ཀྲུང་གོ་བོད་ཀྱི་དྲ་བའི་འཕྲིན། ཉེ་བའི་ལོ་ཤས་རིང་། བོད་ལྗོངས་ཀྱི་མི་རིགས་མཐུན་སྒྲིལ་དང་ཡར་ཐོན་གྱི་བྱ་གཞག་ལ་སྐུལ་སྤེལ་བཏང་ནས་མི་རིགས་མཐུན་སྒྲིལ་ཇེ་ཟབ་དང་། སྤྱི་ཚོགས་འཆམ་མཐུན་ཡོང་བར་སྐུལ་འདེད་གཏོང་ཆེད། བོད་ལྗོངས་ཀྱིས་ཕྱོགས་ཡོངས་ནས་མི་རིགས་མཐུན་སྒྲིལ་དང་ཡར་ཐོན་གསར་དུ་འཛུགས་སྤེལ་གྱི་བྱེད་སྒོ་གཏིང་ཟབ་ཅིང་རྒྱུན་སྲིང་སྤེལ་བཞིན་ཡོད་པ་རེད། གོང་གི་པར་རིས་ནི་ལྷ་ས་གྲོང་ཁྱེར་ཁྲེང་ཀོན་ཆུས་སྦྲ་ནག་ཞོལ་སྡེ་ཁུལ་གྱི་མི་རིགས་ཁག་གི་མང་ཚོགས་ཀྱིས་གྲོང་མིའི་སྒོ་ར་ཆེན་པོའི་ནང་མཉམ་དུ་བདེ་སྐྱིད་མཛེས་སྡུག་ལྡན་པའི་འཚོ་བ་སྤྲོ་གླེང་བྱེད་བཞིན་པ་རེད།