ཟླ12ཚེས26ཉིན། "བདེ་བ་ཅན་གྱི་ཞིང་ཁམས་ཏེ། སི་ཁྲོན་ཞིང་ཆེན་གྱི་ཐང་ག་སྒྱུ་རྩལ་བརྩམས་ཆོས་རྩེ་གྲ་འགྲེམས་སྟོན་སྐབས་དང་པོ"ཁྲེན་ཏུའུ་གྲོང་ཁྱེར་དུ་དངོས་སུ་གཉེར་འགོ་ཚུགས་པ་རེད།

    ཐེངས་འདིའི་འགྲེམས་སྟོན་དུ་ཁྱོན་བསྡོམས་དཀར་མཛེས་བོད་རིགས་རང་སྐྱོང་ཁུལ་དང་རྔ་བ་བོད་རིགས་ཆའང་རིགས་རང་སྐྱོང་ཁུལ་གཉིས་ཀྱི་ལྷ་རིས་པ་ཚོས་ཞིབ་མོའི་བློ་ཡིས་གསར་དུ་བྲིས་པའི་ཐང་ག་བརྩམས་ཆོས་108འགྲེམས་སྟོན་བྱས་པ་རེད། དེའི་ནང་དུ་《པཎ་ཆེན་སྐུ་ཕྲེང་བཅུ་པ་》ཞེས་པ་དང་།  《གངས་རིའི་བུ་ཕྲུག་》ཅེས་པ།  《གངས་ལྗོངས་མི་ཉམས་ཡུན་གནས་རི་མོ་》ཞེས་པ། 《བཀྲ་ཤིས་པའི་ལམ་》ཞེས་པ་སོགས་བརྩམས་ཆོས་གྲགས་ཅན་འདུས་ཡོད་པ་རེད།

     ཤེས་རྟོགས་བྱུང་བར་གཞིགས་ན། ཐེངས་འདིའི"བདེ་བ་ཅན་གྱི་ཞིང་ཁམས་ཏེ། སི་ཁྲོན་ཞིང་ཆེན་གྱི་ཐང་གར་སྒྱུ་རྩལ་བརྩམས་ཆོས་རྩེ་གྲ་འགྲེམས་སྟོན་སྐབས་ཐོག་མ"ནི་ཟླ12ཚེས26ཉིན་ནས་ཟླ12ཚེས31ཉིན་བར་དུ་སི་ཁྲོན་ཞིང་ཆེན་མཛེས་རྩལ་ཁང་དུ་རིན་པ་མི་དགོས་པར་འགྲེམས་སྟོན་བྱ་རྒྱུ་རེད།།