ཟླ་4ཚེས་5ཉིན། སྐབས་ཉེར་དྲུག་པའི་སྲོང་བཙན་སྐྱེས་བུམ་གཟེབ་གྲུག་འགྲན་སྡུར་ཀྲུང་དབྱང་མི་རིགས་སློབ་གྲྭ་ཆེན་མོའི་ལུས་རྩལ་ར་བ་རུ་འགོ་ཚུགས་མཛད་སྒོ་སྤེལ་ཞིང་། ཅིན་སྡོད་བོད་མི་ལས་བྱེད་མི་སྣ་དང་སློབ་གཉེར་བྱེད་བཞིན་པའི་སློབ་མ་ཚོ་མ་གྲོས་གཅིག་མཐུན་ངང་མཉམ་དུ་མཛད་སྒོ་རུ་ཕེབས་ཡོད་པ་རེད། དགུན་གྱི་གྲང་རླུང་པེ་ཅིན་ནས་འགྲོ་ལ་ཁད་དང་། མི་རྣམས་ཀྱིས་དཔྱིད་ཀྱི་ལྭ་བ་གོན་ཞིང་། དཔྱིད་ཀྱི་མེ་ཏོག་ལ་བསྟོད་བསྔགས་འབུལ་བཞིན་པའི་མཚམས་འདིར། གློ་བུར་དུ་ཟླ་བཞི་བར་ཁ་བའི་མེ་ཏོག་ས་ལ་ལྷུང་ནས། གྲང་རླུང་ངར་མོ་ཕྱོགས་བཞི་མཚམས་བརྒྱད་ནས་ལྡང་མོད། ལོ་རེར་ཐེངས་རེར་སྤེལ་བའི་སྲོང་བཙན་སྐྱེས་བུམ་གཟེབ་དྲུག་འགྲན་སྡུར་ནི་དུས་ལྟར་འགོ་ཚུགས་ཡོད་ལ། འགྲན་ཞུགས་པ་དང་ལྟད་མོ་བ་ཚོའི་སེམས་སུ་དྲོད་ལྷང་ལྷང་གི་དགའ་སྤྲོ་ཡིས་ཕྱི་རོལ་གྱི་གྲང་ངར་སྣང་མེད་གྱུར་ཡོད་པ་རེད།
     སྐབས་འདིའི་སྲོང་བཙན་སྐྱེས་བུམ་གཟེབ་གྲུག་འགྲན་སྡུར་ལ་འགྲན་ཞུགས་རུ་ཁག་ཁྱོན་བསྡོམས་47ཡོད་ཅིང་། དེའི་ཁྲོད་དུ་ལས་ཁུངས་ཚོགས་ཆུང་གི་རུ་ཁག་6དང་། སློབ་མའི་ཚོགས་ཆུང་གི་རུ་ཁག་41ཡོད་པ་དང་། དུས་ཡུན་ཟླ་བ་གཅིག་ལྷག་གི་རིང་ལ་ཚ་ཚ་འུར་འུར་ངང་འགྲན་བསྡུར་བྱ་རྒྱུ་རེད།