ཀྲུང་གོ་བོད་ཀྱི་དྲ་བའི་འཕྲིན། ཉེ་དུས། བོད་རང་སྐྱོང་ལྗོངས་གཞོན་ནུ་ལོ་ཆུང་ཞིབ་འཇུག་ལྟེ་གནས་ལྷ་སར་བཙུགས་ནས་བོད་ལྗོངས་སུ་ལོ་མང་རིང་ཆེད་ལས་གཞོན་ནུ་ལོ་ཆུང་གི་ཞིབ་འཇུག་ཚན་པ་མེད་པའི་སྟོང་ཆ་ཁ་སྐོང་ཐུབ་པ་མ་ཟད། བོད་ལྗོངས་ཀྱི་གཞོན་ནུ་ལོ་ཆུང་ཁོངས་གཏོགས་ཞིབ་འཇུག་ལས་དོན་ཁྱོན་ཡོངས་ནས་སྤེལ་འགོ་ཚུགས་པ་མཚོན་ཡོད།

    གུང་གཞོན་སྡེ་ཚོགས་ལྗོངས་ཨུ་ཡོན་ལྷན་ཁང་གི་འགན་ཁུར་བས་ཞིབ་འཇུག་ལྟེ་གནས་དེ་རང་ལྗོངས་ཀྱི་གཞོན་ནུ་ལོ་ཆུང་གི་བསམ་བློའི་སྔོན་ཚུད་ཉེན་བརྡའི་ཁུལ་ཞིག་དང་། ཏང་སྲིད་འཐབ་ཇུས་ཀྱི་གཞོན་ནུ་ལོ་ཆུང་བློ་འདྲིའི་ཚན་པ་ཞིག ནུབ་རྒྱུད་གྲངས་ཉུང་མི་རིགས་ས་ཁུལ་གྱི་གཞོན་ནུ་ལོ་ཆུང་ལས་དོན་ཞིབ་འཇུག་གི་ལས་ཀའི་སྟེགས་བུ་ཞིག བོད་ལྗོངས་ཀྱིས་ཆེད་མངགས་གཞོན་ནུ་ལོ་ཆུང་ཞིབ་འཇུག་ལས་དོན་སྤེལ་རྒྱུའི་བློ་གྲོས་བང་མཛོད་ཅིག བོད་ལྗོངས་ཀྱི་གཞོན་ནུ་ལོ་ཆུང་ཞིབ་འཇུག་ཤེས་ལྡན་པ་གསོ་སྐྱོང་བྱེད་པའི་རིག་པའི་ལྟེ་གནས་ཀྱི་སྟེགས་བུ་བཅས་སུ་བསྐྲུན་རྒྱུ་རེད་ཅེས་ངོ་སྤྲོད་གནང་བ་རེད།   །