མི་དམངས་དྲ་བའི་འཕྲིན། རྒྱལ་ཡོངས་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་དང་པོ་ཟླ3ཚེས3ཉིན་གྱི་ཆུ་ཚོད15:00ཐོག་པེ་ཅིང་གྲོང་ཁྱེར་གྱི་མི་དམངས་ཚོགས་ཁང་ཆེ་མོ་ནས་འཚོག་འགོ་ཚུགས་རྒྱུ་ཡིན་པ་རེད།
   འགོ་ཚུགས་ཚོགས་འདུ་ཐོག རྒྱལ་ཡོངས་སྲིད་གྲོས་ཀྱི་ཨུ་ཡོན2000ལྷག་གིས་རྒྱལ་ཡོངས་སྲིད་ཨུ་ཡོན་ལྷན་ཁང་རྒྱུན་ལས་ཨུ་ལྷན་གྱི་ལས་དོན་སྙན་སྒྲོན་དང་རྒྱལ་ཡོངས་སྲིད་གྲོས་ཨུ་ཡོན་ལྷན་ཁང་རྒྱུན་ལས་ཨུ་ལྷན་གྱི་འབྲེལ་ཡོད་གྲོས་གཞིའི་ལས་དོན་གནས་ཚུལ་སྐོར་གྱི་སྙན་སྒྲོན་ལ་གསན་པ་དང་གྲོས་ཞིབ་བྱ་རྒྱུ་རེད།
   ཀྲུང་དབྱང་མི་དམངས་རྒྱང་སྒྲོག་ལས་ཁུངས་དང་། ཀྲུང་དབྱང་བརྙན་འཕྲིན་ཁང་། ཀྲུང་གོའི་རྒྱལ་སྤྱིའི་རྒྱང་སྒྲོག་ལས་ཁུངས། ཀྲུང་གོའི་རྒྱལ་སྤྱིའི་བརྙན་འཕྲིན་ཁང་བཅས་ཀྱིས་འགོ་ཚུགས་ཚོགས་འདུ་ཐོག་ཡུས་ཀྲེང་ཧྲེང་གིས་རྒྱལ་ཡོངས་སྲིད་གྲོས་ཨུ་ལྷན་རྒྱུན་ལས་ཨུ་ལྷན་གྱི་ལས་དོན་སྙན་སྒྲོན་ལ་ཡུལ་དངོས་ཐད་གཏོང་བྱ་རྒྱུ་དང་། ཀྲུང་དབྱང་གི་གཙོ་གནད་གསར་འགྱུར་དྲ་ཚིགས་ཀྱིས་འགོ་ཚུགས་ཚོགས་འདུ་ལ་དུས་ཐོག་གསར་འགོད་བྱ་རྒྱུ་རེད།
   ཚེས3ཉིན་གྱི་ཕྱི་དྲོར། རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་གྲོས་ཚོགས་ཐེངས་དང་པོའི་འཐུས་མི་ཚོགས་པ་ཁག་གིས་ཚོགས་འདུ་འཚོགས་ཏེ་འཐུས་ཚོགས་པའི་ཚོགས་གཙོ་དང་ཚོགས་གཙོ་གཞོན་པ་འདེམས་རྒྱུ་ཡིན་པ་དང་། ཚོགས་ཆེན་གྱི་ཀྲུའུ་ཞི་ཚོགས་པ་དང་དྲུང་ཆེ་མིང་ཐོའི་གྲོས་ཟིན་ལ་གྲོས་ཞིབ་བྱ་རྒྱུ་ཡིན་པ། ཚོགས་ཆེན་གྱི་གྲོས་རིམ་གྲོས་ཟིན་ལ་གྲོས་ཞིབ་བྱ་རྒྱུ་ཡིན་པ་རེད།