ཀན་སུའུ་ཞིང་ཆེན་མི་རིགས་སྐད་ཡིག་སྒྱུར་སྐྲུན་ལས་རིགས་ཀྱི་དྲ་བ་སྟེ་ཀན་སུའུ་སྒྱུར་སྐྲུན་དྲ་བ་སྒོ་ཕྱེ་བ།

         ཉེ་ལམ། ཀན་སུའུ་ཀན་སུའུ་ཞིང་ཆེན་མི་རིགས་སྐད་ཡིག་སྒྱུར་སྐྲུན་ལས་རིགས་ཀྱི་དྲ་བ་དངོས་སུ་སྒོ་ཕྱེ་ཞིང་། འདི་ནི་ཀན་སུའུ་ཞིང་ཆེན་མི་རིགས་སྐད་ཡིག་སྒྱུར་སྐྲུན་ལྟེ་གནས་ཀྱིས་གཙོ་སྒྲུབ་གནང་བ་ཡིན་ལ། དམིགས་ཡུལ་གཙོ་བོ་ནི་མི་རིགས་སྐད་ཡིག་སྒྱུར་སྐྲུན་གྱི་སྤྱི་ཕན་རང་བཞིན་མཚོན་པར་བྱས་ཏེ་མི་རིགས་སྐད་ཡིག་སྒྱུར་སྐྲུན་གྱི་གྲུབ་འབྲས་སྔར་ལས་ཇེ་ལེགས་དང་སྔར་ལས་སྟབས་བདེའི་སྒོ་ནས་གྲངས་ཉུང་མི་རིགས་ཀྱི་མང་ཚོགས་ལ་ཞབས་འདེགས་སྒྲུབ་རྒྱུ་དེ་ཡིན། 
         དྲ་བ་འདིར་སྤྱི་ཁོག་མཚམས་སྦྱོར་དང་།  ལས་ཤག་སྒྲིག་འགོད།  ཀན་སུའུ་སྒྱུར་སྐྲུན།  སྒྱུར་སྐྲུན་སྐབས་དོན།  སྒྱུར་སྐྲུན་ལེ་ཚན། ལས་སྒྲུབ་པའི་འགུལ་རྣམ།  མི་རིགས་རིག་གནས་སོགས་ཀྱི་ཚན་པ་འདུས།  དེ་ཡང་གསར་འགྱུར་གྱི་ནང་དོན་ཕུན་སུམ་ཚོགས་ཤིང་ཇུས་འགོད་མཛེས་སྡུག་ལྡན་པས་མི་རིགས་ཀྱི་ཁྱད་ཆོས་དོད་པོ་ངོམ་ཡོད།
         དྲ་བ་འདི་སྒོ་ཕྱེ་བ་ལས་ཀན་སུའུ་ཞིང་ཆེན་གྱི་སྒྱུར་སྐྲུན་ལས་དོན་དང་སྒྱུར་སྐྲུན་གྲུབ་འབྲས་ཁྱབ་སྤེལ་བྱེད་པར་ཕྱོགས་བསྡུས་ཀྱི་ཆ་འཕྲིན་སྟེགས་བུ་སྐྲུན་ངེས།