རྒྱལ་ཡོངས་བུད་མེད་མཉམ་འབྲེལ་ལྷན་ཚོགས་ཀྱིས་སྤྱི་ཚེས་༨ཉིན་པེ་ཅིང་དུ་གསུམ་བརྒྱད་རྒྱལ་སྤྱིའི་བུད་མེད་དུས་ཆེན་ལ་རྟེན་འབྲེལ་དང་གཟེངས་བསྟོད་བྱེད་པའི་ཚོགས་ཆེན་ཚོགས་པ་དང་། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུད། ཀྲུང་དབྱང་ཧྲུའུ་ཅི་ཁྲུའི་ཧྲུའུ་ཅི་ཝང་ཧུའུ་ཉིང་ཚོགས་ཆེན་ལ་ཞུགས་པ་མ་ཟད་གཟེངས་བསྟོད་ཐོབ་པའི་སྔོན་ཐོན་བུད་མེད་དཔེ་མཚོན་མི་སྣར་བྱ་དགའ་སྤྲད་ཡོད་པ་རེད།

      རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ལེའུ་ཡན་ཏུང་གྲོས་ཚོགས་ལ་ཞུགས་པ་དང་། རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ། རྒྱལ་ཡོངས་བུད་མེད་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་ཧྲེན་ཡོལ་ཡོལ་གྱིས་གསུངས་བཤད་གནང་ཡོད་པ་རེད།

      ཚོགས་ཆེན་ཐོག་རྒྱལ་ཡོངས་གསུམ་བརྒྱད་དར་དམར་བའི་དཔེ་དམག་༡༠དང་། རྒྱལ་ཡོངས་གསུམ་བརྒྱད་དར་དམར་བའི་མི་སྣ་༢༩༩ རྒྱལ་ཡོངས་གསུམ་བརྒྱད་དར་དམར་བའི་མཉམ་སྡེབ་༢༠༠བཅས་ལ་གཟེངས་བསྟོད་བྱས་པ་དང་། གཟེངས་བསྟོད་ཐོབ་པའི་སྔོན་ཐོན་བུད་མེད་གྱི་དཔེ་མཚོན་འཐུས་མི་ཡུལ་ལེའུ་ཧྥེན་དང་། ཡུལ་ལི་ན། ལེའང་ཅན་དབྱིན་བཅས་ཀྱིས་གསུངས་བཤད་གནང་ཡོད་པ་རེད།

      གྲོས་ཚོགས་ཀྱིས། བློ་མཐུན་ཞི་ཅིང་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་བུད་མེད་བྱ་བཞག་གོང་འཕེལ་ལ་ཚད་མཐོའི་མཐོང་ཆེན་གནང་བ་དང་། སྤྱི་ཁྱབ་ཧྲུའུ་ཅི་ཞི་ཅིང་ཕིང་གིས་གནང་བའི་མཛུབ་སྟོན་གལ་ཆེན་རབ་དང་རིམ་པས་བུད་མེད་བྱ་བཞག་གོང་འཕེལ་འགྲོ་རྒྱུར་ཁ་ཕྱོགས་བཏོན་གནང་བ་དང་། བུད་མེད་དུང་ཕྱུར་མང་པོར་སྐུལ་འདེད་ཤུགས་ཆེན་ཐེབས་ཡོད། རྒྱ་ཆེའི་བུད་མེད་ནས་ཞི་ཅིང་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་སྤྱི་ཚོགས་རིང་ལུགས་ཀྱི་དགོངས་པ་དང་ཏང་གི་ཚོགས་ཆེན་བཅུ་དགུ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་དགོས་པ་དང་། དུས་རབས་གསར་པའི་ཀྲུང་གོའི་ཁྱད་ཆོས་སྤྱི་ཚོགས་རིང་ལུགས་ཀྱི་རླབས་ཆེན་བྱ་བཞག་སྐུལ་འདེད་གཏོང་བའི་ཁྲོད་གནམ་ཕྱེད་ཀ་འདེགས་པའི་ནུས་པ་འདོན་སྤེལ་བྱེད་དགོས་པ་ནན་བཏོན་བྱས་ཡོད་པ་རེད།