སི་ཁྲོན་ཞིང་ཆེན་རྔ་བ་ཁུལ་ཁྱུང་མཆུ་རྫོང་གི་མངའ་ཁོངས་སུ་ཕུན་སུམ་ཚོགས་པའི་གཟུགས་མེད་རིག་གནས་ཤུལ་བཞག་བགྲང་ལས་འདས་ཏེ། དམངས་ཁྲོད་ལ་གཞས་དང་དམངས་ཁྲོད་རྩོམ་རིག། དམངས་ཁྲོད་མཛེས་རྩལ། དམངས་ཁྲོད་རོལ་དབྱངས། དམངས་ཁྲོད་ཞབས་བྲོ། ཟློས་གར། གཞས་མ་གཏམ། དམངས་ཁྲོད་རྩལ་རྩེད་སོགས་སྣ་ཁ་མང་པོ་ཡོད་ལ། མིག་སྔར་སླེབས་དུས། ཁྱུང་མཆུ་རྫོང་གི་ལ་གཞས་ལ་ཁྲོན་ནུབ་བོད་ཀྱི་ལ་གཞས་ཞེས་བཏགས་ཏེ་རྒྱལ་ཁབ་རིམ་པའི་གཟུགས་མེད་རིག་གནས་ཤུལ་བཞག་གི་གྲས་སུ་བདམས། གླུ་མ་གཏམ་དང་བོད་ཀྱི་ལོ་སར་ཞེས་པ་གཉིས་ཞིང་ཆེན་རིམ་པའི་གཟུགས་མེད་རིག་གནས་ཤུལ་བཞག་གི་གྲས་སུ་བདམས།  དེ་མིན་དམངས་ཁྲོད་ཀྱི་མཛེས་རྩལ་དང་རོལ་དབྱངས་སོགས་ཁུལ་དང་རྫོང་རིམ་པའི་གཟུགས་མེད་རིག་གནས་ཤུལ་བཞག་གི་གྲས་སུ་བདམས་ཐོན་བྱུང་ཡོད་པ་རེད།།