ཟླ9བའི་ཚེས27ནས་ཚེས28ཉིན་བར། མཚོ་སྔོན་ཞིང་ཆེན་མཚོ་ཤར་ས་ཁུལ་དང་མཚོ་བྱང་ཁུལ། མཚོ་ལྷོ་ཁུལ། མཚོ་ནུབ་ཁུལ། རྨ་ལྷོ་ཁུལ། ཟི་ལིང་གྲོང་ཁྱེར་བཅས་ཀྱི་དམངས་ཁྲོད་སྒྱུ་རྩལ་པ་མི40ལྷག་མཚོ་སྔོན་ཞིང་ཆེན་རིག་གནས་དང་གསར་འགྱུར་པར་སྐྲུན་ཐིན་གྱིས་གཙོ་སྒྲུབ་བྱས་ཤིང་། ཞིང་ཆེན་བཟོ་བཀོད་མཛེས་རྩལ་སྲུང་སྐྱོང་དོ་དམ་གཞུང་སྒྲུབ་ཁང་གིས་འགན་སྒྲུབ་བྱས་པའི་ཞིང་ཆེན་ཡོངས་ཀྱི་རོང་འབྲོག་པའི་རིག་གནས་ནུས་རྩལ་ལག་རྩལ་གྱི་ཙོང་ཁའི་དམངས་ཁྲོད་བརྩེགས་དྲུབ་ལག་བཟོ་གསོ་སྦྱོང་འཛིན་གྲྭ་ལ་ཞུགས།

གསོ་སྦྱོང་འཛིན་གྲྭ་ལ་ཆིན་ཧྭ་སློབ་ཆེན་གྱི་བཅར་འདྲི་ཆེད་མཁས་པ་དང་སུའུ་ཀྲོའུ་བཟོ་བཀོད་མཛེས་རྩལ་ལག་རྩལ་ཆེད་ལས་སློབ་གླིང་གི་ཆེད་ཞུ་དགེ་རྒན་ཆེན་མོ་ལེང་ཞུའེ་ཧྥང་དང་བཟོ་བཀོད་མཛེས་རྩལ་པའི་ལག་རོགས་མ་ཅན་མེ་གདན་ཞུ་བྱས་ཡོད་ལ། དམངས་ཁྲོད་སྒྱུ་རྩལ་པར་རིག་གཞུང་སློབ་ཁྲིད་དང་དཔེ་སྟོན་གསར་རྩོམ། ཡུལ་དངོས་ཉམས་མྱོང་བཅས་གཅིག་ཏུ་འབྲེལ་བའི་བྱེད་ཐབས་ཀྱིས་སློབ་སྦྱོང་གསར་རྩོམ་དང་རོགས་སྐྱོར་མཛུབ་ཁྲིད་བྱས།

གསོ་སྦྱོང་གི་ནང་དོན་གཙོ་བོ་ལ། ཙོང་ཁའི་དམངས་ཁྲོད་བརྩེགས་དྲུབ་ལག་བཟོས་མཛེས་རྩལ་དང་། བཟོ་རྩལ་ཚོང་རའི་དཔལ་འབྱོར་ཤེས་བྱ། དབུལ་ཐར་ཕྱུག་བསྒྱུར་ཆ་འཕྲིན། གསར་རྩོམ་མཛུབ་སྟོན། བརྩམས་ཆོས་དཔྱད་བསྡུར་བརྗེ་རེས། སློབ་གླིང་གི་སློབ་མཇུག་སྒྲིལ་བའི་བརྩམས་ཆོས་གསར་རྩོམ་སོགས་ཡོད།