ཉེ་ཆར། བོད་ལྗོངས་མི་རིགས་སློབ་ཆེན་རྩོམ་རིག་གླིང་དང་བོད་ལྗོངས་དེང་རབས་རྩོམ་རིག་ཞིབ་འཇུག་ལྟེ་གནས་ཀྱིས་གཙོ་སྒྲུབ་གནང་བའི་དུས་རབས་གསར་བའི་བོད་ཀྱི་རྩོམ་རིག་གླེང་སྟེགས་དེ་བོད་ལྗོངས་མི་རིགས་སློབ་ཆེན་དུ་སྤེལ་ཞིང་། ཀྲུང་གོའི་སྤྱི་ཚོགས་ཚན་རིག་གླིང་དང་། བོད་ལྗོངས་དང་ཧྲའན་ཞི་ཞིང་ལྗོངས་གཉིས་ཀྱི་སྤྱི་ཚོགས་ཚན་རིག་གླིང་སོགས་ཚན་ཞིབ་ལས་ཁུངས་དང་མཐོ་རིམ་སློབ་གྲྭ35ཡི་ཆེད་མཁས་པ་དང་ཤེས་ཡོན་པ། དེ་མིན་ཞི་ཨན་ཞན་དབྱང་གི་ས་གནས་རྩོམ་པ་པོ་དང་དཔྱད་འཇོག་པ་བསྡོམས་པས་མི60ལྷག་བོད་ལྗོངས་མི་རིགས་སློབ་ཆེན་དུ་འཛོམས་ཏེ། དུས་རབས་གསར་བའི་བོད་ཀྱི་རྩོམ་རིག་གསར་རྩོམ་དང་ཞིབ་འཇུག ཀྲུང་གོའི་གྲངས་ཉུང་མི་རིགས་ཀྱི་རྩོམ་རིག་ཞིབ་འཇུག་དང་རིག་ཚན་འཕེལ་རྒྱས་སོགས་གླེང་གཞིར་གཞིག་སྟེ་གཏིང་ཟབ་པའི་བགྲོ་གླེང་གནང་།
     གླེང་སྟེགས་སུ་བསྟན་དོན། ཏང་གི་ཚོགས་ཆེན་བཅོ་བརྒྱད་ཀྱིས་རིག་གནས་རང་རློམ་བརྟན་པོ་དང་། སྤྱི་ཚོགས་རིང་ལུགས་ཀྱི་རིག་གནས་ཕུན་ཚོགས་འཕེལ་རྒྱས་སུ་སྐུལ་འདེད་གཏོང་དགོས་པར་བསྟན། ཐེངས་འདིའི་དུས་རབས་གསར་བའི་བོད་ཀྱི་རྩོམ་རིག་གླེང་སྟེགས་དེ་ནི་རྒྱལ་ཡོངས་ས་གནས་སོ་སོའི་ཆེད་མཁས་པ་དང་ཤེས་ཡོན་པ་དང་ལྷན་དུ་དེང་རབས་བོད་ཀྱི་རྩོམ་རིག་གསར་རྩོམ་དང་ཞིབ་འཇུག་གི་གྲུབ་འབྲས་ལ་ཕྱིར་དྲན་དང་། དུས་རབས་གསར་བའི་ཀྲུང་གོའི་གྲངས་ཉུང་མི་རིགས་ཀྱི་རྩོམ་རིག་ཞིབ་འཇུག་དང་རིག་ཚན་གྱི་ད་ཡོད་གནས་བབས། དེ་མིན་དེང་རབས་བོད་ཀྱི་རྩོམ་རིག་གསར་རྩོམ་དང་འཕེལ་རྒྱས། མཛེས་སྡུག་ལྡན་པའི་འཕེལ་རྒྱས་མདུན་ལམ་བཅས་ལ་བགྲོ་གླེང་མཛད་དེ། སྔར་ལས་མང་བའི་གསར་རྩོམ་པར་ཕུལ་བྱུང་བརྩམས་ཆོས་གང་མང་གསར་རྩོམ་བྱེད་པར་སྐུལ་ལྕགས་གནང་ལ། སྔར་ལས་མང་བའི་ཤེས་ཡོན་པར་དུས་རབས་གསར་བའི་བོད་ཀྱི་རྩོམ་རིག་ཞིབ་འཇུག་ལ་བློ་རིག་གཅིག་འདུས་དང་ནུས་ཤུགས་གཅིག་སྡུད་སྒོས་ལྷན་དུ་དུས་རབས་གསར་བའི་བོད་ཀྱི་རྩོམ་རིག་གསར་རྩོམ་དེ་སྔར་ལས་ཕུན་སུམ་ཇེ་ཚོགས་སུ་སྐུལ་འདེད་གཏོང་བར་སྐུལ་ལྕགས་གནང་།