ཚོན་བྱུག་གི་ལག་ལེན་ལ།ཚོན་སྦྱོར་མེ་དང་མ་བྲལ་ཞིང་།།དམ་ཚོན་ཟུངས་ལ་སྣུར་ཤ་ཆོད།།ཅེས་ཟེར་ཏེ།ལྡེབས་བྲིས་དང་ཐང་སྐུ་སོགས་བོད་ཀྱི་རི་མོ་ཐམས་ཅད་ཀྱི་ཚོན་ལ་སྤྱིན་ཆུས་དམ་བྱ་རྒྱུ་ཡིན་པས་མེ་དང་མི་འབྲལ་ཞིང་།ཚོན་སྦྱོར་བས་ཚོན་གྱི་མང་ཉུང་དང་དམ་ཆུའི་གར་སླ།དམ་བྱ་ཚོན་གྱི་ཁྱད་པར་སོགས་ལ་གཞིགས་ནས་དམ་ཆུ་རན་པར་བླུགས་ཏེ་ཚོན་ཕོར་མེའི་ཐོག་ཏུ་བཞག ཚོན་ལ་དྲོད་ཕོག་སྟེ་རླངས་པ་ཐོལ་གྱིས་བྱུང་བ་ན་བླངས་ཏེ་མཛུ་གུས་དཀྲོག་འདུལ་གྱིས་སྣུར་ཤ་བཅད།དེ་ནས་ཅུང་ཞིག་གྲང་མཐར་བྱུག་གོ།།