ཞིན་ཧྭ་གསར་འགྱུར་ཁང་ཧྲང་ཧའེ་ནས་ཟླ་བ10པའི་ཚེས31ཉིན་འབྱོར་བའི་གཏམ་གསར།གོང་ཚེས་ཉིན་ཀྲུང་གོའི2010ལོའི་ཧྲང་ཧའེ་འཛམ་གླིང་དངོས་མང་སྟོན་ཚོགས་མཇུག་བསྒྲིལ་བའི་མཛད་སྒོ་དེ་ཧྲང་ཧའེ་ཡི་འཛམ་གླིང་དངོས་མང་སྟོན་ཚོགས་ཀྱི་རིག་གནས་ལྟེ་གནས་སུ་གཟབ་རྒྱས་ངང་སྤེལ་བ་རེད།རྒྱལ་སྲིད་སྤྱི་ཁྱབ་ཁང་གི་ཙུང་ལི་ཝུན་ཅ་པའོ་མཇུག་བསྒྲིལ་བའི་མཛད་སྒོའི་ནང་ཞུགས་པས་མ་ཚད་ཧྲང་ཧའེ་ཡི་འཛམ་གླིང་དངོས་སྟོན་ཚོགས་མཇུག་བསྒྲིལ་བའི་ཁྱབ་བསྒྲགས་གནང་བ་རེད།མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཕན་ཅིས་ཝེན།འཛམ་གླིང་འགྲེམ་སྟོན་ཁང་གི་ཀྲུའུ་ཞི་ལན་ཧྥེང་དང་འཛམ་གླིང་འགྲེམ་སྟོན་ཁང་གི་དྲུང་ཡིག་ཆེན་མོ་ལུའོ་སའེ་ལ་ལའེ་སིས་ཤིས་ཚིག་འབུལ་བས་མ་ཚད།འཛམ་གླིང་གི་ས་གནས་སོ་སོ་ནས་ཕེབས་པའི་འགོ་ཁྲིད་དང་སྐུ་མགྲོན་རྣམས་དང་མཉམ་དུ་མཇུག་བསྒྲིལ་བའི་མཛད་སྒོར་ཞུགས་ནས་ཧྲང་ཧའེ་ཡི་འཛམ་གླིང་དངོས་མང་སྟོན་ཚོགས་རྒྱལ་ཁའི་ངང་མཇུག་བསྒྲིལ་བར་མཉམ་དུ་རྟེན་འབྲེལ་ཞུས་པ་རེད།-ཐེངས་འདིའི་འཛམ་གླིང་དངོས་མང་སྟོན་ཚོགས་ཀྱི་བརྗོད་བྱ་གཙོ་བོ་ནི“གྲོང་ཁྱེར།འཚོ་བ་དེ་བས་ཡག་ཏུ་བཅུག”ཅེས་པ་འདི་རེད།ཟླ་བ5པའི་ཚེས1ཉིན་འགོ་ཚུགས་པ་ནས་ད་བར་གྱི་ཉིན184ཡིན་ནང་།རྒྱལ་ཁབ་དང་རྒྱལ་སྤྱིའི་རྩ་འཛུགས246གིས་འགྲེམ་སྟོན་དང་།བགྲོ་གླེང་།འཁྲབ་སྟོན་བཅས་ཀྱི་རྣམ་པའི་ཐོག་ནས་གྲོང་ཁྱེར་གྱི་མ་འོངས་པའི་འཕེལ་ཕྱོགས་མདུན་ལམ་ལ་མཉམ་དུ་དཔྱད་བསྡུར་བྱས་ནས་མིའི་རིགས་ཀྱི་དཔལ་ཡོན་དང་འཆམ་མཐུན་མཉམ་གནས་ཀྱི་རོལ་དབྱངས་ལེའུ་ཞིག་བྲིས་ཏེ་གསོན་ཉམས་ལྡན་པའི་ངང་ནས་“ཤེས་རྒྱུས།འབྲེལ་བ།འདུ་འཛོམས།མཉམ་ལས”བཅས་ཀྱི་འཛམ་གླིང་དངོས་མང་སྟོན་ཚོགས་ཀྱི་འདུ་ཤེས་གསལ་བཤད་བྱས་པ་རེད།
ཟླ་བ༡༠པའི་ཚེས་སོ་གཅིག་ཉིན་གྱི་བར་དུ་སླེབས་སྐབས། ཧྲང་ཧའེ་དངོས་མང་སྟོན་ཚོགས་ལ་ལྟ་སྐོར་བྱེད་དུ་འོང་མཁན་གྱི་འགྲུལ་པ་ཁྲི་༧༣༠༠ལྷག་ཙམ་ལ་ཟིན་པ་རེད།
སྔ་དྲོའི་ཆུ་ཚོད་དགུའི་ཐོག་2010ལོའི་ཧྲང་ཧའེ་ཡི་འཛམ་གླིང་དངོས་མང་སྟོན་ཚོགས་ཀྱི་རྩེ་གྲས་གླེང་སྟེགས་འཛམ་གླིང་དངོས་མང་སྟོན་ཚོགས་ཀྱི་ཚོགས་ཁུལ་ལྟེ་གནས་སུ་འཚོགས་ཤིང་།མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཕན་ཅི་ཝུན་གྱིས་རྒྱལ་ཁབ་ཁག་གི་འགོ་གཙོའི་གླེང་སྟེགས་འགོ་ཚུགས་པའི་མཛད་སྒོའི་ཐོག་ཏུ་ཤིས་ཚིག་འབུལ་བ་རེད།
དགོང་མོའི་ཆུ་ཚོད་བརྒྱད་དང་སྐར་མ་བཅུ་བཞིའི་ཐོགཀྲུང་གུང་ཧྲང་ཧའེ་གྲོང་ཁྱེར་ཏང་ཨུའི་ཧྲུའུ་ཅི།ཧྲང་ཧའེ་ཡི་འཛམ་གླིང་དངོས་མང་སྟོན་ཚོགས་ཀྱི་ཀྲུའུ་རེན་ཨུ་ཡོན་གཞོན་པ་དང་པོ་ཡུས་ཀྲེན་ཧྲན་གྱིས་མཇུག་བསྒྲིལ་བའི་མཛད་སྒོ་འགོ་ཚུགས་རྒྱུའི་ཁྱབ་བསྒྲགས་གནང་བ་རེད།རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ།ཧྲང་ཧའེ་ཡི་འཛམ་གླིང་དངོས་མང་སྟོན་ཚོགས་ཀྱི་ཀྲུའུ་རེན་ཨུ་ཡོན་ཝང་ཆིས་ཧྲན་གྱིས་མཇུག་བསྒྲིལ་བའི་མཛད་སྒོ་ཚོགས་ཆེན་ཐོག་ཤིས་ཚིག་འབུལ་བ་རེད།ཁོང་གིས་གསུངས་རྒྱུར།ཧྲང་ཧའེ་ཡི་འཛམ་གླིང་དངོས་མང་སྟོན་ཚོགས་ཀྱི་མིའི་རིགས་ཀྱི་དཔལ་ཡོན་གསར་སྐྲུན་གྱི་གྲུབ་འབྲས་གོང་བུ་འགྲིམ་བ་དང་།ཀྲུང་གོ་དང་འཛམ་གླིང་བར་གྱི་རྒྱང་ཐག་ཉེ་རུ་བཏང་ཡོད།ཕྱི་ཕྱོགས་སུ་དེ་བས་སྒོ་ཕྱེ་བ་དང་དཔལ་ཡོན་ལྡན་པ།ཡར་ཐོན་གྱི་ཀྲུང་གོས་འཛམ་གླིང་གི་རྒྱལ་ཁབ་སོ་སོ་དང་མཉམ་དུ་འོད་སྟོན་འཕྲོས་པའི་འབྱུང་འགྱུར་མདུན་བསུ་བྱ་རྒྱུ་ཡིན།
དེའི་རྗེས།རྒྱལ་སྤྱིའི་འགྲེམ་སྟོན་ཁང་གི་ཀྲུའུ་ཞི་ལན་ཧྥེང་གིས་ཤིས་ཚིག་འབུལ་བ་རེད།ཁོང་གིས་གསུངས་རྒྱུར།2010ལོའི་ཧྲང་ཧའེ་འཛམ་གླིང་དངོས་མང་སྟོན་ཚོགས་ལ་རྒྱལ་ཁབ་ཆེན་པོ་ཐོབ་ཡོད།འདི་ནི་ཀྲུང་གོའི་རྒྱལ་ཁབ་ཡིན་ལ།དེ་དང་ཆབས་ཅིག་འཛམ་གླིང་དངོས་མང་སྟོན་ཚོགས་བྱ་གཞག་གི་རྒྱལ་ཁབ་ཀྱང་ཡིན་པ་རེད།ཧྲང་ཧའེ་དངོས་མང་སྟོན་ཚོགས་ཀྱི་འོད་སྣང་དུས་གཏན་དུ་འཕྲོས།ང་ཚོས་དེ་བས་མཛེས་སྡུག་ལྡན་པའི་གྲོང་ཁྱེར་འཛུགས་སྐྲུན་བྱ་རྒྱུར་མུ་མཐུད་ནས་འབད་བརྩོན་བྱེད་དགོས།
དགོང་མོའི་ཆུ་ཚོད་བརྒྱད་དང་ཕྱེད་ཀའི་ཐོག་ཝུན་ཅ་པའོ་ཡིས2010ལོའི་ཧྲང་ཧའེ་ཡི་དངོས་མང་སྟོན་ཚོགས་མཇུག་བསྒྲིལ་བ་ཡིན་ཞེས་ཁྱབ་བསྒྲགས་གནང་བ་རེད།