ཚོན་བྱུག་གི་སྔོན་དཔག་ནི།ཚོན་མ་བྱུག་སྔོན་དུ་སྐྱ་རིས་ཀྱི་གཞི་གང་ལ་ཚོན་གང་ཞིག་བྱུག་དགོས་པའི་བསམ་བློ་ཞིབ་ཏུ་བཏང་ནས།འབྱུང་འགྱུར་གྱི་ཚོན་མདོག་ཐམས་ཅད་ཡིད་ལ་ངེས་པར་བྱ་ལ།གལ་ཏེ་བསམ་མནོ་ཙམ་ཡང་མ་བཏང་ནས་བྱུག་ན།ཚོན་དགྲ་འབྱུང་ཉེན་དང་།བཅོས་དགོས་བྱུང་ན་ལེགས་པོ་འོང་བར་དཀའ་བས།དཔེར་ན།གཞི་སེར་པོའི་སྟེང་དུ་ལྗང་གུ་བྱུག་ན་ནག་པོར་འགྱུར་བ་དང་།ཚོན་གང་གིས་གང་བཅོས་ཀྱང་ཁ་དོག་ཇི་བཞིན་པ་ཡོང་ཐབས་མེད་པ་དང་།
དཀར་སེར་གཉིས་ཀྱིས་ནི་ཚོན་གཞན་ནོན་པ་མ་ཡིན་པ་ལྟ་བུ་གཟབ་དགོས་པ་མང་བས་སློབ་དཔོན་གྱིས་བཤད་ཁྲིད་དང་རང་གི་ཉམས་མྱོང་ལས་ཤེས་རྟོགས་རྒྱུན་མི་ཆད་པ་གལ་ཆེའོ།།