ཀྲུང་གོ་དཔལ་འབྱོར་མཛུབ་སྟོན་ཚགས་པར་ལས་གནས་ཚུལ་འབྱོར་གསལ།ཉེ་ཆར་རྒྱལ་ཁབ་འཕེལ་རྒྱས་བཅོས་བསྒྱུར་ཨུ་ལྷན་ནས་ཤེས་རྟོགས་བྱུང་དོན།ནུབ་རྒྱུད་གསར་སྦོལ་ཆེན་པོའི་འཐབ་ཇུས་ལག་བསྟར་གཏིང་ཟབ་གཏོང་བ་དང་ནུབ་རྒྱུད་ས་ཁུལ་གྱི་རྨང་གཞི་སྒྲིག་ཆས་འཛུགས་སྐྲུན་དང་འཕེལ་རྒྱས་ཀྱི་ཆ་རྐྱེན་ལེགས་བཅོས་བྱེད་ཆེད།༢༠༡༤ལོར་རྒྱལ་ཁབ་ཀྱིས་ནུབ་རྒྱུད་གསར་སྦོལ་ཆེན་པོའི་གཙོ་གནད་ཨར་ལས་རྣམ་གྲངས༣༣གསར་དུ་སྤེལ་འགོ་བཙུགས་ཤིང་།མ་དངུལ་གཏོང་འཇོག་བྱས་པའི་སྤྱིའི་གཞི་ཁྱོན་སྒོར་དུང་ཕྱུར༨༣༥༣ལ་བསླེབས་ཡོད་པ་དེ་གཙོ་ཆེ་བ་ནུབ་རྒྱུད་ས་ཁུལ་གྱི་ལྕགས་ལམ་དང་ཆུ་བེད་ཆེན་པོའི་འགག་རྩ་ཆེ་གྲས་སོགས་གཙོ་ཆེ་བའི་རྨང་གཞི་སྒྲིག་ཆས་འཛུགས་སྐྲུན།སྐྱེ་ཁམས་ཁོར་ཡུག་སྲུང་སྐྱོང་དང་དམངས་འཚོའི་ལས་གྲྭ་བཅས་སུ་བཏང་ཡོད།༢༠༠ལོ་ནས༢༠༡༤ལོའི་བར་ནུབ་རྒྱུད་གསར་སྦོལ་ཆེན་མོའི་ནང་གཙོ་གནད་ཨར་ལས་རྣམ་གྲངས་ཁྱོན་བསྡོམས༢༤༠གསར་དུ་སྤེལ་འགོ་བཙུགས་ཤིང་།མ་དངུལ་གཏོང་འཇོག་བྱས་པའི་སྤྱིའི་གཞི་ཁྱོན་སྒོར་དུང་ཕྱུར༤༨༣༩༠ལ་བསླེབས་ཡོད་པ་རེད།
    ངོ་སྤྲོད་བྱས་པར་གཞིགས་ན།གཙོ་གནད་ཨར་ལས་རྣམ་གྲངས༣༣གསར་དུ་སྤེལ་འགོ་བཙུགས་པ་སྟེ།ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་དང་ཁྲེང་ཏུའུ་ནས་གཡག་རྔ་བར།གོར་མོ་ནས་ཁུ་ཨར་ལེ་བར་གྱི་ལྕགས་ལམ།གྲོང་སྡེར་གཤོང་ཆེའི་འཕྲིན་དྲྭ་སྒྲིག་སྦྱོར་བྱེད་པའི་ཚོད་ལྟ་ཨར་ལས།གཙོ་ཆེ་བའི་འབབ་རྒྱུད་ཀྱི་འབག་བཙོག་སྔོན་འགོག་ཨར་ལས།རེས་སྐོར་གསར་པའི་ཞིང་བསྐྱུར་ནགས་འཛུགས་ལས་གྲྭ་བཅས་ཚུད་པ་རེད།