ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཉིན་ཤས་གོང་། གསར་འགོད་པས་ནན་ཅིང་རྟེན་རྫས་བཤམས་མཛོད་ཁང་ནས་ཤེས་རྟོགས་བྱུང་བར་གཞིགས་ན། ནན་ཅིང་རྟེན་རྫས་བཤམས་མཛོད་ཁང་དེས་རྩོམ་སྒྲིག་བྱས་པའི《ཀྲུང་གོའི་ཡིག་རིས་རིག་དངོས་ཉམས་གསོའི་མཛུབ་ཁྲིད་རྩ་དོན》དངོས་སུ་དཔེ་སྐྲུན་བྱས་པ་རེད། དེབ་དེའི་ནང་ཡིག་རིས་རིག་དངོས་ཉམས་གསོའི་མཛུབ་ཁྲིད་རྩ་དོན་དང་། ལག་བསྟར་ཚད་གཞི། བཀོལ་སྤྱོད་དཔེ་མཚོན་བཅས་ཀྱི་ལག་རྩལ་མ་ལག་ཧྲིལ་པོར་ཆ་ལག་ཚང་བའི་རྒྱས་བཤད་བྱས་ཡོད་པ་དང་ཡིག་རིས་ཀྱི“ཚེ་ཚད”རིང་དུ་གཏོང་རྒྱུར་ཚད་གཞི་མཁོ་འདོན་བྱས་ཡོད།

     ཤེས་རྟོགས་བྱུང་བར་གཞིགས་ན། ཡིག་རིས་རིག་དངོས་ཉམས་གསོ་ནི་ཆེད་ལས་དང་། ལག་རྩལ། ཉམས་མྱོང་བཅས་ཆེན་པོ་ལྡན་དགོས་པའི་རིག་གཞུང་ཞིག་ཡིན་པ་དང་ལྷག་པར་དུ་སྤུས་ཀ་དང་། རྒྱུ་ཆ། ལོ་རབས། ལག་རྩལ་གྱི་ལུགས་བཅས་མི་འདྲ་བའི་ཡིག་རིས་བརྩམས་ཆོས་ལ་ཉམས་གསོ་བྱེད་དགོས་ཀྱི་ཡོད།

     ཤེས་རྟོགས་བྱུང་བར་གཞིགས་ན་དེབ་དེ་ཡིག་རིས་རིག་དངོས་ཉམས་གསོའི་མཛུབ་ཁྲིད་རྩ་དོན་དང་། ཡིག་རིས་རིག་དངོས་ཉམས་གསོའི་མཛུབ་ཁྲིད་རྩ་དོན་གསལ་འགྲེལ། ཡིག་རིས་རིག་དངོས་ཉམས་གསོའི་བཀོལ་སྤྱོད་དཔེ་མཚོན་བཅས་ཁག་གསུམ་ལ་དབྱེ་ཡོད། ཁག་དང་པོའི་ནང་ཡིག་རིས་ཉམས་གསོའི་ལས་ཀའི་མ་ལག་ཧྲིལ་པོ་མདོར་བསྟན་ཡོད། ཁག་གཉིས་པའི་ནང་ཡིག་རིས་རིག་དངོས་ཉམས་གསོའི་མཛུབ་ཁྲིད་རྩ་དོན་དང་། ལག་བསྟར་ཚད་གཞི། བཀོལ་སྤྱོད་དཔེ་མཚོན་བཅས་ཀྱི་ལག་རྩལ་གྱི་མ་ལག་ཧྲིལ་པོ་ཆ་ལག་ཚང་བའི་ངང་གསལ་འགྲེལ་བྱས་ཡོད། ཁག་གསུམ་པའི་ནང“སྔར་ཡོད་རྣམ་པ་སོར་འཇོག”དང“སྔར་རྒྱུན་བཞིན་ཉམས་གསོ”“བསྐྱར་དུ་མཛེས་བཟོ”བཅས་ལག་རྩལ་ཐབས་ཤེས་གསུམ་ལ་བརྟེན་ནས་ཡིག་རིས་རིག་དངོས་ཉམས་གསོའི་བརྒྱུད་རིམ་ཧྲིལ་པོ་མངོན་པར་བྱ་རྒྱུ་བཅས་རེད། །