་པའི་སྒོ་ནས་དམངས་ཕན་དང་རོགས་སྐྱོར་འཕེལ་རྒྱས་ཐད་ཀྱི་བྱ་བ་སྒྲུབ་པར་བཀོད་སྒྲིག་བྱས།
གྲོས་ཚོགས་ནས་བསྟན་དོན།རྒྱལ་ཡོངས་ཀྱི་སྤྱི་ཚོགས་འགན་སྲུང་མ་དངུལ་ནི་དམངས་ཀྱི་འཚོ་བར་ཁག་ཐེག་བྱེད་པའི་མ་དངུལ་གྱི་འབྱུང་ཁུངས་གལ་ཆེན་ཞིག་ཡིན།འོས་འཚམས་ཀྱི་སྒོ་ནས་མ་དངུལ་གཏོང་བའི་ཁྱབ་རྒྱ་ཇེ་ཆེར་གཏོང་བ་དང་ཉེན་ཁ་སེལ་བ།དངུལ་གཏོང་ཡོང་སྒོ་གཏན་འཇགས་ངང་ཇེ་མཐོར་གཏོང་བ།མ་དངུལ་ལ་ཁག་ཐེག་དང་འཕར་སྣོན་འབྱུང་བ་མངོན་འགྱུར་བཅས་བྱས་ཏེ།དཔལ་འབྱོར་སྤྱི་ཚོགས་འཕེལ་རྒྱས་ལ་ནུས་ཡོད་སྒོས་རོགས་རམ་བྱེད་རྒྱུ་ནི་མི་དམངས་མང་ཚོགས་ཀྱི་རྩ་བའི་ཁེ་ཕན་དང་མཐུན་ཟེར།