ཞིན་ཧྭ་གསར་འགྱུར་ཁང་པེ་ཅིན་ནས་ཟླ10པའི་ཚེས10ཉིན་འབྱོར་བའི་གཏམ་གསར། ཤེས་རྟོགས་བྱུང་བར་གཞིགས་ན། ཉེ་བའི་ལོ་ཤས་རིང་རང་རྒྱལ་གྱིས་ལུས་པོ་བདེ་ཐང་གི་དབུལ་སྐྱོར་ལས་གཞི་ཧུར་ཐག་སྤེལ་ནས་མིག་སྔའི་བར་ལ་རིགས་བགོས་ཏེ་ནད་ལྕི་པོ་དང་གཅོང་ནད་ཕོག་པའི་ནད་པ་དབུལ་པོ་ཁྲི360ལ་རོགས་སྐྱོབ་བྱས་ཡོད།

      གཞི་གྲངས་ལས་མངོན་པར་གཞིགས་ན། 2015ལོའི་ལོ་མཇུག་ཏུ་སླེབས་དུས། རང་རྒྱལ་གྱི་ཞིང་སྡེའི་མི་འབོར་དབུལ་ཕོངས་ནང་ནད་ཕོག་པའི་རྐྱེན་གྱི་དབུལ་ཕོངས་སུ་གྱུར་བ་དང་ནད་ཕོག་ནས་དབུལ་པོ་བསྐྱར་ལོག་བྱས་པའི་བསྡུར་ཚད་ཀྱི་བཟུང་ཚད་ནི་བརྒྱ་ཆ44.1རེད། 2016ལོར་རང་རྒྱལ་གྱིས་ལུས་པོ་བདེ་ཐང་གི་དབུལ་སྐྱོར་ལས་གཞི་སྤེལ་འགོ་བཙུགས་ནས2020ལོར་སླེབས་དུས་དབུལ་ཕོངས་ས་ཁུལ་གྱི་མི་ཡོད་ཚད་ལ་གཞི་རྩའི་སྨན་བཅོས་ཀྱི་འཕྲོད་བསྟེན་ཞབས་ཞུ་ལོངས་སུ་སྤྱོད་ཐུབ་པ་དང་། ཞིང་སྡེའི་མི་འབོར་དབུལ་པོར་ནད་ལྕི་པོ་ཕོག་དུས་ལམ་སང་དང་ཕན་ནུས་ལྡན་པའི་སྒོ་རོགས་སྐྱོབ་ཐོབ་པར་འགན་སྲུང་བྱ་རྒྱུ། ཞབས་ཞུའི་ནུས་པ་དང་ཕན་ཐོགས་པའི་རང་བཞིན་མངོན་གསལ་དོད་པོར་ཆེ་རུ་གཏང་དགོས་པའི་བསམ་ལམ་བཏོན་ཡོད།

     ངོ་སྤྲོད་བྱས་པར་གཞིགས་ན། དབུལ་ཕོངས་མི་འབོར་ལ་ནད་ཡག་པོ་བཅོས་བཅུག་ཐུབ་པ་བྱ་ཆེད་རང་རྒྱལ་གྱིས་ནད་ལྕི་པོ་ཕོག་པའི་ནད་པ་ཚོ་ལ་གཅིག་བསྡུས་ཀྱིས་རོགས་སྐྱོབ་བྱ་རྒྱུ་ཡིན་པ་དང་། ཐེངས་དང་པོར་འགྲོ་གྲོན་ཁུར་པོ་ལྗིད་པོ་དང་ནད་བརྟག་སྨན་བཅོས་ཀྱི་ཕན་འབྲས་གསལ་པོ་ཡིན་པའི་་བྱིས་པ་ཁྲག་དཀར་པོའི་ནད་པ་དང་། ལྷན་སྐྱེས་སྙིང་ནད་ཡོད་པའི་བྱིས་པ། མཁལ་གཅོང་བཅས་ཀྱི་ནད་རིགས་ཆེན་པོ9བདམ་གསེས་བྱས་ཏེ་མི་ཁྲི11.5ལ་རོགས་སྐྱོབ་བྱས་ཡོད་ཅིང་། ནད་རིགས་ཕྱེས་ནས་རོགས་སྐྱོབ་བྱས་པའི་ནད་པ་ལྕི་པོ་དང་གཅོང་ནད་ཕོག་པའི་དབུལ་ཕོངས་ཀྱི་ནད་པ་མི་འབོར་ཁྲི360ནང་མི་ཁྲི14.4དྲག་སྐྱེད་བྱུང་ཡོད། མི་ཁྲི73.5ཡི་ནད་གཞི་ཇེ་ཡང་དུ་སོང་བ་དང་། མི་ཁྲི38ཀྱི་ནད་ཚུལ་བརྟན་པོའི་ངང་དུས་ཡུན་རིང་པོར་ལུས་ཁམས་གསོ་བཅོས་ཀྱི་གནས་སུ་སླེབས་ཡོད་པ་རེད།།