2015ལོའི་ཟླ་བ་དང་པོའི་ཚེས6ནས་ཚེས12ཉིན་གྱི་བར།འབའ་ཐང་རྫོང་གི་ཁ་གཏད་རོགས་སྐྱོར་བྱས་པའི་ཁྲེང་ཏུའུ་གྲོང་ཁྱེར་ཧྲོང་ལིའུ་རྫོང་གིས་གཞོགས་འདེགས་ཤུགས་ཆེན་བྱས་འོགའབའ་ཐང་རྫོང་གི་ཁྱད་ཆོས་ལྡན་པའི་ཞིང་ལས་ཐོན་རྫས་དང་ལྗོངས་རྒྱུའི་ངོ་སྤྲོད་ཚོགས་འདུ།རིག་གནས་ཡུལ་སྲོལ་གོམས་འདྲིས་མངོན་པའི་བྱེད་སྒོ་ཨང་དང་པོ་དེ་ཁྲེང་ཏུའུ་གྲོང་ཁྱེར་གྱི་ཅིང་ལི་རུ་སྤེལ་བ་རེད།
ཤེས་རྟོགས་བྱུང་བར་གཞིགས་ན།ཐེངས་འདིའི་བྱེད་སྒོ་དེ་ཧྲོང་ལིའུ་རྫོང་དང་འབའ་ཐང་རྫོང་ཨུ་དང་རྫོང་སྲིད་གཞུང་གིས་གཙོ་གཉེར་བྱས་ཤིང་།འབའ་ཐང་རྫོང་ཨུའི་དྲིལ་བསྒྲགས་པུའུ་དང་འབའ་ཐང་རྫོང་རིག་གནས་ལུས་རྩལ་རྒྱང་བསྒྲགས་བརྙན་འཕྲིན་ཅུས་ཀྱིས་སྒྲུབ་འགན་འཁུར་བ་དང་།ཧྲོང་ལིའུ་རྫོང་རིག་གནས་ལུས་རྩལ་རྒྱང་བསྒྲགས་བརྙན་འཕྲིན་ཅུས་ཀྱིས་རོགས་གཉེར་བྱས་པ་རེད།
མིག་སྔར་ངོ་སྤྲོད་བྱེད་སྒོའི་རྩ་འཛུགས་ལས་ཁུངས་བཙུགས་ཤིང་ཚོ་ཁག་བགོས་ནས་བྱེད་སྒོའི་འཆར་གཞི་ཞིབ་ཚགས་ཀྱིས་བཀོད་སྒྲིག་བྱས་ཏེ་ཀུ་ཤུ་དང་མཱ་ཁ། སྒོག་པ།  སྟར་ཀ།  ཤ་མོ།  མོག་རོ།  ཨ་མྲ་འབྲས་གོ་བཅས་ཞིང་ལས་ཐོན་རྫས་དང་ལྗོངས་རྒྱུའི་ཐོན་རྫས་སྣ་ཁ་བཅུ་ལྷག་ཙམ་འགྲེམ་སྟོན་བྱེད་པས་མ་མ་ཚད།  ད་དུང་དྲིལ་བསྒྲགས་ལག་དེབ་དང་བརྗོད་བྱ་གཙོ་བོའི་འབོད་ཚིག  ཕྱིར་ཕྱོགས་དྲིལ་བསྒྲགས་ཀྱི་ཇུས་འགོད་བཅས་ཀྱི་ལས་ཀ་སྒྲུབ་ཅིང་།དགའ་གཞས་སྒྱུ་རྩལ་ཚོགས་པའི་གཞོན་ནུའི་འཁྲབ་སྟོན་པས་ལྟད་མོ་སྟོན་པ་དང་ལྗོངས་རྒྱུའི་གཟུགས་བརྙན་ཕོ་ཉ9ཡིས་གུས་ལུགས་ལྟད་མོ་འཁྲབ་པ་རེད།འབའ་ཐང་རྫོང་གི་མི་རིགས་ཀྱི་ཡུལ་སྲོལ་དང་རང་བྱུང་ཁམས་ཀྱི་ཡུལ་ལྗོངས།སྤྱི་ཚོགས་ལོ་རྒྱུས་ཀྱི་པར་རིས50ཡང་འགྲེམ་སྟོན་བྱས་པ་རེད།།