ཀྲུང་དབྱང་རླུང་འཕྲིན་ལས་ཁུངས་ནས་སྤེལ་བའི་གནས་ཚུལ། སྤྱི་ཚེས༣༠ཉིན། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་མི་དམངས་ཚོགས་ཁང་ཆེན་མོར་ལུའོ་སིའི་མི་དམངས་གསར་བརྗེའི་ཏང་ཀྲུང་དབྱང་གི་སྤྱི་ཁྱབ་ཧྲུའུ་ཅི་པེན་དབྱང་གི་ཆེད་མངག་ཕོ་ཉ། ལུའོ་སིའི་ཀྲུང་དབྱང་གི་ཕྱི་འབྲེལ་པུའི་པུའུ་ཀྲང་ཧྲུན་ཐོང་དང་མཇལ་འཕྲད་གནང་ཡོད་པ་རེད།

ཧྲུན་ཐོང་གིས་སྤྱི་ཁྱབ་ཧྲུའུ་ཅི་པེན་དབྱང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་ཕུལ་བའི་ཤིས་བརྗོད་འཕྲིན་ཡིག་བརྒྱུད་སྤྲོད་གནང་ཡོད་པ་མ་ཟད། ངག་འཕྲིན་ཡང་བརྒྱུད་བཤད་གནང་ཡོད་པ་རེད། པེན་དབྱང་གིས་ངག་འཕྲིན་ནང་ལུའི་སིའི་ཏང་གི་སྐུ་ཚབ་བྱས་ནས་ཀྲུང་གུང་ཚོགས་ཆེན་བཅུ་དགུ་པར་གཡུར་དུ་ཟ་བའི་གྲུབ་འབྲས་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་སླར་ཡང་ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅིར་བདམས་ཐོན་བྱུང་བར་སྤྲོ་སེམས་འཁོལ་བའི་ངང་ནས་རྟེན་འབྲེལ་ཞུས་ཡོད་པ་རེད། ཞི་ཅིན་ཕིང་གིས་པེན་དབྱང་གི་ངག་འཕྲིན་ལ་ཐུགས་རྗེ་ཆེ་ཞེས་ཞུས་ཡོད་དེ། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དུས་རབས་གསར་པའི་ནང་དུ་སླེབས་ཡོད་པ་དང་། བརྡར་གཅོད་གལ་ཆེན་འདི་ཀྲུང་གོའི་རྒྱལ་ཁབ་དང་མི་རིགས་གོང་འཕེལ་གྱི་ལོ་རྒྱུས་ཐོག་དོན་སྙིང་གལ་ཆེན་ལྡན་པ་མ་ཟད། འཛམ་གླིང་ཡོངས་ཀྱི་སྤྱི་ཚོགས་རིང་ལུགས་དང་ཐ་ན་མི་རིགས་ཀྱི་སྤྱི་ཚོགས་གོང་འཕེལ་གྱི་ལོ་རྒྱས་ཁྲོད་ལའང་དོན་སྙིང་གལ་ཆེན་ལྡན་ཡོད། ཡུན་རིང་པོའི་ནང་། ཀྲུང་གོ་དང་ལོ་སི་གཏོགས་པའི་སྤྱི་ཚོགས་རིང་ལུགས་ཀྱི་རྒྱལ་ཁབ་ཁག་གིས་སྔ་བར་ཕྱི་གསུམ་དུ་རྒྱལ་ཁབ་སོ་སོའི་རྒྱལ་ཚུལ་དང་འཚམ་ཞིང་རང་བཙན་རང་བདག་གི་གོང་འཕེལ་ལམ་བུར་ཞིག་འཚོལ་སྙེག་བྱས་དང་བྱེད་མུས་ཡིན་ཞིང་། དེར་གྲུབ་འབྲས་གཟེངས་སུ་ཐོན་ཡོད་པ་རེད། ཀྲུང་གོ་དང་ལུའོ་སིའི་ཏང་གཉིས་ཀྱིས་དེ་བས་མཐོ་བའི་གཞི་འཛིན་ས་དང་དེ་བས་ཟབ་པའི་གོ་རིམ་ཁྲོད་ནས་ཀྲུང་གོ་དང་ལུའོ་སིའི་དམིགས་བསལ་གྱི་འཐབ་ཇུས་དོན་སྙིང་ལ་རྩིས་མཐོང་གནང་ནས། རྒྱལ་ཁབ་གཉིས་པོའི་འཛུགས་སྐྱོང་དང་འཛམ་གླིང་སྤྱི་ཚོགས་རིང་ལུགས་ཀྱི་གོང་འཕེལ་ལ་དུས་རབས་དང་འཚམ་པའི་འབད་ཐབས་གསར་པ་དང་ལེགས་སྐྱེས་གསར་པ་འབུལ་དགོས། སྐབས་གསར་པའི་ཀྲུང་གུང་ཀྲུང་དབྱང་གི་འགོ་ཁྲིད་ཚན་པས་སྔར་བཞིན་སྤྱི་ཁྱབ་ཧྲུའུ་ཅི་པེན་དབྱང་གིས་གཙོ་བོ་གནང་བའི་ལུའོ་སིའི་ཏང་ཀྲུང་དབྱང་གི་འགོ་ཁྲིད་ཚན་པ་དང་མཉམ་དུ་ཕྱོགས་གཉིས་པའི་འབྲེལ་བར་ཆབ་སྲིད་ཀྱིས་འགོ་ཁྲིད་བྱེད་རྒྱུར་ཤུགས་སྣོན་བརྒྱབ་སྟེ། ཡུན་རིང་བརྟན་བརླིང་དང་ཁྱིམ་མཚེས་མཛའ་མཐུན། ཕན་ཚུན་ཡིད་ཆེས། ཁྱོན་ཡོངས་མཉམ་ལས་བཅས་བྱེད་ཕྱོགས་ཡིག་འབྲུ་བཅུ་དྲུག་མ་དང་། ཁྱིམ་མཚེས་བཟང་པོ། གྲོགས་པོ་བཟང་པོ། བློ་མཐུན་བཟང་པོ། སྤུན་གྲོགས་བཟང་པོའི་དགོངས་དོན་ལ་གཞིར་བཟུང་ནས། ཀྲུང་གོ་དང་ལུའོ་སིའི་ཁྱོན་ཡོངས་འཐབ་ཇུས་མཉམ་ལས་ཀྱི་རོགས་ཟླའི་འབྲེལ་བ་ཟམ་མི་ཆད་པ་གོང་འཕེལ་ཡོང་བར་སྐུལ་འདེད་གཏོང་འདོད་ཡོད་ཅེས་གསུངས་ཡོད་པ་རེད།

ཧྲུན་ཐོང་གིས་ལུའོ་སིའི་ཏང་ཀྲུང་དབྱང་དང་པེན་དབྱང་གི་སྐུ་ཚབ་ཞུས་ནས། ལུའོ་སིའི་ཏང་ཀྲུང་དབྱང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྲོག་ཤིང་གནང་བའི་སྐབས་གསར་པའི་ཀྲུང་གུང་ཀྲུང་དབྱང་གི་དབུ་ཁྲིད་ཚན་པ་དང་མཉམ་ལས་དམ་ཟབ་བྱས་ནས།ཐུན་མོང་ཐོག་དུས་རབས་གསར་པའི་ལུའོ་སི་དང་ཀྲུང་གོའི་ཁྱོན་ཡོངས་འཐབ་ཇུས་མཉམ་ལས་རོགས་ཟླའི་འབྲེལ་བ་སྐས་རིམ་གསར་པར་སླེབས་རྒྱུར་སྐུལ་འདེད་གཏོང་རྒྱུ་ཡིན་ཞེས་གསུངས་ཡོད་པ་རེད།

ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན། ཀྲུང་དབྱང་ཧྲུའུ་ཅི་ཁྲུའི་ཧྲུའུ་ཅི། ཀྲུང་དབྱང་གཞུང་ལས་ཐིང་གི་ཀྲུའུ་རེན་ཏིང་ཞུའེ་ཞང་དང་། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན། རྒྱལ་དོན་ཨུ་ཡོན་དབྱང་ཅེ་ཁྲེ་གཉིས་མཇལ་འཕྲད་ནང་ཞུགས་ཡོད་པ་རེད།