ཞིན་ཧྭ་གསར་འགྱུར་ཁང་ཟི་ལིང་ནས་ཟླ་བ11པའི་ཚེས9ཉིན་འབྱོར་བའི་གཏམ་གསར།ཉེ་བའི་ལོ30ཡི་རིང་ལ་རང་རྒྱལ་གྱི་བོད་ལྗོངས་དང་སྔོན།སི་ཁྲོན།ཀན་སུའུ།ཡུན་ནན་བཅས་ཞིང་ལྗོངས་ལྔའི་བོད་རིགས་སློབ་མ་ཁྲི70ལྷག་ཙམ་ལ་མཚོ་སྔོན་ཞིང་ཆེན་མི་རིགས་སློབ་དེབ་རྩོམ་སྒྱུར་ལྟེ་གནས་ཀྱིས་རྩོམ་སྒྱུར་བྱས་པའི་བོད་ཡིག་སློབ་དེབ་རིགས1700ལྷག་ཙམ་བོད་ཡིག་སློབ་དེབ་ཀྱིས་ཕན་པ་ཐོབ་པ་རེད།
1970ལོར་མཚོ་སྔོན་མི་རིགས་སློབ་དེབ་རྩོམ་སྒྱུར་ལྟེ་གནས་ནི་བོད་ཡིག་སློབ་དེབ་རྩོམ་སྒྱུར་བྱེད་མཁན་གྱི་ལས་ཁུངས་ཤིག་རེད།དུས་རབས20པའི་ལོ་རབས80པའི་དུས་འགོ་ནས་བཟུང་།ལས་ཁུངས་དེས་གཙོ་བོ་བོད་ལྗོངས་དང་མཚོ་སྔོན་སོགས་ཞིང་ལྗོངས་ལྔའི་མི་རིགས་སློབ་གྲྭ་ཆུང་འབྲིང་གི་སློབ་ཚན་སོ་སོའི་བོད་ཡིག་སློབ་དེབ་རྩོམ་སྒྱུར་གྱི་ལས་འགན་འཁུར་བ་རེད།མཚོ་སྔོན་ཞིང་ཆེན་མི་རིགས་སློབ་དེབ་རྩོམ་སྒྱུར་ལྟེ་གནས་ཀྱི་ཀྲུའུ་རེན་ལུའེ་ཐའོ་ངོ་སྤྲོད་བྱས་རྒྱུར།ཉེ་བའི་ལོ30ཡི་རིང་ལ་རྩོམ་སྒྱུར་ལྟེ་གནས་དེས་བོད་ཡིག་སློབ་དེབ་རིགས1700ལྷག་ཙམ་རྩོམ་སྒྱུར་བྱས་པ་དང་འགྲེམ་སྤེལ་བྱེད་ཚད་སློབ་དེབ་ཁྲི2500ལ་ཟིན་པར་བརྟེན།ཞིང་ལྗོངས་ལྔའི་བོད་ཡིག་སློབ་གྲྭ་འབྲིང་ཆུང6300ཡི་བོད་རིགས་སློབ་མ70ལྷག་ཙམ་ལ་ཕན་པ་ཐོབ་པ་རེད།