ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། སྤྱི་ཚེས28ཉིན་པར་སྐྲུན་བྱས་པའི་མི་དམངས་ཉིན་རེའི་ཚགས་པར་ཐོག་དཔྱད་གཏམ་པའི་རྩོམ་ཡིག་མཐུན་སྦྱོར་ངང་ཁྱོན་ཡོངས་བཞིར་སྐུལ་འདེད་གཏོང་རྒྱུར་དཔྱད་པའི་སྐོར་ཁག་བཞི་བཏོན་ཡོད་པ་དང་། འགོ་བརྗོད་ནི་ཁྲིམས་སྐྱོང་གིས་རྒྱལ་ཁབ་བཅོས་སྐྱོང་བྱ་རྒྱུ་དེ་སྐས་རིམ་གསར་པ་ཞིག་ལ་སླེབས་ཐུབ་པ་བྱུང་བ་ཞེས་པ་དེ་ཡིན་པ་རེད། རྩོམ་ཡིག་ནང་།བསྒྱུར་བཅོས་སྒོ་དབྱེ་བྱས་ནས་ལོ་ངོ་30ལྷག་སོང་བའི་རྒྱུད་རིམ་ཁྲོད་ཡིན་ནའང་འདྲ། ཡང་ན་ཀྲུང་གོའི་དེང་རབས་ཅན་གྱི་ལོ་བརྒྱའི་རྒྱང་སྐྱོད་ལམ་བུའི་ཐོག་གམ། འཛམ་གླིང་གི་སྤྱི་ཚོགས་རིང་ལུགས་ཀྱི་ལོ་བརྒྱ་ཕྲག་ཁ་ཤས་ཀྱི་འཕེལ་རིམ་ཁྲོད་ཡིན་ནའང་འདྲ།ཁྱོན་ཡོངས་ནས་ཁྲིམས་ལྟར་རྒྱལ་ཁབ་སྐྱོང་བའི་འཐབ་ཇུས་བྱེད་ཐབས་ཀྱིས་འཚོལ་ཞིབ་གསར་པ་ཞིག་མཚོན་གྱི་ཡོད།གལ་ཏེ་རྒྱལ་ཁབ་སྐྱོང་རྒྱུ་དེ་དཔེ་དེབ་ཆེན་པོ་ཞིག་ལ་དཔེ་བཞག་ན། ཁྲིམས་སྐྱོང་ནི་དེབ་དེའི་ནང་དོན་མདོར་བསྡུས་ཡིན་པ་དང་། གཙོ་བོ་བཟུང་ན་ཡན་ལག་རང་ཤུགས་སུ་ཐོན་ཐུབ་ཀྱི་ཡོད། བཅོས་སྐྱོང་མ་ལག་ནང་། ཁྲིམས་སྐྱོང་མ་ལག་དེ་འགག་རྩའི་ལྷུ་ཚིགས་ཤིག་ལ་གྱུར་ཡོད་པ་དང་། བཅོས་སྐྱོང་ནུས་པའི་ནང་ཁྲིམས་ལྟར་རྒྱལ་ཁབ་སྐྱོང་རྒྱུ་དེ་གལ་ཆེའི་ནང་དོན་ལ་གྱུར་ཡོད་པས།ཁྲིམས་སྐྱོང་གི་ཁྲིད་སྟོན་དང་ཚད་ལྡན་གྱིས་རང་རྒྱལ་སྤྱི་ཚོགས་དེ་འཕོ་འགྱུར་གཏིང་ཟབ་འགྲོ་བའི་ནང་གསོན་ཤུགས་རྒྱས་པ་དང་གོ་རིམ་ལྡན་པ་ཡོང་བའི་འགན་སྲུང་བྱེད་ཐུབ། ཁྲིམས་སྐྱོང་ལ་ངོས་འཛིན་བྱ་རྒྱུ་ཟམ་མི་ཆད་པར་གཏིང་ཟབ་ཏུ་འགྲོ་བ་དེ་ནི་སྲིད་འཛིན་ཏང་གིས་དེང་རབས་ཅན་གྱི་འཕེལ་རིམ་ཁྲོད་རང་ངོས་ལས་རྣམ་པར་རྒྱལ་བ་དང་རང་གི་ཆུ་ཚད་མཐོ་རུ་གཏོང་བ་ཞིག་ཡིན་ཞེས་བཀོད་ཡོད་པ་རེད།  །