ཟླ་དྲུག་པའི་ཚེས་ཉེར་དགུ་ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་ལིག་ཡུན་ཧྲན་གྱིས་མི་དམངས་ཉིན་རེའི་ཚགས་པར་ཁང་གི་བྱ་བར་རྟོག་ཞིབ་མཛད།

  ཟླ་དྲུག་པའི་ཚེས་ཉེར་དགུ་ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་ལིག་ཡུན་ཧྲན་གྱིས་མི་དམངས་ཉིན་རེའི་ཚགས་པར་ཁང་གི་བྱ་བར་རྟོག་ཞིབ་མཛད།

  པར་འདི་ནི་ལིག་ཡུན་ཧྲན་གྱིས་ཚགས་པར་ཁང་གི་འགན་འཁུར་བློ་མཐུན་དང་རྩོམ་སྒྲིག་པ། གསར་འགོད་པའི་འཐུས་མི་བཅས་དང་མཉམ་དུ་བཞུགས་མོལ་མཛད་པའི་ཚུལ་རེད།

  ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་ལིག་ཡུན་ཧྲན་ཟླ་དྲུག་པའི་ཚེས་ཉེར་དགུ་ཉིན་གྱི་ཕྱི་དྲོར་མི་དམངས་ཉིན་རེའི་ཚགས་པར་ཁང་དུ་ཕེབས་ཏེ་གནས་བབ་གསར་བའི་འོག་ཏུ་དྲིལ་སྒྲོག་གླེང་ཕྱོགས་བྱ་བ་བཟང་བོར་བསྒྲུབ་པའི་ཐད་ལ་རྟོག་ཞིབ་མཛད་པར་མ་ཟད་ཡང་དག་པའི་གླེང་ཕྱོགས་དང་ཁ་ཕྱོགས་གསལ་བོར་ཤེས་པར་བྱེད་པ་དང་། དྲིལ་སྒྲོག་གླེང་ཕྱོགས་ཀྱི་ནུས་པ་འདོན་སྤེལ་གང་ལེགས་བྱེད་དགོས་ལ། སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བའི་འཛུགས་སྐྲུན་ལ་སྐུལ་འདེད་བཏང་ནས། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་རྒྱུན་འཁྱོངས་དང་འཕེལ་རྒྱས་སུ་གཏོང་བ་དང་ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་གྱི་ཀྲུང་གོའི་ཕུགས་འདུན་མངོན་འགྱུར་བྱེད་པར་བསམ་བློའི་སྟོབས་ཤུགས་གཅིག་སྡུད་བྱེད་དགོས་ཞེས་ནན་གྱིས་གསུངས།

  ལིག་ཡུན་ཧྲན་མི་དམངས་ཉིན་རེའི་ཚགས་པར་ཁང་གི་སྤྱིའི་རྩོམ་སྒྲིག་ཁང་ལ་ཕེབས་ཏེ་གསར་འགྱུར་རྩོམ་སྒྲིག་དང་པར་ངོས་བཀོད་སྒྲིག་གནས་ཚུལ་ལ་རྒྱུས་ལོན་བྱས་པར་མ་ཟད་ཚང་མས་ཆབ་སྲིད་ཀྱི་འདུ་ཤེས་དང་ཁྱོན་ཡོངས་ཀྱི་འདུ་ཤེས། འགན་འཁྲིའི་འདུ་ཤེས་བཅས་ཆགས་པར་བྱས་ནས། ཡག་ཐོག་ཡག་བརྩེགས་རྒྱུན་འཁྱོངས་བྱེད་པ་དང་ལེགས་སྒྱུར་གསར་སྐྲུན་ལ་ཡིན་འཇོག་ཆེན་པོ་བྱེད་དགོས་ལ། ཏང་གི་འདོད་བློ་དྲིལ་སྒྲོག་བཟང་བོ་བྱེད་པ་དང་མི་དམངས་ཀྱི་རེ་འབོད་དང་ལེན་གང་ལེགས་བྱེད་དགོས་པའི་སྐུལ་མ་བཏང་།

  ལིག་ཡུན་ཧྲན་གྱིས་སྨྱན་བྱད་གཙོ་བོས་སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བ་དྲིལ་སྒྲོག་བྱེད་སྐབས་ནུས་པ་ཆེན་པོ་འདོན་པའི་ཐད་ནས་ཚགས་པར་ཁང་གི་འགན་འཁུར་བློ་མཐུན་དང་རྩོམ་སྒྲིག་པ། གསར་འགོད་པའི་འཐུས་མི་བཅས་དང་མཉམ་དུ་བཞུགས་མོལ་མཛད། ལིག་ཡུན་ཧྲན་གྱིས་ཚང་མའི་གཏམ་བཤད་ལ་ཉན་རྗེས་གསུངས་རྒྱུར། དྲིལ་སྒྲོག་གླེང་ཕྱོགས་བྱ་བ་བཟང་བོར་བསྒྲུབ་སྐབས་ཁྱོན་ཡོངས་ཀྱི་དོན་སྙིང་གལ་ཆེན་ལྡན་པའི་ལས་འགན་གཙོ་བོ་ནི་སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བ་གསོ་སྐྱོང་དང་དར་སྤེལ་བྱེད་རྒྱུ་དེ་ཡིན་པས། སྤྱི་ཁྱབ་ཧྲུའུ་ཅི་ཞི་ཅིན་ཕེན་གྱི་སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བའི་སྐོར་གྱི་རྒྱས་བཤད་གལ་ཆེན་ལ་སློབ་སྦྱོང་དང་གོ་བ་ཟབ་མོ་ལེན་དགོས་པ་དང་། སྲོག་ཤིང་རིན་ཐང་ལྟ་བའི་འཛུགས་སྐྲུན་གྱི་དོན་སྙིང་གལ་ཆེན་དང་དམིགས་འབེན་དང་ལས་འགན་གསལ་བོར་ཤེས་པར་བྱེད་དགོས་ལ། བསམ་བློའི་རང་རྟོགས་ནུས་པ་ཇེ་ཆེར་གཏོང་བ་དང་འགན་འཁུར་དང་འགན་འཁྲི་དང་ལེན་བཟང་བོ་བྱས་ནས། སྲོག་ཤིང་རིན་ཐང་ལྟ་བའི་རེ་བ་དེ་དྲིལ་སྒྲོག་གླེང་ཕྱོགས་བྱ་བའི་ཕྱོགས་སོ་སོ་ནས་མཚོན་པར་བྱེད་དགོས་ཟེར།  །