མི་དམངས་དྲ་བའི་ཐོག་ནས་གནས་ཚུལ་འབྱོར་གསལ།འདི་ག་ཚགས་པར་ཁང་གི་ཕྱི་རྒྱལ་གྱི་བཅའ་སྡོད་གསར་འགོད་པས་གནས་ཚུལ་སྤེལ་བ་ཕྱོགས་བསྡུས་བྱས་པ་ལྟར་ན།འཇར་པན་གྱི་ཨན་པེ་སྲིད་གཞུང་གིས་དམངས་སེམས་སྣང་མེད་དུ་བཞག་ནས་བཙན་ཤེད་ཀྱིས་ཐུན་མོང་རང་སྲུང་དབང་ཆ་བཀག་ལྷོད་བྱས་པའི་བྱ་སྤྱོད་ལ་འཇར་པན་རྒྱལ་ནང་གི་མང་ཚོགས་ཚོས་རྒོལ་གཏམ་དྲག་པོ་གཏོང་གི་ཡོད་པར་མ་ཟད།རྒྱལ་སྤྱིའི་སྤྱི་ཚོགས་ཀྱིས་ཀྱང་ཡོངས་ཁྱབ་ཏུ་སྐྱོན་བརྗོད་ནན་པོ་བྱེད་ཀྱི་ཡོད་པ་རེད།འདི་ག་ཚགས་པར་ཁང་གི་གསར་འགོད་པའི་བཅར་འདྲི་དང་ལེན་གནང་བའི་ཕྱི་རྒྱལ་གྱི་དཔོན་པོ་དང་ཆེད་རམས་པ་དག་གིས་ཨན་པེ་སྲིད་གཞུང་གིས་འཛམ་གླིང་དམག་འཁྲུག་ཆེན་པོ་གཉིས་པའི་བསླབ་བྱ་དང་ལེན་བྱས་མེད་པས།ཁོ་ཡི་བྱ་སྤྱོད་འདིས་འཇར་པན་གྱི་འབྱུང་འགྱུར་དང་ས་ཁུལ་གྱི་གནས་བབ་ལ་ལྡོག་ཕྱོགས་ཀྱི་ཤུགས་རྐྱེན་ཆེན་པོ་ཐེབས་རྒྱུ་ཡིན་པའི་ངོས་འཛིན་གནང་གི་ཡོད་པ་རེད།