ཞིན་ཧྭ་གསར་འགྱུར་ཁང་ལོན་ཏོན་ནས་ཟླ་བ6པའི་ཚེས16ཉིན་འབྱོར་བའི་གཏམ་གསར།   དབྱིན་ཇིའི་དབུ་བཞུགས་བློན་ཆེན་ཁ་མེ་ལོན་གྱིས་གདན་འདྲེས་ཞུས་པར་ལྟར།  རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གོང་ཚེས་ཉིན་གྱི་ཕྱི་དྲོར་ལོན་ཏོན་གྱི་ཞི་སི་ལོའུ་གནམ་གྲུ་ཐང་དུ་འབྱོར་ནས་དབྱིན་ཇིར་དངོས་སུ་འཚམས་འདྲི་ཞུ།  
ལི་ཁེ་ཆང་གིས་གསུངས་དོན།  ད་ལོ་ནི་ཀྲུང་གོ་དང་དབྱིན་ཇི་རྒྱལ་ཁབ་གཉིས་བར་སྒོ་ཀུན་གྱི་འཐབ་ཇུས་སྤུན་ཟླའི་འབྲེལ་བ་བཙུགས་ནས་ལོ10འཁོར་བ་ཡིན་པ།  རྒྱལ་ཁབ་གཉིས་ཀྱི་འབྲེལ་བར་གོང་མཐུད་འོག་འདྲེན་གྱི་གལ་ཆེའི་གོ་སྐབས་དང་འཕྲད་ཡོད།  རང་གིས་དབྱིན་ཇིའི་འགོ་ཁྲིད་པ་དང་ཕྱོགས་གཉིས་ཀ་སོགས་ཐུན་མོང་དུ་ཐུགས་ཁུར་བྱེད་པའི་གནད་དོན་སྐོར་བསམ་འཆར་བརྗེ་རེས་ཟབ་མོ་བྱས་ཏེ།  ཀྲུང་གོ་དང་དབྱིན་ཇིའི་འབྲེལ་བར་ལམ་རྒྱུད་གསར་པ་འཆར་འགོད་བྱེད་པ་དང་།  ལམ་གསར་པ་གཏོད་པ།   ནུས་ཤུགས་གསར་པ་སྣོན་པ་བཅས་བྱས་ཏེ་རྒྱལ་ཁབ་གཉིས་ཀྱི་འབྲེལ་བ་དེ་མ་འོངས་པའི་ལོ་བཅུའི་དུས་ཚོད་གསར་པའི་ནང་ཅི་མགྱོ གས་གང་མགྱོ གས་ཀྱིས་མདུན་དུ་སྐྱོད་ཐུབ་པའི་རེ་སྒུག་བྱེད་པ་ཡིན།
      འཚམས་འདྲི་ཞུ་རིང་།  ལི་ཁེ་ཆང་གིས་དབྱིན་ཇིའི་རྒྱལ་མོ་དབྱི་ལི་ཧྲ་པའེ་སྐུ་ཕྲེང་གཉིས་པ་དང་མཇལ་འཕྲད་གནང་རྒྱུ་དང་།  དབུ་བཞུགས་བློན་ཆེན་ཁ་མེ་ལོན་དང་ཀྲུང་གོ་དང་དབྱིན་ཇི་རྒྱལ་ཁབ་གཉིས་ཀྱི་ཙུང་ལི་བར་གྱི་ལོ་འཁོར་མཇལ་འཛོམ་བྱ་རྒྱུ།  དབྱིན་ཇིའི་བློ་འདོན་ཚོགས་པར་གཏམ་བཤད་བྱ་རྒྱུ།  ཀྲུང་གོ་དང་དབྱིན་ཇིའི་འཛམ་གླིང་ཡོངས་ཀྱི་དཔལ་འབྱོར་ཐད་ཀྱི་གྲལ་སྐོར་གྲོས་ཚོགས་དང་།  ཀྲུང་གོ་དང་དབྱིན་ཇིའི་དངུལ་རྩ་གླེང་མོལ་སོགས་ཀྱི་བྱེད་སྒོར་ཞུགས་པ་དང་རྒྱལ་ཁབ་གཉིས་ཀྱི་ཚོང་ཟོག་ལས་རིགས་སོགས་ལས་རིགས་ཁག་གི་མི་སྣར་མཇལ་འཕྲད་གནང་རྒྱུ་ཡིན་པ།