ཀྲུང་གོའི་བོད་ཀྱི་དྲ་བའི་འཕྲིན། ཟླ་གཉིས་པའི་ཚེས་དགུ་ཉིན།མཚོ་སྔོན་ཞིང་ཆེན་གཙང་གསུམ་འབྱུང་ཡུལ་སྐྱེ་ཁམས་སྲུང་སྐྱོབ་འཛུགས་སྐྲུན་བཟོ་སྐྲུན་ཡིག་ཚགས་བྱ་བའི་བཞུགས་མོལ་ཚོགས་འདུ་དང་།སྔོན་ཐོན་ཐུན་མོང་དང་སྔོན་ཐོན་མི་སྒེར་ལ་གཟེངས་བསྟོད་བྱེད་པའི་གྲོས་ཚོགས་བསྡུས།གཙང་གསུམ་འབྱུང་ཁུངས་སྐྱེ་ཁམས་སྲུང་སྐྱོབ་དང་འཛུགས་སྐྲུན་བཟོ་སྐྲུན་ལག་བསྟར་འགོ་བརྩམས་པ་ནས་བཟུང་།མཚོ་སྔོན་ཞིང་ཆེན་སྲིད་གཞུང་གིས་ཆེད་དུ་གཙང་གསུམ་འབྱུང་ཡུལ་གྱི་བཟོ་སྐྲུན་ཡིག་ཚགས་བྱ་བའི་ཚོགས་པ་བཙུགས་ནས་འགོ་ཁྲིད་ཀྱི་གཅིག་གྱུར་བཀོད་འདོམས་འོག་ཏུ།ཞིང་ཆེན་དང་ཁུལ།རྫོང་བཅས་རིམ་པ་གསུམ་གྱི་ཡིག་ཚགས་དོ་དམ་སྒྲིག་གཞིའི་འགན་ཁུར་ནས།སྔར་ལས་ཀྱང་བཟོ་སྐྲུན་ཡིག་ཚགས་ཡོངས་འགྲུབ་རང་བཞིན་དང་།ཚད་ལྡན་རང་བཞིན།གཅིག་གྱུར་རང་བཞིན་བཅས་བྱེད་པར་ཁག་ཐེག་བྱས།
གཙང་གསུམ་འབྱུང་ཡུལ་ཡིག་ཚགས་དོ་དམ་ཆ་འཕྲིན་མ་ལག་སྒོ་འབྱེད་དང་སྐྱེལ་འདྲེན་བྱས་པ་ནས་བཟུང་།སྔ་རྗེས་སུ་ཡིག་ཚགས་དོ་དམ་ཆ་འཕྲིན་ཅན་དང་།དྲ་རྒྱ་བཀོད་སྤྱོད་ཅན།དཀར་ཆག་འཚོལ་ཞིབ་ཅན་བཅས་ཀྱི་ཞབས་ཕྱིའི་རྣམ་པ་མགྱོགས་མྱུར་སྒོས་ཇེ་ལེགས་སུ་གཏོང་བར་མངོན་འགྱུར་བྱུང་བ་དང་།གཞན་ཡང་།རྒྱལ་ཡོངས་བཟོ་སྐྲུན་ཡིག་ཚགས་རིགས་གཅིག་ཅན་གྱི་བྱ་བར་རྒྱུན་འབྱམས་དང་དཔྱད་གཞིའི་མིག་དཔེ་ལྟ་བུའི་ནུས་པ་ཐོན།  །